საჯარო სამსახურებში დასაქმებულ ქალებს მამაკაცები სჭარბობენ

 

17/10/2013

 

  

 

არასამთავრობო ორგანიცია „IDFI“ -ს კვლევის შედეგად, საჯარო სექტორში დასაქმებულთა 71% კაცია, 29 % – ქალი. ხელმძღვანელ პოზიციებზე დასაქმებულთა რაოდენობა კი ასე გადანაწილდა – 78% კაცი, ხოლო 22% – ქალი. ორგანიზაცია „ინფორმაციის თავისუფლების განვითარების ინსტიტუტის“ კვლევის შედეგად, რომელიც საჯარო სამსახურში დასაქმებულთა ასაკსა და მრავალშვილიანთა გენდერულ თანამშრომლობას ეხებოდა, დადგინდა, რომ 126 საჯარო დაწესებულების 31 207 თანამშრომელიდან 17 479 მამაკაცია და 13 728 ქალია. მონაცემების გაანგარიშებით, ირკვევა, რომ დასაქმებულ მამაკაცთა და ქალთა საშუალო ასაკი დაახლოებით ერთმანეთს უთანაბრდება და დაახლოებით 31 წელს უტოლდება. მინიმალური ასაკი შეიძლება იყოს 21 წელი, ხოლო ადგილობრივი თვითმმართველობის მოხელეების – 18 წელი. ამავე კვლევის თანახმად, 151 საჯარო დაწესებულებაში დასაქმებული მამაკაცებიდან 8,9% მრავალშვილიანი მამაა, დასაქმებული ქალებიდან მხოლოდ 6,3% არის მრავალშვილიანი დედა. საქართველოს საჯარო დაწესებულებებში დასაქმებული 3 და მეტი შვილის მშობელთაგან მრავალშვილიანი დედაა 1144 , ხოლო მრავალშვილიანი მამა – 3995. დაწესებულების სახეების მიხედვით, როგორც ირკვევა, პროცენტულად ყველაზე მეტი მრავალშვილიანი მშობელი დასაქმებულია ადგილობრივ თვითმმართველობებში – 11,1 %. სამინისტროების ცენტრალურ და სახელმწიფო მინისტრების აპარატებში დასაქმებული თანამშრომლების 7,8% არის მრავალშვილიანი, სსიპ-ებსა და საქვეუწყებო დაწესებულებებში – 7,2 % , ხოლო სხვა საჯარო დაწესებულებებში – 6,8%.

 

იხილეთ ბმული