ვაგრძელებთ სამართლებრივ ბრძოლას რუსული კანონის წინააღმდეგ საკონსტიტუციო სასამართლოსა და ადამიანის უფლებათა ევროპულ სასამართლოში. ყველა არასამთავრობო და მედია ორგანიზაციას, რომელზეც ვრცელდება რუსული კანონი აქვს შესაძლებლობა გახდეს ამ ბრძოლის ნაწილი და შემოგვიერთდეს.

ვემზადებით საქართველოს საკონსტიტუციო სასამართლოსა და ადამიანის უფლებათა ევროპულ სასამართლოში სარჩელისა და საჩივრის წარსადგენად. ყველა არასამთავრობო და მედია ორგანიზაციას, რომელზეც ვრცელდება რუსული კანონი აქვს შესაძლებლობა ამ ბრძოლის მონაწილე გახდეს და შემოგვიერთდეს.

თუ გსურთ იყოთ მოსარჩელე საკონსტიტუციო სასამართლოსა ან/და ადამიანის უფლებათა ევროპულ სასამართლოში  აუცილებელია შეავსოთ სამართლებრივი დახმარების მოთხოვნის ელექტრონული განაცხადი.

განაცხადის ბმული: https://forms.gle/zE8YWo64mzX8wonH9; განაცხადის შევსების ბოლო ვადაა 15 ივნისი, 2024 წელი.

განაცხადის ელექტრონული ფორმა არის მხოლოდ ორგანიზაციებისთვის, და არა ფიზიკური პირებისთვის;

განაცხადის შესავსებად აუცილებელია მოწყობილობაში, რომლითაც ავსებთ განაცხადს, გახსნილი გქონდეთ gmail-ის ანგარიში;

განაცხადში მოგეთხოვებათ ორგანიზაციის განახლებული ამონაწერის ატვირთვა  (ამ ეტაპზე საჭიროა მხოლოდ ამონაწერი და არა სხვა ორგანიზაციული დოკუმენტაცია); (ფაილის ზომა არ უნდა აღემატებოდეს 10mb-ს)

განაცხადი მოგთხოვს აირჩიოთ სასამართლო, სადაც გსურთ თქვენი ორგანიზაციის ინტერესების დაცვა (საკონსტიტუციო ან/და ე.წ. სტრასბურგის სასამართლო). შეგიძლიათ აირჩიოთ ორივე სასამართლო;

საკონტაქტო პირად/პირებად მიუთითეთ ადამიანები რომლებთანაც კომუნიკაციას გააგრძელებს სამოქალაქო საზოგადოების სამართლებრივი დახმარების გუნდი;

მხოლოდ განაცხადის შევსება და გამოგზავნა არ იქნება საკმარისი თქვენს დასახმარებლად. უახლოეს მომავალში, საჭირო იქნება დამატებითი დოკუმენტებისა და ინფორმაციის მოწოდება. აღნიშნულის შესახებ, დავუკავშირდებით განაცხადში თქვენს მიერ საკონტაქტო პირებად მითითებულ ადამიანებს.