IDFI-ს ორგანიზებულ შეხვედრაზე ციფრულ საეთერო მაუწყებლობაზე გადასვლის პრობლემები განიხილეს

სიახლეები | ინტერნეტი და ინოვაციები | პუბლიკაციები | სტატია 29 მაისი 2015

2015 წლის 17 ივნისს საქართველოს ციფრულ მაუწყებლობაზე გადასვლა და ანალოგური სიგნალის გათიშვა არის დაგეგმილი, თუმცა რამდენიმე მნიშვნელოვანი პრობლემა რჩება მათ შორის არის მოსახლეობის მომზადების არასაკმარისი დონე, ციფრული სიგნალის მიმღები სეტ ტოპ ბოქსების ბაზარზე არსებული მცირე რაოდენობა და ციფრული ქსელის აგებასთან დაკავშირებული ხარვეზები. ასევე მნიშვნელოვანია საკანონმდებლო ცვლილებები, რომლის განხილვაც პარლამენტში დაჩქარებული წესით მიმდინარეობს.


სწორედ ამ პრობლემების განხილვას და გადაჭრის გზების გამონახვას ისახავდა მიზნად 27 მაისს„ფრონტლაინ კლუბში“ „ინფორმაციის თავისუფლების განვითარების ინსტიტუტის“ (IDFI) ორგანიზებით გამართული მრგვალი მაგიდა.


შეხვედრაში მონაწილეობდნენ კომუნიკაციების ეროვნული კომისიის, ეკონომიკისა და მდგრადი განვითარების სამინისტროს, ციფრული მაუწყებლობის სააგენტოს წარმომადგენლები, ასევე იმ კომპანიების ხელმძღვანელები, რომლებმაც უნდა ააგონ როგორც საზოგადოებრივი მაუწყებლის, ისე რეგიონული, ეროვნული და თბილისის ციფრული საეთერო ქსელი.


დისკუსიის პირველ ნაწილში სალიცენზიო ვალდებულებების შესრულების მდგომარეობაზე ისაუბრა კომუნიკაციების ეროვნული კომისიის თავმჯდომარემ, ვახტანგ აბაშიძემ და აღნიშნა, რომ ამ კუთხით არსებითი პრობლემები არ არსებობს.მან მიმოიხილა მეზობელი სახელმწიფოების თურქეთის, სომხეთისა და აზერბაიჯანის ციფრულ მაუწყებლობაზე გადასვლის მზაობა. ვახტანგ აბაშიძის თქმით, უკვე ოფიციალურად მიიღეს ამ სახელმწიფოებიდან პასუხი, რომ ისინი არ თიშავენ ანალოგურ სიგნალს 2015 წლის 17 ივნისს, თუმცა მზაობას გამოთქვამენ, რომ საქართველოს ხელსშეუწყობენ ციფრულ მაუწყებლობაზე გადასვლის პროცესში.

 

არსებული სიტუაციისა და ქსელის მშენებლობის პროცესის შესახებ შეხვედრის მონაწილეებს ინფორმაცია მიაწოდეს შპს „ვეზირმა“, რომელიც საზოგადოებრივი მაუწყებლის მულტიპლექსს აშენებს და ამხანაგობა „მულტიპლექსთბილისმა“, რომელიც თბილისის მაუწყებლებისთვის აგებს ციფრულ საეთერო ქსელს. ციფრული მაუწყებლობის სააგენტოს ხელმძღვანელმა, ნინო ქუბინიძემ აღნიშნა, რომამ ეტაპისთვის არ არსებობს საქსელო პრობლემები და ყველაფერი დაგეგმილი სქემით მიმდინარეობს.

 

ეროვნული ციფრული საეთერო ქსელის მშენებლობისშესახებ მოხსენება გააკეთა შპს „სტერეო+“ -ს დირექტორმა დავით ზილფიმიანმა და აღნიშნა, რომ მას მულტიპლექსში უკვე ჩართული აქვს 20 ტელევიზია. ქსელის მშენებლობა კი გეგმის მიხედვით მიმდინარეობს და ლიცენზიით გათვალისწინებულ ვადებში მზად იქნება ექსპლუატაციისთვის.

 

შეხვედრის მეორე ნაწილში მომხსენებლებმაისაუბრეს ციფრული მაუწყებლობის შესახებ მომხმარებლების ინფორმირების პროცესისა და ციფრული სიგნალის მიმღები მოწყობილობების კონცენტრაციის პრობლემებზე.


რეგიონულ მაუწყებელთა ასოციაციის აღმასრულებელმა დირექტორმა ნათია კუპრაშვილმა კი საზოგადოებას „ქართულ-ამერიკული უნივერსიტეტის“ მიერ ჩატარებული კვლევის შედეგები წარუდგინა, სადაც ჩანს, რომ საეთერო მაუწყებლობას მოსახლეობის 41 პროცენტი იღებს (არ მოიცავს აჭარისა და ქვემო ქართლის მონაცემებს). რაც იმას ნიშნავს, რომ ამ რაოდენობის აბონენტს ციფრული სიგნალის მისაღებად „სეტ ტოპ ბოქსი“ დასჭირდება ამიტომაც ნათია კუპრაშვილმა ხაზი გაუსვა მოსახლეობის ინფორმირების და მათი მზაობის პროცესის მნიშვნელობას.


სსიფ „ციფრული მაუწყებლობის სააგენტოს“ პრესსპიკერმა, სალომე გელაშვილმა შეხვედრის მონაწილეებს მიაწოდა ინფორმაცია იმ აქტივობების შესახებ, რომელიც სააგენტომ განახორციელა ინფორმირების თვალსაზრისით. მისი თქმით, სააგენტო PR კამპანია განსაკუთრებით აქტიური ივნისის თვეში იქნება.
მოსახლეობის მზაობის კუთხით არსებული პრობლემების შესახებ ისაუბრა IDFI-ის ანალიტიკოსმა, ნატა ძველიშვილმა. მან სარეკლამო კამპანიის გაუმჯობესებისთვის, მოსახლეობის სწრაფად და ეფექტურად ინფორმირებულობისთვის, IDFI-ის რეკომენდაციები წარადგინა.


IDFI ადვოკატირებას უწევს ციფრულ მაუწყებლობაზე გადასვლის პროცესს. ორგანიზაცია სახელმწიფო სტრატეგიის შექმნაში აქტიურად იყო ჩართული და ახლა ციფრულ მაუწყებლობაზე გადასვლის საინფორმაციო მონიტორინგს ახორციელებს.


შეხვედრის მონაწილეებმა ხაზი გაუსვეს მოსახლეობის მზაობის მნიშვნელობას და აღნიშნეს, რომ ქსელის უხარვეზოდ აგების შემთხვევაშიც ტელეკომპანიებს პრობლემები შეექმნებათ, თუ მაყურებელი არ მოემზადა შესაბამისად ციფრული სიგნალის მიღებისთვის. ამიტომ მნიშვნელოვანია ერთის მხრივ მომხმარებლებისთვის სწორი ინფორმაციის მიწოდება, ვის დასჭირდება „სეტ ტოპ ბოქსი“ 17 ივნისისთვის და მეორეს მხრივ ბაზარზე ამ მოწყობილობის საკმარისი რაოდენობით შემოტანა.


მრგვალი მაგიდა გაიმართა პროექტის "ციფრულ საეთერო მაუწყებლობაზე გადასვლის პროცესის მონიტორინგისა და მხარდაჭერის"ფარგლებში ფონდი „ღია საზოგადოება-საქართველოს“ დაფინანსებით.

 

 

/public/upload/DB kampania.pdf

 

/public/upload/regionuli arxebis yurebis machvenebeli.pdf

სხვა მასალები ამ თემაზე
სიახლეები

IDFI-მ შეიმუშავა რეკომენდაციები აჭარის უმაღლესი საბჭოსთვის საჯარო ინფორმაციის პროაქტიულად გამოქვეყნებასთან დაკავშირებით

17.05.2022

Შეხვედრა გორის ახალგაზრდობასთან - ​​გაყალბებული ისტორია და ტრიუმფალური 9 მაისი: ისტორია და თანამედროვეობა

17.05.2022

IDFI-ის საერთაშორისო კონფერენცია ციფრულ ტრანსფორმაციაზე: მთავარი გზავნილები და შედეგები

16.05.2022

მონაცემების გლობალური ბარომეტრის კვლევის შედეგები - საქართველოსა და აღმოსავლეთ ევროპის და ცენტრალური აზიის რეგიონის ქვეყნების შედეგების მიმოხილვა

13.05.2022
განცხადებები

ევროკავშირის კითხვარის პასუხების გასაჯაროების შესახებ

02.05.2022

არასამთავრობო ორგანიზაციების ერთობლივი განცხადება ბიძინა ივანიშვილისა და რუსი ბიზნესმენის ვლადიმერ ევტუშენკოვის გავრცელებული სავარაუდო აუდიოჩანაწერის შესახებ.

27.04.2022

ფარული მიყურადების მარეგულირებელი კანონმდებლობა კიდევ უფრო უარესდება

21.04.2022

სამოქალაქო საზოგადოებრივი ორგანიზაციები ევროკავშირის კითხვარისა და პასუხების გასაჯაროვებას ითხოვენ

12.04.2022
ბლოგპოსტები

ქართული პრესისა და ბეჭდვითი მედიის ცენზურის ისტორია

03.05.2022

9 მაისის აღნიშვნა რუსეთში

02.05.2022

ციფრული უფლებები ღია მმართველობის პარტნიორობის ფარგლებში

15.04.2022

რუსული დეზინფორმაციის ტენდენციები საქართველოში უკრაინის ომის პარალელურად

04.04.2022