საქართველოს ეროვნული სამოქმედო გეგმის საჯარო განხილვა ახალციხეში

სიახლეები | პუბლიკაციები | ღია მმართველობა | სტატია 12 მაისი 2016

11 მაისს ახალციხეში 2016-2017 წლების საქართველოს ეროვნული სამოქმედო გეგმის (OGP NAP) საჯარო განხილვა გაიმართა. შეხვედრა დემოკრატიული ჩართულობისა ცენტრის და საქართველოს იუსტიციის სამინისტროს ანალიტიკური დეპარტამენტის თანამშრომლობით შედგა.


“ინფორმაციის თავისუფლების განვითარების ინსტიტუტი (IDFI) აქტიურადაა ჩართული ‘პარტნიორობა ღია მმართველობისათვის’ საქმიანობაში. როგორც საჯარო კონსულტაციებში აქტიურად მონაწილე არასამთავრობო ორგანიზაცია, IDFI-ც წარმოდგენილი იყო აღნიშნულ შეხვედრაზე,“ განაცხადა IDFI-ს წარმომადგენელმა საბა ბუაძემ, რომელიც ახალციხეში გამართულ სამოქმედო გეგმის განხილვას ესწრებოდა. მისი თქმით, „ღია მმართველობის პარტნიორობის 2016-2017 წლების სამოქმედო გეგმა შემდეგ მნიშვნელოვან პრინციპებს დაეფუძნება: საჯარო სერვისების გაუმჯობესება; საჯარო სექტორში კეთილსინდისიერების ამაღლება; საჯარო რესურსების უკეთესი მართვა; უსაფრთხო გარემოს შექმნა; და კორპორატიული პასუხისმგებლობის გაუმჯობესება.“ (IDFI-ს რეკომენდაციები ახალ სამოქმედო გეგმასთან დაკავშირებით).


დამსწრე ადგილობრივმა არასამთავრობო ორგანიზაციებისა და თვითმმართველობის წარმომადგენლებმა სამცხე ჯავახეთში ღია მმართველობის კუთხით არსებულ პრობლემებზე იმსჯელეს. მათი თქმით, ერთ-ერთი ყველაზე მნიშვნელოვანი სოციალურ საკითხებია. აღსანიშნავია ისიც, რომ ინფორმაცია სხვადასხვა სოციალური პროექტების შესახებ ადგილობრივ მოსახლეობამდე ხშირად არ მიდის, რაც მათ ნაკლებ ჩართულობას განაპირობებს.


დასახელებულ პრობლემათა შორის გამოიკვეთა განათლების სისტემის ჩაკეტილობა. როგორც ადგილობრივი არასამთავრობო ორგანიზაციის ,,დემოკრატ მესხთა კავშირის’’ დირექტორმა ჯაბა ნათენაძემ განაცხადა, მათ ხშირად არ აძლევენ უფლებას ახალციხის რაიონის სკოლებში სხვადასხვა სახის აქტივობა განახორციელონ.


მნიშვნელოვანია, რომ ის პრობლემური საკითხები, რომლებიც უშუალოდ ადგილობრივმა არასამთავრობო ორგანიზაციებმა და რიგითმა მოქალაქეებმა დაასახელეს, სამოქმედო გეგმაში აისახება. როგორც ინიციატივა ,,პარტნიორობა ღია მმართველობისთვის’’ ეროვნულმა კოორდინატორმა, მარიამ თუთბერიძემ განაცხადა, მსგავსი სახის საჯარო შეხვედრები მთელი საქართველოს მასშტაბით გაიმართება სამოქალაქო საზოგადოების სხვადასხვა წარმომადგენლებთან, სტუდენტებთან, ბიზნესმენებთან თუ რიგით მოქალაქეებთან.


ინიციატივას ,,პარტნიორობა ღია მმართველობისათვის’’ მხარს USAID-ის პროექტი ‘’დემოკრატიული მმართველობის ინიციატივა საქართველოში’’ უჭერს. იგი ხუთი წლის განმავლობაში გაგრძელდება და უმთავრეს მიზნად საქართველოს მთავრობის გამჭვირვალობისა და ანგარიშვალდებულების გაზრდას ისახავს.

სხვა მასალები ამ თემაზე
სიახლეები

ტრენინგი CSO-ებისთვის: ეფექტური ჩართულობა და თანამშრომლობა ციფრული მოწყვლადობის საკითხებზე

05.07.2022

IDFI-მ მონაცემების გლობალური ბარომეტრის (GDB) კვლევის რეგიონული შედეგების პრეზენტაცია გამართა

05.07.2022

საჯარო ინფორმაციის ხელმისაწვდომობა და უფლება სამართლიან სასამართლოზე

30.06.2022

სამუშაო შეხვედრა პედაგოგებთან: მოწყვლადი ჯგუფების საჭიროებების იდენტიფიცირება საქართველოს განათლების სისტემაში, COVID-19 პანდემიის განმავლობაში

29.06.2022
განცხადებები

2021 წლის 5 და 6 ივლისის მასშტაბური ძალადობის ორგანიზატორთა გამოვლენა და დასჯა ხელისუფლების პასუხისმგებლობაა

05.07.2022

12 ნაბიჯი ევროკავშირის კანდიდატობისთვის

03.07.2022

ვეხმიანებით 3 ივლისს დაგეგმილი აქციის მხარდამჭერთა წინააღმდეგ გახშირებული ძალადობის ფაქტებს

30.06.2022

მიხეილ ჩინჩალაძის მეორე ვადით დანიშვნა ევროპული ინტეგრაციის პროცესს აზიანებს

29.06.2022
ბლოგპოსტები

ქართული პრესისა და ბეჭდვითი მედიის ცენზურის ისტორია

03.05.2022

9 მაისის აღნიშვნა რუსეთში

02.05.2022

ციფრული უფლებები ღია მმართველობის პარტნიორობის ფარგლებში

15.04.2022

რუსული დეზინფორმაციის ტენდენციები საქართველოში უკრაინის ომის პარალელურად

04.04.2022