სემეკი IDFI მიერ მის ყველაზე დახურულ უწყებად შეფასებას არ ეთანხმება
მარიამ ხუნაშვილი
12.09.2013
საქართველოს ენერგეტიკისა და წყალმომარაგების მარეგულირებელი ეროვნული კომისია ინფორმაციის თავისუფლების განვითარების ინსტიტუტის შეფასებას არ ეთანხმება.აღნიშნულთან დაკავშირებით კომისია განცხადებას აქვეყნებს. როგორც განცხადებაშია აღნიშნული ყველა ინფორმაცია, რომელიც ექვემდებარება საჯაროობას ხელმისაწვდომია ნებისმიერი დაინტერესებული პირისთვის, როგორც კომისიის ოფიციალურ ვებ-გვერდზე, ასევე კონკრეტული ინფორმაციის გამოთხოვის შემთხვევაში.
"ინფორმაციის თავისუფლების განვითარების ინსტიტუტის" (IDFI) მიერ საქართველოს ენერგეტიკისა და წყალმომარაგების მარეგულირებელი ეროვნული კომისიის (სემეკი) შეფასება, როგორც საჯარო ინფორმაციის გაცემის მხრივ ყველაზე დახურული დაწესებულება, არ შეესაბამება სიმართლეს. საჯარო ინფორმაციის გაცემისას კომისია ხელმძღვანელობს შესაბამისი კანონმდებლობით. ყველა ინფორმაცია, რომელიც ექვემდებარება საჯაროობას ხელმისაწვდომია ნებისმიერი დაინტერესებული პირისთვის, როგორც კომისიის ოფიციალურ ვებ-გვერდზე, ასევე კონკრეტული ინფორმაციის გამოთხოვის შემთხვევაში. „-აღნიშნულია განცხადებაში.
განცხადებაში ასევე აღნიშნულია, რომ დაინტერესების შემთხვევაში კომისია გამოთქვამს მზადყოფნას გაასაჯაროოს 2012-2013 წლებში შემოსული წერილები და კომისიის მხრიდან მათზე გაცემული პასუხები.
„კანონმდებლობით გათვალისწინებულ ვადებში კომისიას შესაბამისი წერილობითი პასუხები აქვს გაცემული შემოსულ მოთხოვნებზე. (2012-2013 წლებში შემოსულია 35 მოთხოვნა საჯარო ინფორმაციის გაცემის შესახებ. აქედან, პასუხი გაეცა 29 მოთხოვნას). დაინტერესების შემთხვევაში კომისია გამოთქვამს მზადყოფნას გაასაჯაროოს 2012-2013 წლებში შემოსული წერილები და კომისიის მხრიდან მათზე გაცემული პასუხები."-ნათქვამია განცხადებაში.
სიახლეების გამოწერა
