ჩვენ ვთვლით, რომ ყოვლად დაუშვებელია შეკრებისა და გამოხატვის თავისუფლების შეზღუდვა. ჩვენ მოვუწოდებთ, სამართალდამცავ ორგანოებს უზრუნველყონ საქართველოს მოქალაქეების, მიუხედავად მათი პოლიტიკური შეხედულებებისა, უფლებების დაცვა თავისუფლად, შეუფერხებლად და საჯაროდ გამოხატონ საკუთარი პოზიცია, მოსაზრებები და შეხედულებები.

გამომდინარე იქიდან, რომ ადამიანთა უფლებებისა და თავისუფლებების დაცვის სრული პასუხისმგებლობა ეკისრება მოქმედ ხელისუფლებას, ჩვენ მოვუწოდებთ სამართალდამცავ სტრუქტურებს სასწრაფოდ გამოიძიონ ეროვნულ ბიბლიოთეკასთან მომხდარი ფაქტი და კანონის შესაბამისად მისცენ პასუხისგებაში როგორც კანონსაწინააღმდეგო ქმედებაში მხილებული პირები, ასევე  შინაგან საქმეთა სამინისტროს ის თანამდებობის პირები და მოსამსახურეები ვინც ვერ უზრუნველყო საჯაროდ გაცხადებულ ოფიციალურ ღონისძიებაზე მართლწესრიგის სათანადო დაცვა. 

08.02.2013

ინფორმაციის თავისუფლების განვითარების ინსტიტუტი