საზაფხულო სკოლა კარგი მმართველობის გამოწვევები დაიწყო

სიახლეები | კარგი მმართველობა 26 აგვისტო 2014

საზაფხულო სკოლა სახელწოდებით „ევროპული მეზობლობისა და პარტნიორობის ინსტრუმენტი (ENPI) სამხრეთ კავკასიაში 2013 წლის შემდეგ: კარგი მმართველობის გამოწვევები“ 25 აგვისტოს, თბილისის სახელმწიფო უნივერსიტეტში საზეიმოდ გაიხსნა და 29 აგვისტომდე გაგრძელდება. 

 

საზაფხულო სკოლის ორგანიზებაში მონაწილეობა თსუ-ს ევროპული კვლევების ინსტიტუტთან, ტარტუსა და თბილისის სახელმწიფო უნივერსიტეტებთან ერთად ინფორმაციის თავისუფლების განვითარების ინსტიტუტმაც (IDFI) მიიღო.

 

საზაფხულო სკოლის გახსნას დაესწრნენ თბილისის მერი დავით ნარმანია, თსუ-ს რექტორი ვლადიმერ პაპავა, საპარლამენტო უმრავლესობის წევრი თინათინ ხიდაშელი, იუსტიციის მინისტრის მოადგილე ალექსანდრე ბარამიძე, IDFI-ს დირექტორი გიორგი კლდიაშვილი და სხვები.


მოგვიანებით, ალექსანდრე ბარამიძე სტუდენტებს მართლმსაჯულების სისტემის რეფორმაზე, დემოკრატიზაციისა და გამჭვირვალობის კუთხით მიღწეულ პროგრესზე, ადმინისტრაციული თუ სისხლის სამართლის რეფორმაზე და ინფორმაციის თავისუფლების უზრუნველსაყოფად არსებულ რეგულაციებზე ესაუბრა. შეგახსენებთ, რომ IDFI ინფორმაციის თავისუფლების განვითარების საკითხებზე აქტიურად მუშაობს.

IDFI-მ მნიშვნელოვანი წვლილი შეიტანა საჯარო სამსახურის რეფორმის კონცეფციის შემუშავებაშიც, რაზეც საზაფხულო სკოლის მოსწავლეებს საჯარო სამსახურის ბიუროს ხელმძღვანელი, ეკატერინე ქარდავა ესაუბრა.


საჯარო ინფორმაციის ხელმისაწვდომობა იქნება 26 აგვისტოს, IDFI-ს თავმჯდომარე ლევან ავალიშვილის სტუდენტებთან შეხვედრის მთავარი საკითხი; 28 აგვისტოს კი ორგანიზაციის დირექტორი, გიორგი კლდიაშვილი სტუდენტებს ესაუბრება თემაზე „პარტნიორობა ღია მმართველობისთვის, როგორც კარგი მმართველობის მექანიზმი.“

 

სხვა მასალები ამ თემაზე
სიახლეები

საქართველოს უზენაესი სასამართლოს ინსტიტუციური და სამართლებრივი ჩარჩოს შესახებ ანგარიშის პრეზენტაცია

23.01.2020

ღია მონაცემების პლატფორმის - WWW.DATA.GOV.GE-ის განვითარების გეგმები და პერსპექტივები

21.01.2020

ჟურნალისტები და აქტივისტები დემოკრატიული მმართველობისთვის - ანალიტიკური სტატიების კონკურსის გამარჯვებულები გამოვლინდნენ

24.12.2019

კარგი მმართველობის მოდულის მსმენელთა დაჯილდოება

19.12.2019
განცხადებები

არასამთავრობო ორგანიზაციების ერთობლივი განცხადება

21.01.2020

კოალიცია დამოუკიდებელი ინსპექტორის შერჩევის პროცესის მიმდინარეობას უარყოფითად აფასებს

19.01.2020

კოალიცია საპროკურორო საბჭოს მიერ გენერალური პროკურორის კანდიდატურის შერჩევის პროცესს ეხმიანება

12.01.2020

არასამთავრობო ორგანიზაციები სახელმწიფო ინსპექტორს მოუწოდებენ პროკურატურას წურწუმიას საქმის გადაცემის მოთხოვნით მიმართოს

09.01.2020
ბლოგპოსტები

გამოკითხვის ექსპერიმენტი

31.10.2019

პროკურატურის დამოუკიდებლობასთან დაკავშირებით მოსახლეობის აზრი გაყოფილია

30.10.2019

უზენაესი სასამართლოს მოსამართლეების შერჩევა: რა იცის და რა დამოკიდებულება აქვს ხალხს საქართველოში ამ პროცესის შესახებ

21.10.2019

ღია მმართველობის პარტნიორობა - გასაღები მდგრადი განვითარების მიზნების შენელებული პროგრესის საპასუხოდ

20.09.2019