2024 წლის 14 ივნისს, ინფორმაციის თავისუფლების განვითარების ინსტიტუტმა (IDFI), ილიას სახელმწიფო უნივერსიტეტთან თანამშრომლობით გამართა ტრენინგი „ციფრული უსაფრთხოება და წიგნიერება“.
ტრენინგს უძღვებოდა კიბერუსაფრთხოების სპეციალისტი და ასოცირებულ პროფესორი, ანდრო გოცირიძე.
ტრენინგის მანძილზე მონაწილეებმა მიიღეს რჩევებს, როგორ დაიცვან საკუთარი ონლაინ ანგარიშებისა (ელ-ფოსტა, სოციალური ქსელები) და მოწყობილობების (მობილური ტელეფონი, ლეპტოპი და ა.შ.) უსაფრთხოება, რა პრევენციული ზომები უნდა მიიღონ, რომ არ გახდნენ სხვადასხვა ონლაინ თაღლითობისა და თავდასხმის ობიექტები, როგორ დაიცვან პირადი მონაცემები, კომუნიკაციის რა საშუალებები გამოიყენონ უსაფრთხოებისთვის.
ტრენინგი ჩატარდა ინტერაქციულ ფორმატში. ტრენინგის მონაწილეები გაეცნენ დღეს არსებულ ციფრულ საფრთხეებს, ასევე, ჰქონდათ შესაძლებლობა დაესვათ მათთვის აქტუალური კითხვები და მიეღოთ რჩევები ექსპერტისგან. ინფორმაციული ქვიზის მეშვეობით ადგილზევე შეამოწმეს საკუთარი ციფრული უნარები და მიიღეს ინფორმაცია დამატებითი საგანმანათლებლო რესურსების შესახებ, რითაც მომავალშიც შეძლებენ კიდევ უფრო აიმაღლონ ციფრული წიგნიერება.
სიახლეების გამოწერა
