საჯარო დაწესებულებებში დასაქმებულთა სტატისტიკა გენდერულ ჭრილში

სიახლეები | კვლევები | კარგი მმართველობა | პუბლიკაციები 16 სექტემბერი 2015

საკითხისადმი არსებული მაღალი საჯარო ინტერესის გამო ინსტიტუტი უკვე მეორე წელია იკვლევს გენდერულ სტატისტიკას, რომელიც ასახავს გენდერული თანასწორობის ვითარებას საჯარო სექტორში. კვლევის ფარგლებში IDFI შეეცადა გაერკვია რამდენად უზრუნველყოფილია გენდერული თანასწორობა საქართველოს საჯარო დაწესებულებებში. კვლევაში ცალ-ცალკე არის წარმოდგენილი მონაცემები სამინისტროებსა და მათ დაქვემდებარებულ სსიპ-ებში, დამოუკიდებელ სსიპ-ებსა და ადგილობრივი თვითმმართველობის ორგანოებში დასაქმებულ თანამშრომელთა გენდერული თანაფარდობის შესახებ.

კვლევაში არსებული სტატისტიკა ასახავს 2015 წლის მარტის თვის მონაცემებით საჯარო სექტორში არსებულ გენდერულ ასპექტებს.

ინსტიტუტისთვის მოწოდებული ინფორმაციისა და ვებ-გვერდებიდან დამუშავებული მონაცემების საფუძველზე ირკვევა, რომ საქართველოს 141 საჯარო დაწესებულებაში ფაქტობრივად დასაქმებულ თანამშრომელთა რაოდენობა ჯამში შეადგენს 72 726 ადამიანს (მათ შორის შესულია ძალოვან სტრუქტურებში დასაქმებულთა მონაცემებიც). 141 საჯარო დაწესებულებაში დასაქმებულ საჯარო მოსამსახურეთა შორის 27 383 დასაქმებულია მთავრობის ადმინისტრაციასა და სამინისტროებში (სახელმწიფო მინისტრების აპარატების ჩათვლით), 407 აჭარის ა/რ-ის მთავრობის აპარატსა და სამინისტროებში, 33 117 სამინისტროების დაქვემდებარებულ საჯარო სამართლის იურიდიულ პირებსა და საქვეუწყებო დაწესებულებებში (56 დაწესებულება), 5 174 ადგილობრივ თვითმმართველობებში (42 მერია და გამგეობა), 5 488 დამოუკიდებელ სსიპ-ებსა და კომისიებში (17 დაწესებულება), ხოლო 1 157 პარლამენტის აპარატსა და მაჟორიტარი დეპუტატების ბიუროებში. ამასთან, ხაზი უნდა გავუსვათ იმასაც რომ წინამდებარე მასალაში წარმოდგენილი ნებისმიერი მონაცემი ასახავს მხოლოდ 141 საჯარო დაწესებულებაში (ძალოვანი სტრუქტურების ჩათვლით) 2015 წლის მარტის მდგომარეობით არსებულ სურათს.

კვლევამ აჩვენა, რომ საქართველოს საჯარო დაწესებულებებში, რომლებიც არ მიეკუთვნება სპეციფიკურ ძალოვან სტრუქტურებს, დასაქმებულ მამაკაცთა და ქალთა რაოდენობა თითქმის თანაბარია. აქვე უნდა ითქვას, რომ IDFI-ის მიერ 1 წლის წინ „საჯარო მოსამსახურეთა სტატისტიკის გენდერულ ჭრილში“ ჩატარებული კვლევის მონაცემების ცვლილება მკვეთრად არ მომხდარა. განსხვავებული მდგომარეობაა ხელმძღვანელ პოზიციებზე დასაქმებულების შემთხვევაში, სადაც მამაკაცთა წარმომადგენლობა გაცილებთ მაღალია ვიდრე ქალების. კერძოდ, მთავრობის ადმინისტრაციასა სამინისტროებში ხელმძღვანელ პოზიციებზე დასაქმებული 773 საჯარო მოსამსახურიდან 300 ქალია, ხოლო 473 მამაკაცი, სამინისტროების დაქვემდებარებაში მყოფ სსიპ-ებსა და საქვეუწყებო დაწესებულებებში ხელმძღვანელ პოზიციებზე დასაქმებულ 1 440 საჯარო მოსამსახურეს შორის ქალები წარმოდგენილნი არიან 571-ით, ხოლო მამაკაცები 869-ით. 348 საჯარო მოსამსახურეა დასაქმებული დამოუკიდებელი სსიპების ხელმძღვანელ პოზიციებზე, რომელთაგან 127 ქალია და 221 მამაკაცი. ადგილობრივ თვითმმართველობებში (მერია, გამგეობა) ხელმძღვანელ პოზიციებზე (განყოფილების უფროსი და ზემოთ) დასაქმებულ 1 049 პირს შორის, მხოლოდ 303 ქალია, ხოლო აჭარის ავტონომიური რესპუბლიკის მთავრობის აპარატსა და სამინისტროებში ხელმძღვანელ პოზიციებზე მყოფ 116 პირს შორის ქალთა რაოდენობა შეადგენს მხოლოდ 30-ს.

კვლევის მიხედვით, მთელი რიგი უწყებების შემთხვევაში შარშანდელ მონაცემთან შედარებით, ვითარება გაუარესებულია.

აღსანიშნავია ის ფაქტი, რომ 24 სექტემბერს საქართველოს ადამიანის უფლებათა დაცვის კომიტეტმა მხარი დაუჭირა მოქალაქეთა საინიციატივო ჯგუფის საკანონმდებლო წინადადებას პარტიულ სიებში სავალდებულო კვოტირების დაწესების თაობაზე.

 

 

 იხილეთ კვლევა

 

/public/upload/IDFI/opendata/gender2015.pdf

 

სხვა მასალები ამ თემაზე
სიახლეები

IDFI-იმ ოზურგეთის მერიისა და საკრებულოს თანამშრომლებს ღია მონაცემებზე ტრენინგი ჩაუტარა

21.10.2020

IDFI-მ პროექტის „კოვიდ-19-თან დაკავშირებული სახელმწიფო ხარჯების და ადამიანის უფლებების მდგომარეობის მონიტორინგი“ პრეზენტაცია გამართა

20.10.2020

Freedom House: საქართველოს ქულა ინტერნეტის თავისუფლების რეიტინგში გაუმჯობესდა

16.10.2020

მსოფლიო მმართველობის ინდიკატორები - საქართველო მსოფლიო ბანკის 2020 წლის შეფასებით

15.10.2020
განცხადებები

არასამთავრობო ორგანიზაციები საქართველოს საგამოძიებო და უსაფრთხოების უწყებებს, ასევე აუდიტის სამსახურს „პატრიოტთა ალიანსის“ შესახებ „დოსიეს“ მიერ გასაჯაროვებულ ინფორმაციაზე ადეკვატური რეაგირებისკენ მოუწოდებენ

02.10.2020

IDFI-ს განცხადება სასამართლოს გადაწყვეტილებების ხელმისაწვდომობის თაობაზე

24.09.2020

არასამთავრობოები მოქმედი მოსამართლეების წინააღმდეგ წარმოებული სისხლის სამართლის საქმეებზე ინფორმაციის გაასაჯაროებას მოითხოვენ

11.09.2020

კოალიცია საქართველოს პარლამენტში ინიცირებულ „საერთო სასამართლოების შესახებ” საქართველოს ორგანულ კანონში შესატან ცვლილებათა კანონპროექტს ეხმიანება

08.09.2020
ბლოგპოსტები

1930-იანი წლების რეპრესიების მეხსიერება - რას და რატომ ვიხსენებთ?

13.10.2020

კიბერშეტევა ჯანდაცვის სამინისტროზე და რუსული კვალი

03.09.2020

გამჭვირვალე სახელმწიფო შესყიდვების რეიტინგში უკრაინის წამყვანი პოზიცია საშიშროების წინაშე დგას

02.09.2020

რუსული სპორტი და პოლიტიკა

13.08.2020