„საქართველოს მოსახლეობის უმეტესობას ინტერნეტზე ხელი არ მიუწვდება“ -IDFI
თამარ ფარადაშვილი
11.06.2013
ყოველწლიურად ინტერნეტ მომხმარებელთა მზარდი ტენდენციის მიუხედავად, მოსახლეობის უმეტესობას მასზე ხელი არ მიუწვდება, განსაკუთრებით სერიოზული პრობლემებია საქართველოს რეგიონებში-აღნიშნულია კვლევაში „ელექტრონული კომუნიკაციის განვითარება საქართველოში - ინტერნეტის ხელმისაწვდომობა“, რომელიც“ ინფორმაციის თავისუფლების განვითარების ინსტიტუტმა“ (IDFI) მოამზადა.
კვლევა, რომელიც ივნისში გამოქვეყნდა, მომზადდა პროექტის - „ელექტრონული ჩართულობის განვითარება საქართველოში“ - ფარგლებში.
კვლევის ავტორები აღნიშნავენ, რომ საქართველოს მოსახლეობის ნაწილი ინტერნეტს ნაკლებად მნიშვნელოვან საკომუნიკაციო რესურსად მიიჩნევს, სხვებისთვის კი მასზე ხელმისაწვდომობის ერთ-ერთი მთავარი დაბრკოლებებია: კომპიუტერის არქონა, საჭირო უნარების ნაკლებობა და ინტერესის სიმცირე. ქსელის გამოყენების პრობლემები გაცილებით მასშტაბურია რეგიონებში.
„ კვლევებმა აჩვენა, რომ მომხმარებელთა უმეტესობა ინტერნეტსა და სოციალურ ქსელებს ძირითადად ინფორმაციის მიღებისათვის იყენებს, პრიორიტეტული არ არის ორმხრივი კომუნიკაცია და მოსაზრებების მკაფიოდ დაფიქსირება. დაბალია მოქალაქეების აქტიურობა პეტიციებისა და საკუთარი იდეების ინიცირების კუთხით. თუმცა, ინტერნეტ გამოკითხულთა უმეტესობამ (რესპონდენტების უმეტესობა სოციალურად აქტიური ადამიანები იყვნენ) მზადყოფნა გამოთქვა გადაწყვეტილების მიღების პროცესში მონაწილეობისთვის, ამისთვის საჭირო მექანიზმების დანერგვის შემთხვევაში“- აღნიშნულია კვლევაში, რომლის სრული ვერსიის ნახვა შესაძლებელია
აქ.
სიახლეების გამოწერა
