IDFI პრეზიდენტის ადმინისტრაციის წინააღმდეგ - 02.08.2012 წერილის საფუძველზე

სიახლეები | IDFI-ს სასამართლო პრაქტიკა 14 მარტი 2013

 

IDFI-იმ 2012 წლის 2 აგვისტოს საქართველოს პრეზიდენტის ადმინისტრაციიდან გამოითხოვა საჯარო ინფორმაცია: 2012 წელს პრეზიდენტის სარეზერვო ფონდიდან გამოყოფილი თანხების შესახებ არსებული ბრძანებულებები, საპრეზიდენტო პროგრამების ჩამონათვალი, მათი ხანგრძლივობა და პროგრამებზე გათვალისწინებული თანხები 2011-2012 წლებში.

 

პრეზიდენტის ადმინისტრაციამ უპასუხოდ დატოვა ყველა მოთხოვნა, რის შემდეგაც 2012 წლის 5 სექტემბერს ინსტიტუტმა შეიტანა ადმინისტრაციული საჩივარი. პრეზიდენტის ადმინისტრაციამ ადმინისტრაციული საჩივარი დატოვა რეაგირების გარეშე, რის საფუძველზეც 2012 წლის 12 ოქტომბერს ინსტიტუტმა ადმინისტრაციული სარჩელით მიმართა თბილისის საქალაქო სასამართლოს. პირველი სასამართლო სხდომა დანიშნული იყო 2012 წლის 8 ნოემბერს, 14.00 საათზე. სხდომის გამართვამდე ერთი საათით ადრე პრეზიდენტის ადმინისტრაციამ გამოაგზავნა წერილი, რომელშიც აღნიშნული იყო, რომ IDFI-ის მიერ გამოთხოვილი საჯარო ინფორმაციის მისაღებად გადასახდელია ასლის გადაღების მოსაკრებელი. შესაბამისად, სასამართლოს სხდომა გადაიდო.

 

აღნიშნული მოსაკრებლის გადახდის შემდეგ, პრეზიდენტის ადმინისტრაციამ IDFI-ის მიაწოდა გამოთხოვილი საჯარო ინფორმაცია. 2011-2012 წლებში საპრეზიდენტო პროგრამების ჩამონათვალის, მათი ხანგრძლივობისა და პროგრამებზე გათვალისწინებული თანხების შესახებ მოთხოვნა რეაგირების გარეშე დარჩა, ხოლო დანარჩენ ინფორმაციას სრულყოფილად გაეცა პასუხი.

 

2012 წლის 29 ნოემბერს, თბილისის საქალაქო სასამართლოს მორიგ სხდომაზე, ინსტიტუტმა ნაწილობრივ გამოიხმო სარჩელი მოთხოვნის იმ ნაწილში, რომელიც შეეხებოდა იგნორირებული კითხვის გარდა სხვა მოთხოვნებზე ქმედების განხორციელებას, თუმცა მოითხოვა პასუხის გაცემა ერთ იგნორირებულ კითხვაზე. სასამართლომ გამოაცხადა შესვენება, რა ვადაშიც პრეზიდენტის ადმინისტრაციას უნდა შეეთანხმებინა საჯარო ინფორმაციის გაცემაზე პასუხისმგებელ პირთან ერთ კონკრეტულ კითხვაზე პასუხის გაცემის საკითხი.

 

2012 წლის 6 დეკემბერს, სასამართლო სხდომის გამართვამდე 20 წუთით ადრე საქართველოს პრეზიდენტის ადმინისტრაციამ მიაწოდა პასუხი ინსტიტუტს, რომლის თანახმადაც პრეზიდენტის ადმინისტრაციაში ინსტიტუტის მიერ მოთხოვნილ პუნქტზე ინფორმაცია დაცული არ იყო .

 

იქიდან გამომდინარე, რომ ტექნიკურად და ფორმალურად ქმედების განხორციელება სახეზე იყო, ინსტიტუტის სარჩელი გამოხმობილ იქნა.

 

იხილეთ გაგზავნილი წერილი

 

იხილეთ პრეზიდენტის ადმინისტრაციაში შეტანილი ადმინისტრაციული საჩივარი

 

იხილეთ თბილისის საქალაქო სასამართლოში შეტანილი ადმინისტრაციული სარჩელი

 

იხილეთ პრეზიდენტის ადმინისტრაციის პასუხი მოსაკრებლის გადახდის შემდეგ

 

იხილეთ ადმინისტრაციული სარჩელის ნაწილობრივი გამოთხოვნა

 

იხილეთ პრეზიდენტის ადმინისტრაციის პასუხი იგნორირებულ კითხვაზე

 

იხილეთ ადმინისტრაციული სარჩელის საბოლოო გამოთხოვნა

სხვა მასალები ამ თემაზე
სიახლეები

სამუშაო შეხვედრა ციფრული კონტენტის რეგულირების შესახებ

28.01.2022

საქართველო და კორუფცია - კორუფციის წინააღმდეგ გაეროს კონვენციის მონაწილე სახელმწიფოთა კონფერენციაზე საქართველომ ვერაფერი წარადგინა

27.01.2022

ამბროლაურისა და ლანჩხუთის მუნიციპალიტეტებმა გამჭვირვალობის და კეთილსინდისიერების ამაღლების სტრატეგიები და სამოქმედო გეგმები მიიღეს

26.01.2022

ადამიანის უფლებათა ევროპული სასამართლოს და ევროკავშირის მართლმსაჯულების სასამართლოს მიერ მიღებული გადაწყვეტილებების კრებული

26.01.2022
განცხადებები

პრეზიდენტისადმი მოწოდება „საერთო სასამართლოების შესახებ“ ორგანულ კანონში მიღებულ საკანონმდებლო ცვლილებაზე ვეტოს დადების თაობაზე

13.01.2022

სახელმწიფო ინსპექტორის აპარატის გაუქმების საკანონმდებლო ცვლილებაზე ვეტოს დადების შესახებ

05.01.2022

2021 წლის 28 დეკემბერს რუსეთის ფედერაციის უზენაესმა სასამართლომ საზოგადოება საერთაშორისო მემორიალის ლიკვიდაციის გადაწყვეტილება მიიღო

29.12.2021

კოალიცია „საერთო სასამართლოების შესახებ“ ორგანულ კანონში ცვლილებების დაჩქარებული წესით განხილვას ეხმაურება

28.12.2021
ბლოგპოსტები

ციფრული სერვისები, როგორც სახელმწიფოს, ბიზნესსა და მოქალაქეებს შორის ინტერაქციის პირდაპირი საშუალება MY.GOV.GE-ს მაგალითზე

23.01.2022

პოლიტიკური დაფინანსების ანგარიშვალდებულებისა და გამჭვირვალობის გამოწვევები საქართველოში

22.01.2022

სამოხელეო პოლიტიკისა და საჯარო სამსახურის გამოწვევები საქართველოს საჯარო მმართველობის სისტემაში

22.01.2022

იმერეთის რეგიონში სპორტის მუნიციპალური პოლიტიკის და მერიებს დაქვემდებარებული სპორტული ორგანიზაციების საქმიანობის ანალიზი

17.01.2022