პროექტის „სტალინური სიები საქართველოდან“ პრეზენტაცია

სიახლეები | მეხსიერების და დეზინფორმაციის კვლევები 10 ოქტომბერი 2014

8 ოქტომბერს, საქართველოს პარლამენტის ეროვნული ბიბლიოთეკის საგამოფენო დარბაზში გაიმართა პროექტის „სტალინური სიები საქართველოდან“ პრეზენტაცია. შეხვედრას პარლამენტის თავმჯდომარე დავით უსუფაშვილიც დაესწრო და თავის სიტყვაში ხაზი გაუსვა, რომ ძალიან მნშვნელოვანია უახლოეს წარსულში მომხდარი მოვლენების შესახებ სწორი ინფორმაციის ქონა.

პროექტი 2011-2013 წლებში განახორციელა „ინფორმაციის თავისუფლების განვითარების ინსტიტუტმა“ (IDFI) საქართველოს შინაგან საქმეთა სამინისტროსა და საერთაშორისო საზოგადოება „მემორიალთან“ თანამშრომლობითა და ჰაინრიჰ ბიოლის ფონდის სამხრეთ კავკასიის რეგიონალური ბიუროსა და საქართველოში შვეიცარიის საელჩოს ფინანსური მხარდაჭერით. 


პროექტი "სტალინური სიები საქართველოდან" არის საქართველოში პირველი ელექტრონული მონაცემთა ბაზა, რომელიც 1937-1938 წლების "დიდი ტერორის" მსხვერპლთა შესახებ მოკლე ბიოგრაფიულ მონაცემებს შეიცავს, მათ შორის მოხვდნენ ის ადამიანებიც, რომლებიც უშუალოდ იოსებ სტალინის ხელმოწერითა და ბრძანებით არიან დახვრეტილნი. პროექტის მიზანი იყო საქართველოში 1937-1938 წლებში განხორციელებული "დიდი ტერორის" მსხვერპლთა შესახებ ინფორმაციის მოძიება, კვლევა და გაანალიზება.

 

IDFI-ს დირექტორის გიორგი კლდიაშვილის განცხადებით სიების შექმნა დაიწყო მას შემდეგ, რაც საერთაშორისო საზოგადოება “მემორიალმა” რუსეთში გამოაქვეყნა რუსეთის ცენტრალური კომიტეტის არქივში დაცული რეპრესირებულთა სია, გასაჯაროებულ ნუსხაში 44 ათას პირს შორის 3600 ადამიანი იყო საქართველოდან. ეს სიები აერთანებს საქართველოში მცხოვრებ სხვადასხვა ეროვნებისა და პროფესიის მქონე ადამიანებს. საერთო ჯამში 3616 პირს, რომელთაგან 3100-ს სასჯელის უმაღლესი ზომა - დახვრეტა მიუსაჯეს. პროექტის ფარგლებში ასევე შეიქმნა კომპაქტ-დისკები, რომელიც წარმოდგენას ქმნის 1937-38 წლებში განვითარებულ ტრაგიკულ მოვლენებზე.

 

„სტალინური სიების“ ციფრული ვერსიები ინფორმაციის თავისუფლების განვითარების ინსტიტუტის ვებ-გვერდზე იქნება ხელმისაწვდომი, იგეგმება ამავე სახელწოდებით მასალების წიგნად გამოცემაც. ეს მნიშვნელოვნად შეუწყობს ხელს სტალინის, როგორც „დადებითი ქართველი გმირის“ დამკვიდრებული სტერეოტიპის დამსხვრევას და პოსტსაბჭოთა საქართველოში ბოლშევიკური წარსულის გააზრებას. მონაცემები საჯარო ბიბლიოთეკის ღია ელექტრონულ ქსელში უკვე გაეშვა.

 

ასევე, ბმულზე ნებისმიერ დაინტერესებულ პირს საშუალება აქვთ მოიძიონ ინფორმაცია მათი წინაპრების შესახებ, რომლებიც გახდნენ 1956 წლის 5-9 მარტის მოვლენების მსხვერპლნი.

აღნიშნული პრეზენტაციას ვრცელი სტატიები მიუძღვნა რადიო თავიშუფლებამ და ნეტგაზეთმა

სხვა მასალები ამ თემაზე
სიახლეები

IDFI-ის პანელური დისკუსია აზიის განვითარების ბანკის 54-ე წლიურ შეხვედრაზე - მდგრადი განვითარების მიზნები

07.05.2021

მოქალაქეებს აჭარის უმაღლესი საბჭოსთვის პეტიციით მიმართვა შეუძლიათ

06.05.2021

მოდერნიზებული 108-ე კონვენციის მნიშვნელობა საქართველოსთვის

27.04.2021

35 წელი ჩერნობილის კატასტროფიდან - საბჭოთა კავშირის ბირთვული მემკვიდრეობის საფრთხეები თანამედროვე საქართველოსთვის

26.04.2021
განცხადებები

IDFI-სა და GYLA-ს ერთობლივი განცხადება საჯარო მმართველობის რეფორმისა და ანტიკორუფციული სტრატეგიული დოკუმენტების დაგვიანებასთან დაკავშირებით

10.05.2021

IDFI-ის პარტნიორი ორგანიზაცია რუსეთში კვლავ ზეწოლის ქვეშაა

01.05.2021

IDFI-ს განცხადება პოლიტიკური პარტიების შეთანხმების თაობაზე

19.04.2021

IDFI ნამახვანი ჰესის პროექტთან დაკავშირებით განვითარებულ მოვლენებს ეხმიანება

12.04.2021
ბლოგპოსტები

მოსაზრებები სამუსლიმანო საქართველოს სახელმწიფოებრივ კუთვნილებასთან დაკავშირებით

10.03.2021

1921 წლის ოკუპაცია და „პერესტროიკის“ ხანის ქართული გაზეთები

10.03.2021

საბჭოთა ოკუპაციის ნარატივი რუსეთ-საქართველოს თანამედროვე ურთიერთობების ფონზე: პოლიტიკა, მეხსიერება, იდენტობა

10.03.2021

გუდმუნდურ ანდრი ასტრადსონი ისლანდიის წინააღმდეგ: მოსამართლეთა დანიშვნის შესახებ კანონმდებლობის დარღვევამ სამართლიანი სასამართლოს უფლების შელახვა გამოიწვია

10.02.2021