2013 წლის მონაცემები სხვადასხვა საჯარო დაწესებულებებიდან (ნაწილი 5)

სიახლეები | კორუფციასთან ბრძოლა | პუბლიკაციები | სტატია 11 ივნისი 2014

 

 

 

 

www.opendata.ge -ზე (საჯარო ინფორმაციის მონაცემთა ბაზა) უკვე ხელმისაწვდომია IDFI-ისთვის მოწოდებული სხვადასხვა სახის ინფორმაცია რეგიონული განვითარებისა და ინფრასტრუქტურის  სამინისტროს დაქვემდებარებაში მყოფი უწყებების შესახებ:

 

-         საქართველოს საავტომობილო გზების დეპარტამენტი,

-         მუნიციპალური განვითარების ფონდი,

-         ვანო ხუხუნაიშვილის სახელობის ეფექტიანი მმართველობის სისტემისა და ტერიტორიული მოწყობის რეფორმის ცენტრი,

-         ევრაზიის სატრანსპორტო დერეფნის საინვესტიციო ცენტრი.

 

  • როგორც მოწოდებული ინფორმაციიდან ირკვევა, საქართველოს საავტომობილო გზების დეპარტამენტმა გადაუდებელი აუცილებლობით განპირობებული შესყიდვები განახორციელა 34 944 779 ლარის ღირებულების საავტომობილო გზების  სარეაბილიტაციო სამუშაოებზე. აღნიშნული თანხიდან ყველაზე დიდი თანხა   11 171 430 ლარი  მოხმარდა საერთაშორისო მნიშვნელობის თბილისის შემოსასვლელი საავტომობილო გზის კმ22-კმ34,3 მონაკვეთის სარეაბილიტაციო სამუშაოებს. სამწუხაროდ საავტომობილო გზების დეპარტამენტმა IDFI - ის არ მიაწოდა  შესყიდვის გადაუდებლად განხორციელების აუცილებლობის შესახებ შესაბამისი მიწერილობა  შემსყიდველის ზემდგომ ან სახელმწიფო კონტროლის განმახორციელებელ ორგანოსთან/თანამდებობის პირთან. მათ მიერ მითითებულია მხოლოდ განკარგულებების ნომრები, რომლებიც წარმოადგენს აღნიშნული შესყიდვების საფუძველს.

          დეპარტამენტის თავმჯდომარის და მისი მოადგილეების   ყოველთვიური თანამდებობრივი სარგო შეადგენს:

           -         დეპარტამენტის თავმჯდომარე - 3 450 ლარი,

           -         დეპარტამენტის თავმჯდომარის პირველი მოადგილე - 2 700 ლარი,

           -         დეპარტამენტის თავმჯდომარის მოადგილე - 2 600 ლარი.

         2013 წლის განმავლობაში აღნიშნული თანამდებობის პირები ყოველთვიურად იღებენ დაახლოებით თანამდებობრივი სარგოს ოდენობის პრემიას.

 

  • მუნიციპალური განვითარების ფონდის ბალანსზე ამჯერად იმყოფება 39 ავტომობილი, რომელთაგან აღმასრულებელი დირექტორის მფლობელობაში იმყოფება 103 908 ლარად შესყიდული 2010 წელს გამოშვებული ტოიოტა ლენდკრუიზერი, ხოლო მისი  პირველი მოადგილის მფლობელობაში -   69 804 ლარად შესყიდული 2008 წელს გამოშვებული იგივე მოდელის ავტომობილი. 
    ფონდის აღმასრულებელი დირექტორის ყოველთვიური თანამდებობრივი სარგო შეადგენს 6000 ლარს, მისი პირველი მოადგილის 5 500 ლარს, ხოლო მისი მოადგილის 5 450 ლარს. 2013 წელს აღმასრულებელ დირექტორსა და მის ორ მოადგილეს პრემიის სახით მიღებული აქვთ 50 276 ლარი.
    2013 წლის განმავლობაში ფონდმა საზღვარგარეთ მივლინებებზე ჯამში 46 833.37 ლარი დახარჯა, დაწესებულების წარმომადგენლობითმა ხარჯმა კი 58 506.97 ლარი შეადგინა.

 

 

  • ევრაზიის სატრანსპორტო დერეფნის საინვესტიციო ცენტრის დირექტორს 2013 წელს პრემიის სახით მიღებული აქვს 21 615 ლარი. მისი ყოველთვიური თანამდებობრივი სარგო შეადგენს 3290 ლარს.  როგორც ირკვევა 2013 წელს ცენტრს არანაირი სახის წარმომადგენლობითი ხარჯები არ გაუწევია,  ხელმძღვანელს ქვეყნის გარეთ ვიზიტი არ ჰქონია, ასევე ცენტრის ბალანსზე ავტომობილები არ ირიცხება.

 

მისასალმებელია ის ფაქტი, რომ რეგიონული განვითარებისა და ინფრასტრუქტურის სამინისტროს მსგავსად მის დაქვემდებარებაში მყოფმა ზემოთ მოყვანილმა ოთხმა უწყებამ ინფორმაციის ხელმისაწვდომობის მაღალი ხარისხი აჩვენა. მათ მიერ  სხვა მოთხოვნებთან ერთად ასევე დაკმაყოფილებულია ხელმძღვანელის სამუშაო ელექტრონული ფოსტიდან სამსახურებრივ საქმიანობასთან გაგზავნილი და მიღებული წერილების ასლების შესახებ ინსტიტუტის მოთხოვნა.

 

ზემოაღნიშნული მონაცემები წარმოადგენენ რეგიონული განვითარებისა და ინფრასტრუქტურის სამინისტროს დაქვემდებარებაში მყოფი უწყებებიდან მიღებული ინფორმაციის მცირე ნაწილს. დეტალური ინფორმაციის მისაღებად იხილეთ შესაბამისი ბმულები www.opendata.ge -ზე.

 IDFI სისტემატიურად ახორციელებს საჯარო ინფორმაციის მონაცემთა ბაზის განახლებას. გარდა ამისა, საჯარო დაწესებულებებიდან მიღებულ ინფორმაციაზე დაყრდნობით ინსტიტუტი ამზადებსანალიტიკურსტატიებს, რომლებიც მისგანახლებულვებ-გვერდზე - www.idfi.ge -ზეარისხელმისაწვდომი.

 

 

სხვა მასალები ამ თემაზე
სიახლეები

კეთილსინდისიერება საჯარო სამსახურში

23.06.2022

შიდა ქართლის რეგიონში, ოკუპირებული ტერიტორიების ახლოს მცხოვრები მეწარმეების ხელშეწყობა ბრენდინგის გზით

23.06.2022

პანელური განხილვები: საჯარო ინფორმაციის ხელმისაწვდომობის საკანონმდებლო ჩარჩოსა და პრაქტიკის გაუმჯობესება საქართველოში

16.06.2022

რეგიონული ღონისძიება: უკრაინაში რუსეთის შეჭრის გავლენა აღმოსავლეთ პარტნიორობის ქვეყნებში მოქმედ არასამთავრობო ორგანიზაციებზე

11.06.2022
განცხადებები

მიმართვა საქართველოს პრეზიდენტს სალომე ზურაბიშვილს

16.06.2022

სამოქალაქო ორგანიზაციების განცხადება 5-6 ივლისის მოვლენებში სუს-ის შესაძლო ჩართულობაზე

14.06.2022

ევროინტეგრაციის პროცესთან დაკავშირებით ქართული ოცნების ხელისუფლების დამოკიდებულება არაკონსტიტუციურია

13.06.2022

მოვუწოდებთ ხელისუფლებას გადადგას კონკრეტული ნაბიჯები კანდიდატის სტატუსის მოსაპოვებლად

10.06.2022
ბლოგპოსტები

ქართული პრესისა და ბეჭდვითი მედიის ცენზურის ისტორია

03.05.2022

9 მაისის აღნიშვნა რუსეთში

02.05.2022

ციფრული უფლებები ღია მმართველობის პარტნიორობის ფარგლებში

15.04.2022

რუსული დეზინფორმაციის ტენდენციები საქართველოში უკრაინის ომის პარალელურად

04.04.2022