დღეს, საქართველოს პრემიერ-მინისტრის გადაწყვეტილებით საქართველოს სამინისტროებში განხორციელდა მნიშვნელოვანი საკადრო ცვლილებები, კერძოდ, დაკავებული თანამდებობებიდან განთავისუფლდა 7 მინისტრი.
გვსურს აღვნიშნოთ, რომ თანამდებობიდან განთავისუფლებული მინისტრების უმეტესობის ხელმძღვანელობით სამინისტროებმა განიცადეს მნიშვნელოვანი პროგრესი ინფორმაციის ხელმისაწვდომობისა და გამჭვირვალობის თვალსაზრისით. მათ შორის განსაკუთრებით აღსანიშნავია გარემოსა და ბუნებრივი რესურსების დაცვის სამინისტრო, ოკუპირებული ტერიტორიებიდან იძულებით გადაადგილებულ პირთა, განსახლებისა და ლტოლვილთა სამინისტრო, რეგიონული განვითარებისა და ინფრასტრუქტურის სამინისტრო და სოფლის მეურნეობის სამინისტრო, რომლებიც, ინსტიტუტის შეფასებით, 2013-2014 წლებში იკავებდნენ მოწინავე პოზიციებს საქართველოს საჯარო დაწესებულებების რეიტინგში ინფორმაციის ხელმისაწვდომობის პრაქტიკის მიხედვით.
IDFI გამოთქვამს იმედს, რომ ის ახალი მინისტრები, რომლებიც დაინიშნებიან აღნიშნული უწყებების ხელმძღვანელებად, გააგრძელებენ საჯარო ინფორმაციის ხელმისაწვდომობის საუკეთესო პრაქტიკას და გამჭვირვალე და ღია მმართველობა იქნება მათი საქმიანობის ერთ-ერთი მთავარი პრიორიტეტი.
გვსურს კიდევ ერთხელ წარმოგიდგინოთ 2013 წლის ოქტომბერი - 2014 წლის მარტის პერიოდში ინსტიტუტის მიერ საქართველოს სამინისტროებში განხორციელებული საჯარო ინფორმაციის ხელმისაწვდომობის მონიტორინგის შედეგები:
სიახლეების გამოწერა
