საჯარო სამსახურის 64 350 თანამშრომლიდან, 3 და მეტი შვილის მშობელი 8%-ია
17.10.2013
საჯარო დაწესებულებებში დასაქმებული 64 348 პირიდან 3 და მეტი შვილის მშობელი მხოლოდ 8%-ია - საჯარო დაწესებულებებში დასაქმებულ თანამშრომლების შვილების რაოდენობის შესახებ “ინფორმაციის თავისუფლების განვითარების ინსტიტუტი” თავის კვლევაში წერს.
როგორც ირკვევა, დაწესებულების სახეების მიხედვით, პროცენტულად ყველაზე მეტი მრავალშვილიანი მშობელი დასაქმებულია ადგილობრივ თვითმმართველობებში – 11 %. სამინისტროების ცენტრალურ და სახელმწიფო მინისტრების აპარატებში დასაქმებული თანამშრომლების 8% არის მრავალშვილიანი, სსიპ-ებსა და საქვეუწყებო დაწესებულებებში – 7% , ხოლო სხვა საჯარო დაწესებულებებში – 7%.
საქართველოს საჯარო დაწესებულებებში დასაქმებული 3 და მეტი შვილის მშობელთაგან, მრავალშვილიანი დედაა 22% , ხოლო მრავალშვილიანი მამა – 77%.
151 საჯარო დაწესებულებაში დასაქმებული მამაკაცებიდან 9% მრავალშვილიანი მამაა, დასაქმებული ქალებიდან კი, მხოლოდ 6 პროცენტია მრავალშვილიანი დედა.
IDFI- ის ინფორმაციით, მრავალშვილიანობის ყველაზე მაღალი პროცენტი, როგორც მამაკაც, ასევე ქალ საჯარო მოსამსახურეთა შორის ადგილობრივ თვითმმართველობებში (მერია, გამგეობა) ფიქსირდება.
სიახლეების გამოწერა
