ინფორმაციის თავისუფლების განვითარების ინსტიტუტი (IDFI) და კომპანია SECURE იწყებენ ტრენინგების სერიას „უსაფრთხოება დღეს.“ ტრენინგის მიზანია ინფორმაციულ უსაფრთხოებასთან დაკავშირებული საკითხების განხილვა, ინფორმაციული უსაფრთხოების კულტურის ამაღლება და შესაბამისი ზომების პროაქტიულად გამოყენების შესახებ ინფორმაციის მიწოდება იმ ადამიანებისთვის, ვისთვისაც ეს აუცილებელი ნორმატივი გახდა დღევანდელ რეალობაში.

ტრენინგების სერია ჩატარდება 3 ეტაპად: არასამთავრობო ორგანიზაციებისთვის; მას-მედიის წარმომადგენლებისთვის; სტუდენტებისა და სხვა დაინტერესებული პირებისთვის.

სამივე ჯგუფის თემატიკა წარმოდგენილი იქნება მათი პროფესიული საქმიანობიდან და აქტუალური თემატიკიდან გამომდინარე.

5 და 6 მაისს „მულტიმედიის ცენტრში“ არასამთავრობო ორგანიზაციებისთვის ჩატარდება პროექტის პირველი ნაწილი. ტრენინგზე დამსწრე საზოგადოებას საშუალება ექნებათ გაეცნონ შემდეგ თემებს: უსაფრთხოების საკითხების ზოგადი მიმოხილვა, ინტერნეტ უსაფრთხოება, პერსონალური მონაცემები და მათი დაცვა, სოციალური ინჟინერია, ანონიმურობა, კონფიდენციალურობა, ინფორმაციის მოგროვება და თვალთვალი. 

ტრენინგში მონაწილეობის მსურველები უნდა დარეგისტრირდნენ არაუგვიანეს 2016 წლის 3 მაისისა. ტრენინგის დასრულებისას მონაწილეებს გადაეცემათ სერტიფიკატები.

დამატებითი ინფორმციისთვის გთხოვთ დაგვიკავშირდით შემდეგ მისამართებზე: info@idfi.ge ან info@secure.ge

დღის წესრიგი /public/upload/Tamar/agenda.pdf