პარასკევს, 27 ნოემბერს, 10:00სთ-დან 14:00სთ-მდე, სასტუმრო „თბილისი მარიოტში“ ინფორმაციის თავისუფლების განვითარების ინსტიტუტი(IDFI) გამართავს დისკუსიას „საჯარო სამსახურის რეფორმა: ცვლილებები და პერსპექტივები“.

სადისკუსიო პანელში მონაწილეობის მისაღებად მოწვეულნი არიან:

პირველი პანელი: საჯარო სამსახურის რეფორმის ზოგადი მიმოხილვა

• ეკატერინე ქარდავა - საჯარო სამსახურის ბიუროს ხელმძღვანელი
• ნინო დოლიძე - საჯარო მმართველობის მიმართულების ხელმძღვანელი, საქართველოს საზოგადოებრივ საქმეთა ინსტიტუტი
• ხათუნა გოგორიშვილი პარლამენტის წევრი, პარტია „ერთიანი ნაციონალური მოძრაობა“

მეორე პანელი: ბიუროკრატიის ზრდა საქართველოში

• ლევან ალაფიშვილი - იურისტი, საქართველოს სტრატეგიული კვლევებისა და განვითარების ცენტრი
• ალექსანდრე ელისაშვილი - თბილისის საკრებულოს დეპუტატი
• იაგო ხვიჩია - იურისტი, ახალი პოლიტიკური ცენტრი „გირჩი“-ს დამფუძნებელი

თითოეული მომხსენებელი 10 წუთის განმავლობაში ისაუბრებს საჯარო სამსახურის რეფორმაზე, მის ძირითად მახასიათებლებზე, დაგეგმილ ცვლილებებსა და ბიუროკრატიის ეფექტიანობაზე.

მოხსენებების შემდეგ დისკუსია წარიმართება კითხვა-პასუხის რეჟიმში მოწვეულ სტუმრებთან ერთად.

ღონისძიება ტარდება პროექტ „სტრატეგიული გეგმა საქართველო 2020 - სამოქალაქო საზოგადოების ჩართულობის გაძლიერება“-ს ფარგლებში. პროექტი დაფინანსებულია გერმანიის საგარეო საქმეთა სამინისტროს მიერ და ხორციელდება ბრემენის უნივერსიტეტთან პარტნიორობით.

საკონტაქტო პირი - თამარ რურუა

t.rurua@idfi.ge ან 557 26 75 05