საქართველოში კოვიდ-19-ის პანდემიის გამო აუცილებელი გახდა სახელმწიფო ინსტიტუტების დისტანციური ფუნქციონირება. აღნიშნულის გათვალისწინებით, საგანგებო მდგომარეობის ფარგლებში აჭარის უმაღლესი საბჭოს აპარატის გამართული და უწყვეტი ფუნქციონირების მიზნით, უმაღლესი საბჭოს თანამშრომლებისათვის დაიწყო ტრენინგების სერია - დისტანციური მართვისა და კომუნიკაციის უნარების გაძლიერება.

ტრენინგების კურსს უძღვება მონაცემთა გაცვლის სააგენტოს საინფორმაციო ტექნოლოგიების ბიზნეს ანალიტიკოსი, გიორგი ნაცვლიშვილი.

ტრენინგების ფარგლებში სულ ჩატარდება 3 სესია. უმაღლესი საბჭოს აპარატის თანამშრომლები შეისწავლიან დისტანციური შეხვედრების და ერთდროულად ერთ დოკუმენტზე მუშაობის, ასევე, თანამშრომლების მართვის, დროის მენეჯმენტის და რაპორტინგის ელექტრონულ პროგრამებს, მათ შორის Google Meet-ს, Zoom-ს, Jit si-ს, Google drive-ს, და Teamwork-ს.

ტრენინგები ტარდება ღია მმართველობის პარტნიორობის კვირეულის ფარგლებში, ინფორმაციის თავისუფლების განვითარების ინსტიტუტის ორგანიზებით და ევროკავშირისა (EU) და გაეროს განვითარების პროგრამის (UNDP) მხარდაჭერით, პროექტის „ღია მმართველობის პრინციპების ხელშეწყობა საქართველოს პარლამენტსა და აჭარის არ უმაღლეს საბჭოში" ფარგლებში.