ციფრულ საეთერო პლატფორმაზე გადასვლასთან დაკავშირებით მრგვალი მაგიდა გაიმართა

სიახლეები 11 აგვისტო 2014

      

 

მიმდინარე წლის 7 აგვისტოს, „ფრონტლაინ კლუბში“ IDFI-ს ორგანიზებით, პროექტ „ციფრულ საეთერო მაუწყებლობაზე გადასვლის პროცესის მონიტორინგი და მხარდაჭერა" ფარგლებში გაიმართა მრგვალი მაგიდა თემაზე „საქართველოს რეგიონული და ადგილობრივი მაუწყებლების ციფრულ საეთერო პლატფორმაზე გადასვლა - აქტუალური საკითხები და გამოწვევები“.


მრგვალი მაგიდის ფარგლებში რეგიონული მაუწყებლების, საქართველოს კომუნიკაციების ეროვნული კომისიისა და ციფრული მაუწყებლობის განხორციელებისათვის საჭირო აპარატურის პროვაიდერი კომპანიების წარმომადგენლებმა რეგიონული ტელევიზიების ციფრულ მაუწყებლობაზე გადასვლის პრობლემურ საკითხებზე იმსჯელეს .


მრგვალი მაგიდის პირველ ნაწილში კომუნიკაციების ეროვნული კომისიის თავმჯდომარემ, ვახტანგ აბაშიძემ რეგიონულ მაუწყებლებს წარმოუდგინა მეტრული სიხშირეების ალტერნატიული - დეციმეტრულ დიაპაზონში სამაუწყებლო სიხშირეთა განაწილების გეგმა. GNCC-ს პრეზენტაციაში წარმოდგენილია საქართველოს ქალაქებისა და დასახლებული პუნქტებისათვის გამოყოფილი სიხშირეების ჩამონათვალი, ინფორმაცია გადამცემი ანტენების განთავსების კოორდინატების, მათი დაფარვის საშუალო რადიუსის, სიგნალის სიმძლავრეებისა და გამოსხივების დიაგრამის ტიპის შესახებ. აღნიშნულ სამაუწყებლო სიხშირეთა დაგეგმილი გეგმა შემუშავდა საქართველოს კომუნიკაციების ეროვნული კომისიის მიერ, „რეგიონულ მაუწყებელთა ასოციაციისა“ და IDFI-ს მიმართვის საფუძველზე.


რეგიონულმა მაუწყებლებმა აღნიშნულ პრეზენტაციასთან დაკავშირებით წარმოადგინეს საკუთარი ხედვები, ამავდროულად, განიხილეს მეტრულ და დეციმეტრულ დიაპაზონზე მაუწყებლობის დადებითი და უარყოფითი მხარეები. მწირი სიხშირული რესურსიდან გამომდინარე, რეგიონული მაუწყებლებისთვის შეთავაზებული იყო ციფრულ მაუწყებლობაზე გადასვლისა და სიგნალის გავრცელების პროცესში გაერთიანების, საერთო სამაუწყებლო ქსელის აგების ალტერნატივაც.


კომისიის პრეზენტაცია შეეხო მეტრულ დიაპაზონში მაუწყებლობის საკითხებსაც, ასევე ციფრული მაუწყებლობის მულტიპლექს პლატფორმების აგებისა და მაუწყებლების მიერ ჩრდილოვანი ზონების დაფარვასთან დაკავშირებულ პრობლემებს.


აღნიშნულ პროცესში რეგიონული მაუწყებლებისათვის უკიდურესად მნიშვნელოვანია, მიეცეთ სატელევიზიო სიგნალის დამოუკიდებლად გავრცელების შესაძლებლობა, რასაც მცირესიმძლავრიანი გადამცემები უზრუნველყოფენ. 


შეხვედრის მეორე ნაწილის ფარგლებში შედგა ციფრული მაუწყებლობის განხორციელებისათვის საჭირო აპარატურის პროვაიდერი კომპანიების წარმომადგენლების პრეზენტაციები. პრეზენტაციების ფარგლებში რეგიონულმა მაუწყებლებმა მიიღეს ინფორმაცია ინტეგრატორი კომპანიების მიერ შეთავაზებული ტექნიკური გადაწყვეტების, ასევე საჭირო აპარატურის ტექნიკური მახასიათებლებისა და ფასების შესახებ.


შეხვედრას დაესწრნენ ინტეგრატორი კომპანიების წარმომადგენლები, რომელთაგან ნაწილმა წარმოადგინა საკუთარი შეთავაზება მაუწყებლებისათვის პრეზენტაციის სახით.


მრგვალ მაგიდაზე რეგიონულ მაუწყებლებს საკუთარი შეთავაზებები გააცნეს შემდეგი კომპანიების წარმომადგენლებმა: მზე (Gatesair, Harris), Elber, GIS, Egatel, Syes.

 

სხვა მასალები ამ თემაზე
სიახლეები

კეთილსინდისიერება საჯარო სამსახურში

23.06.2022

შიდა ქართლის რეგიონში, ოკუპირებული ტერიტორიების ახლოს მცხოვრები მეწარმეების ხელშეწყობა ბრენდინგის გზით

23.06.2022

პანელური განხილვები: საჯარო ინფორმაციის ხელმისაწვდომობის საკანონმდებლო ჩარჩოსა და პრაქტიკის გაუმჯობესება საქართველოში

16.06.2022

რეგიონული ღონისძიება: უკრაინაში რუსეთის შეჭრის გავლენა აღმოსავლეთ პარტნიორობის ქვეყნებში მოქმედ არასამთავრობო ორგანიზაციებზე

11.06.2022
განცხადებები

მიმართვა საქართველოს პრეზიდენტს სალომე ზურაბიშვილს

16.06.2022

სამოქალაქო ორგანიზაციების განცხადება 5-6 ივლისის მოვლენებში სუს-ის შესაძლო ჩართულობაზე

14.06.2022

ევროინტეგრაციის პროცესთან დაკავშირებით ქართული ოცნების ხელისუფლების დამოკიდებულება არაკონსტიტუციურია

13.06.2022

მოვუწოდებთ ხელისუფლებას გადადგას კონკრეტული ნაბიჯები კანდიდატის სტატუსის მოსაპოვებლად

10.06.2022
ბლოგპოსტები

ქართული პრესისა და ბეჭდვითი მედიის ცენზურის ისტორია

03.05.2022

9 მაისის აღნიშვნა რუსეთში

02.05.2022

ციფრული უფლებები ღია მმართველობის პარტნიორობის ფარგლებში

15.04.2022

რუსული დეზინფორმაციის ტენდენციები საქართველოში უკრაინის ომის პარალელურად

04.04.2022