19 მაისს IDFI-ს მიერ გამოქვეყნებული სტატია რუსეთის ფედერაციიდან ფულადი გზავნილების გავლენა საქართველოს ეკონომიკურ სტაბილურობაზე არაერთმა მედია საშუალებამ გააშუქა.

IDFI-ს ანალიტიკოსი გოგა თუშურაშვილი და კვლევითი მიმართულების ხელმძღვანელი გიორგი ხიშტოვანი სტუმრად იყვნენ მიწვეულნი ბიზნეს კონტაქტში. მათ ისაუბრეს იმაზე, რომ რუსეთის ფედერაციაში არსებული ეკონომიკური კრიზისიდან გამომდინარე, გადმორიცხვების შემცირება შეიძლება იყოს საქართველოს ეროვნული ვალუტის გაუფასურების გამომწვევი ერთ-ერთი მნიშვნელოვანი ფაქტორი.

„რუსეთიდან საქართველოში განხორციელებულმა ფულადმა გზავნილებმა 2014 წელს 709.2 მლნ დოლარი შეადგინა, რაც საერთო ფულადი გზავნილების დაახლოებით 49%-ს შეადგენს.“ წერს IDFI-ზე დაყრდნობით საინფორმაციო სააგენტო IPN.

IDFI-ს სტატიაში აღნიშნული აქვს, რომ რუსეთიდან ფულადი გზავნილები საქართველოს ეკონომიკურ სტაბილურობაზე გავლენას ახდენს, რაზეც ყურადღება გაამახვილა ლიბერალმა საქართველოს ეკონომიკაზე რუსეთის დიდი გავლენა საინტერესო აღმოჩნდა Netgazeti.ge-სთვისაც.

ორგანზიაციის მიერ მიწოდებული ინფორმაცია ვრცლად და ამომწურავად გააშუქა GuriaNews-მა.

სტატია, სათაურით რუსეთიდან ფულადი გზავნილები საქართველოში პირდაპირი უცხოური ინვესტიციების მოცულობას აღემატება გამოაქვეყნა INFO9-მ, ხოლო ონლაინ გამოცემა მედიანიუსმა IDFI-ს მონაცემები მოკლედ გამოაქვეყნა თავის ვებ-გვერდზე.