სამუშაო შეხვედრა სტუდენტებთან

სიახლეები 6 ოქტომბერი 2014

2014 წლის 4-5 ოქტომბერს პროექტის „მთავრობის გასაკონტროლებლად საჭირო ელ-უნარების განვითარება“ მონაწილე სტუდენტებისთვის სამუშაო შეხვედრა გაიმართა. სტუდენტებს საშუალება ჰქონდათ მიეღოთ დამატებითი ინფორმაცია ღია მმართველობის პარტნიორობის (OGP) პლატფორმის, მასში ჩართული ქვეყნების და მათ მიერ აღებული ვალდებულებების შესახებ. IDFI-ის აღმასრულებელმა დირექტორმა, გიორგი კლდიაშვილმა, სტუდენტებს გააცნო OGP-ის მუშაობის მექანიზმები, საქართველოს გაწევრიანება, სამოქმედო გეგმის პრიორიტეტები და უკვე შესრულებული თუ შესასრულებელი ვალდებულებები.


შეხვედრის მეორე ნახევარი დაეთმო საჯარო პოლიტიკის ანალიზს და აკადემიურ წერას. საჯარო პოლიტიკის ნაწილში სტუდენტებმა მონაწილეობა მიიღეს ონლაინ-კენჭისყრაში და თავად გამოავლინეს საჯარო პოლიტიკის სამი მათთვის პრიორიტეტული სფერო, რომელზეც შემდგომში გააგრძელებენ მუშაობას. აკადემიური წერის სესია დაეთმო წერის ტექნიკებისა და კვლევის მეთოდების გაცნობას, სადაც მომხსენებელმა ძირითადი აქცენტი გააკეთა მოკლე, მარტივი და საინტერესოდ წასაკითხი ნაშრომის მომზადების მნიშვნელობასა და მცირე დროში ეფექტური კვლევის განხორციელებაზე.


აღსანიშნავია, რომ მონაწილეებს სამი თვის განმავლობაში შესაძლებლობა ექნებათ თავად დააკვირდნენ ხელისუფლების საქმიანობას და მოამზადონ ბლოგ-პოსტი საკუთარი მონიტორინგის შედეგების საფუძველზე. ტრენინგის მონაწილეები ასევე მიიღებენ მონაწილეობას ესეების კონკურსში, რომლის საუკეთესო 10 მონაწილის ბლოგი გამოქვეყნდება IDFI-ის გვერდზე და სამ გამარჯვებულს გადაეცემა Kindle.
პროექტის „ახალგაზრდებში მთავრობის გასაკონტროლებლად საჭირო ელ-უნარების განვითარება“ ხორციელდება საქართველოში აშშ-ის საელჩოს ფინანსური მხარდაჭერით.

 

სხვა მასალები ამ თემაზე
სიახლეები

სახელმძღვანელო გამჭვირვალობისა და მოქალაქეთა ჩართულობის შესახებ

18.01.2021

ინტერვიუ ირინა ფლიგესთან

13.01.2021

აჭარის უმაღლესმა საბჭომ ღია მმართველობის 2020-2021 წლების სამოქმედო გეგმის განხორციელება დაიწყო

29.12.2020

ანტიკრიზისული გეგმის მიმოხილვა

29.12.2020
განცხადებები

OECD-SIGMA-ს რეკომენდაციების შესრულებასთან დაკავშირებით IDFI-სა და GYLA-ს ერთობლივი განცხადება

20.01.2021

სამოქალაქო ორგანიზაციების განცხადება სახალხო დამცველის ბრიფინგზე

20.01.2021

არასამთავრობო ორგანიზაციათა ერთობლივი განცხადება ოპოზიციური პარტიების წინააღმდეგ დაანონსებული სანქციების შესახებ

17.12.2020

კოალიცია ეხმიანება ნიკა გვარამიას განცხადებას მუქარის შესახებ

15.12.2020
ბლოგპოსტები

ღია მმართველობის პარტნიორობის გაზრდილი მნიშვნელობა - პერსპექტივა დაკვირვების საფუძველზე (OGP 2030)

26.11.2020

დამოუკიდებელი ანტიკორუფციული სააგენტო - მაღალი დონის კორუფციასთან ბრძოლის ეფექტური საშუალება

06.11.2020

1930-იანი წლების რეპრესიების მეხსიერება - რას და რატომ ვიხსენებთ?

13.10.2020

გასაბჭოება - საბჭოური კოლექტიური მეხსიერების პირველი საფეხური

13.10.2020