2013 წლის 24 ივლისს, სასტუმრო „ვერე პალასში“,   ინფორმაციის თავისუფლების განვითარების ინსტიტუტმა (IDFI), შეერთებული შტატების საერთაშორისო განვითარების სააგენტოს USAID, დემოკრატიული მმართველობის პროგრამა საქართველოში (G-3) მხარდაჭერით მრგვალ მაგიდა: „საჯარო ინფორმაციის პროაქტიული გამოქვეყნება“ გამართა ინფორმაციის თავისუფლების ხელმისაწვდომობაზე მომუშავე არასამთავრობო ორგანიზაციების, ექსპერტებისა და მას-მედიის წარმომადგენლების მონაწილეობით.
მრგვალი მაგიდა “USAID“-ის დემოკრატიული მმართველობის პროგრამის (G3)  დირექტორის მოადგილემ მაია გოგოლაძემ გახსნა  და IDFI-ისა და  USAID, (G-3) პროექტის  “ინფორმაციის თავისუფლების კანონმდებლობის გაუმჯობესებისა და საზოგადოებრივი ცნობიერების ამაღლების” ფარგლებში მიმდინარე აქტივობები გააცნო.   
    
შეხვედრის პირველ ნაწილში, გიორგი კლდიაშვილმა, IDFI- ის დირექტორმა, USAID-ის G-3 პროგრამის პროექტის კონსორციუმის წევრმა  მონაწილეებს საქართველოს მთავრობის დადგენილების პროექტი „საჯარო ინფორმაციის ელექტრონულად მოთხოვნისა და პროაქტიულად გამოქვეყნების შესახებ“ გააცნო. დადგენილების პროექტის განხილვის დროს შეხვედრის მონაწილეებმა დისკუსიის ფორმატში წარმოადგინეს შენიშვნები, კერძოდ, რეკომენდაციები საჯარო ინფორმაციის პროაქტიულად გამოქვეყნების სტანდარტთან, ელექტრონულად ინფორმაციის მოთხოვნის წესებსა და განხილულ მუხლებთან მიმართებაში, რაც რეკომენდირებულია გასათვალისწინებლად.

შეხვედრის დროს, ლევან ავალიშვილმა, IDFI-ის თავმჯდომარემ, წარმოადგინა IDFI-ის მიერ მომზადებული წინადადებები „საჯარო ინფორმაციის პროაქტიული გამოქვეყნების განკარგულების პროექტთან“ დაკავშირებით. დეტალურად გააცნო ორგანიზაციის ის შენიშვნები, რაც ნაწილობრივ გათვალისწინებულია დადგენილების პროექტსა და დანართში “პროაქტიულად გამოსაქვეყნებელ ინფორმაცდიის ნუსხა”. მონაწილეებმა იმსჯელეს დადგენილების პროექტში შესატანად დამატებით სარეკომენდაციო პუნქტებზე, რაც უზრუნველყოფს დადგენილების  ეფექტურობას.

შეხვედრის ბოლოს, მონაწილეები კონკრეტულად შეთანხმდნენ შეთავაზებების შინაარსზე, რაც მათი სახელით მთავრობას წარედგინება.