კოალიცია ეხმიანება მთავრობის ინიციატივას მართლმსაჯულების ხარვეზების აღმოფხვრასთან დაკავშირებით

სიახლეები | განცხადებები 4 მარტი 2015

კოალიცია დამოუკიდებელი და გამჭვირვალე მართლმსაჯულებისთვის მიესალმება საქართველოს ხელისუფლების ბოლოდროინდელ განცხადებებს, რომლებიც ეხება 2012 წლის 1 ოქტომბრის არჩევნების შემდგომ მთავარ პროკურატურაში შესულ მოქალაქეთა ათასობით საჩივარს და მათზე ეფექტური სამართლებრივი მოქმედებების დაწყებას.


2014 წლის ოქტომბერში კოალიციამ შექმნა მართლმსაჯულების ხარვეზების, საკუთრების უფლებებისა და ეკონომიკური მმართველობის სამუშაო ჯგუფი, რომლის მიზანია ხელი შეუწყოს ეფექტური საჯარო პოლიტიკის შემუშავებას, საკანონმდებლო და ინსტიტუციური რეფორმების გატარებას, სამართლის უზენაესობის, საკუთრების უფლებებისა და ეკონომიკური მმართველობის სფეროში.


კოალიცია მიიჩნევს, რომ აუცილებელია მართლმსაჯულების ხარვეზების აღმოფხვრის ეფექტური მექანიზმის შექმნა, დაზარალებულთა მდგომარეობის ადეკვატური შეფასება და ღონისძიებების გატარება, მათი სამართლებრივი მდგომარეობის გაუმჯობესების მიზნით. გვსურს ხაზი გავუსვათ სიმართლის დადგენის მნიშვნელობას, რომელიც გაზიარებული იქნება არა მხოლოდ ჩვენი, არამედ საერთაშორისო საზოგადოების მიერ და რომელიც დაეხმარება საქართველოს ბოლომდე მიიყვანოს აუცილებელი სისტემური რეფორმები, აღმოფხვრას უნდობლობა, საზოგადოების პოლარიზაცია და დაიწყოს ქვეყნის განვითარების ახალი ეტაპი.


ვიცნობთ რა ამ საკითხის კომპლექსურობას, გვჯერა, რომ აუცილებელია რეფორმების ღრმა და ყოვლისმომცველი პაკეტის შემუშავება, რომელიც არ იქნება შემოფარგლული სტრუქტურული დანაყოფის შექმნით მთავარ პროკურატურაში, არამედ შეეხება ისეთ საკითხებს, როგორებიცაა:

 

  • დამოუკიდებელი და ეფექტური გამოძიება;
  • ძალაში შესული განაჩენების გადასინჯვის ქმედითი მექანიზმი და სასამართლოს როლი;
  • შესაძლო ბრალეულ პირთა პასუხისმგებლობა;
  • მსხვერპლთა კომპენსაციისა და რესტიტუციის მკაფიო და გამჭვირვალე პროცედურა.


მნიშვნელოვანია, რომ მოცემულ ეტაპზე, საზოგადოებრივი წნეხის პირობებში, არ მოხდეს ზედაპირული, მოუმზადებელი და საჩვენებელი რეფორმის გატარება, რომლის შედეგად შემუშავებული გადაწყვეტის მექანიზმი არ იქნება ყველა დაინტერესებული მხარისთვის ერთნაირად ხელმისაწვდომი, რაც საბოლოოდ ვერ გააჩენს სამართლიანობის განცდას საზოგადოებაში.

აღნიშნული გამოწვევებისა და რისკების გათვალისწინებით, მიგვაჩნია, რომ მართლმსაჯულების ხარვეზებზე ხელისუფლების მუშაობის პროცესი დაინტერესებულ მხარეებთან ინტენსიური დიალოგის რეჟიმში უნდა წარიმართოს, საზოგადოების მეტი ჩართულობითა და მონაწილეობით, რომლის შედეგი იქნება ყოვლისმომცველი რეფორმების პაკეტის შემუშავება და მისი ეფექტური განხორციელება.


კოალიცია გამოთქვამს მზადყოფნას უმასპინძლოს საზოგადოებრივ ფორუმს, სადაც პროცესში ჩართულ მხარეებს შესაძლებლობა ექნებათ წარმოადგინონ საკუთარი ხედვები და იდეები.

სხვა მასალები ამ თემაზე
სიახლეები

IDFI-ის საერთაშორისო კონფერენცია ციფრულ ტრანსფორმაციაზე: მთავარი გზავნილები და შედეგები

16.05.2022

მონაცემების გლობალური ბარომეტრის კვლევის შედეგები - საქართველოსა და აღმოსავლეთ ევროპის და ცენტრალური აზიის რეგიონის ქვეყნების შედეგების მიმოხილვა

13.05.2022

ტრენინგი საჯარო მომსახურების გაწევის სტანდარტის შესახებ

13.05.2022

თანამედროვე რუსული დეზინფორმაცია - IDFI-მ მარნეულის ამერიკულ კუთხეში საინფორმაციო შეხვედრა გამართა

11.05.2022
განცხადებები

ევროკავშირის კითხვარის პასუხების გასაჯაროების შესახებ

02.05.2022

არასამთავრობო ორგანიზაციების ერთობლივი განცხადება ბიძინა ივანიშვილისა და რუსი ბიზნესმენის ვლადიმერ ევტუშენკოვის გავრცელებული სავარაუდო აუდიოჩანაწერის შესახებ.

27.04.2022

ფარული მიყურადების მარეგულირებელი კანონმდებლობა კიდევ უფრო უარესდება

21.04.2022

სამოქალაქო საზოგადოებრივი ორგანიზაციები ევროკავშირის კითხვარისა და პასუხების გასაჯაროვებას ითხოვენ

12.04.2022
ბლოგპოსტები

ქართული პრესისა და ბეჭდვითი მედიის ცენზურის ისტორია

03.05.2022

9 მაისის აღნიშვნა რუსეთში

02.05.2022

ციფრული უფლებები ღია მმართველობის პარტნიორობის ფარგლებში

15.04.2022

რუსული დეზინფორმაციის ტენდენციები საქართველოში უკრაინის ომის პარალელურად

04.04.2022