ღია მონაცემების სახელმძღვანელოს პრეზენტაცია და ანალიტიკური სტატიების კონკურსის გამარჯვებულთა დაჯილდოება

სიახლეები | მედია, ინტერნეტი და ინოვაციები 26 თებერვალი 2020

26 თებერვალს,ინფორმაციის თავისუფლების განვითარების ინსტიტუტმა (IDFI) ღია მონაცემების სახელმძღვანელოს პრეზენტაცია და ანალიტიკური სტატიების კონკურსის გამარჯვებულთა დაჯილდოება გამართა.

 

პრეზენტაციის ფარგლებში ინფორმაციის თავისუფლების განვითარების ინსტიტუტის (IDFI) მედია, ინტერნეტი და ინოვაციების პროგრამის ხელმძღვანელმა თეონა ტურაშვილმა ისაუბრა ღია მონაცემების სახელმძღვანელოს მნიშვნელობაზე და იმ პრაქტიკულ რჩევებზე, რაც მოცემულია სახელმძღვანელოში.

 

„სახელმძღვანელოს დახმარებით შეისწავლით იმ მეთოდებს, რომელიც სხვადასხვა ფორმატში მოცემული მონაცემებისშედარებით მოსახერხებულ ფორმატშიგადაყვანისას გამოგადგებათ,ასევე,  მონაცემების დამუშავებასა და ანალიზისთვისსაჭირო Excel-ის მნიშვენლოვან ფუნქციებს. სახელმძღვანელო მოიცავს, მონაცემთა ვიზუალიზაციის მომზადებისთვის საჭირო რჩევებს. ვიშეგრადის ქვეყნების მაგალითზე მოცემულია, თუ როგორ შეიძლება გამოიყენონ ჟურნალისტებმა და სამოქალაქო აქტივისტებმა მონაცემთა პლატფორმები ხელისუფლების სხვადასხვა შტოს საქმიანობის ზედამხედველობისთვის. ვფიქრობთ, ჩვენი ახალი პრაქტიკული სახელმძღვანელო მნიშვნელოვანი რესურსი იქნება მონაცემებით დაინტერესებული ადამიანებისთვის, რათა გაიღრმავონ ცოდნა და გაიგონ მეტი მონაცემების ანალიზი შესახებ.“ - აღნიშნა თეონა ტურაშვილმა.

 

პრეზენტაციის ბოლოს გაიმართა ანალიტიკური სტატიების კონკურსის - მონაცემები ცვლილებებისთვის - გამარჯვებულების დაჯილდოება. გამარჯვებულებს სერტიფიკატები და სიმბოლური საჩუქრები პეტრ მიკისკამ, ჩეხეთის რესპუბლიკის საგანგებო და სრულუფლებიანმა ელჩმა საქართველოში და დავით მაისურაძემ, ინფორმაციის თავისუფლების განვითარების ინსტიტუტის (IDFI) ღია მმართველობის მიმართულების ხელმძღვანელმა გადასცეს.

 

„ანალიტიკური სტატიების კონკურსის მიზანი ღია მონაცემების დამუშავებისა და მონაცემებზე დაყრდნობით ანალიტიკური სტატიების მომზადების წახალისება იყო. მოხარულები ვართ, რომ ბევრი ადამიანი დაინტერესდა და საინტერესო ნაშრომები წარადგინეს. ჩვენ მომავალშიც ხელს შევუწყობთ ჟურნალისტებსა და სამოქალაქო აქტივისტებს იმუშაონ მონაცემებთან და უკეთ შეძლონ მათი დამუშავება.” -აღნიშნა დავით მაისურაძემ.

 

კონკურსის გამარჯვებულები:

 

- I ადგილი - ირინა გურგენაშვილი - „ემოციური უსაფრთხოება საქართველოს ზოგადსაგანმანათლებლო დაწესებულებებში  - მოსწავლეთა დარღვევებისა და ჩაგვრის შემთხვევების სტატისტიკის ანალიზი“

 

- II ადგილი - ნინო ტაგანაშვილი - „ქალაქ ფოთში ატმოსფერული ჰაერის დაბინძურებასა და თევზის გადამუშავებასთან დაკავშირებული ეკოლოგიური პრობლემების ანალიზი - ანუ ცხოვრება ზღვისპირა ქალაქში ჰაერის გარეშე“

 

- III ადგილი - თინა ტურძილაძე - „არაგადამდები (ქრონიკული) დაავადებების სამკურნალო მედიკამენტებით უზრუნველყოფის სახელმწიფო პროგრამის მიმოხილვა“

 

კონკურსში მონაწილეობა 43-მა ადამიანმა მიიღო. გამარჯვებული სტატიები გამოქვეყნდება IDFI-ის ვებ (www.IDFI.ge)  და სოციალურ (Facebooks; Twitter ) გვერდებზე საავტორო უფლებების დაცვით. 

 

ღონისძიება პროექტის - სადამკვირვებლო ჯგუფების გაძლიერება მთავრობის ანგარიშვალდებულებისთვის - ფარგლებში გაიმართა. პროექტი დაფინანსებულია ვიშეგრადის საერთაშორისო ფონდის მიერ, ვიშეგრადის გრანტების პროგრამით, ჩეხეთის, უნგრეთის, პოლონეთისა და სლოვაკეთის მთავრობების თანადაფინანსებით. ფონდის მისიაა ცენტრალურ ევროპაში მდგრადი რეგიონული იდეების წახალისება.

 

ღონისძიების ფოტოები იხილეთ აქ.

სხვა მასალები ამ თემაზე
სიახლეები

უზენაესი სასამართლოს მოსამართლეების დანიშვნა: რა იცის საქართველოს მოსახლეობამ და რა დამოკიდებულება აქვს ამ პროცესის მიმართ

29.03.2020

საქართველო კანონის უზენაესობის 2020 წლის ინდექსში

26.03.2020

ინფექციური დაავადებების სტატისტიკა საქართველოში

25.03.2020

საქართველოში საგანგებო მდგომარეობის ვადის განმავლობაში ელექტრონული საქმისწარმოების, ადმინისტრაციული წარმოებისა და საჯარო ინფორმაციის გაცემის განსხვავებული წესები იმოქმედებს

23.03.2020
განცხადებები

საზოგადოებრივი ორგანიზაციები აჭარის მაუწყებელში მიმდინარე საგანგაშო პროცესებზე საერთაშორისო ორგანიზაციებს კოლექტიურად მიმართავენ

17.03.2020

კოალიცია უზენაესი სასამართლოს თავმჯდომარის თანამდებობაზე ასარჩევად ნინო ქადაგიძის წარდგენას ეხმიანება

13.03.2020

კოალიციის განცხადება მოსამართლეთა დისციპლინურ სამართალწარმოებასთან დაკავშირებული ხარვეზების თაობაზე

05.03.2020

კოალიცია აჭარის საზოგადოებრივ მაუწყებელში მიმდინარე პროცესების თაობაზე საერთაშორისო ორგანიზაციებს კიდევ ერთხელ მიმართავს

14.02.2020
ბლოგპოსტები

უზენაესი სასამართლოს მოსამართლეების დანიშვნა: რა იცის საქართველოს მოსახლეობამ და რა დამოკიდებულება აქვს ამ პროცესის მიმართ

29.03.2020

ემოციური უსაფრთხოება საქართველოს ზოგადსაგანმანათლებლო დაწესებულებებში - მოსწავლეთა დარღვევებისა და ჩაგვრის შემთხვევების სტატისტიკის ანალიზი

20.03.2020

ქალაქ ფოთში ატმოსფერული ჰაერის დაბინძურებასა და თევზის გადამუშავებასთან დაკავშირებული ეკოლოგიური პრობლემების ანალიზი - ანუ ცხოვრება ზღვისპირა ქალაქში ჰაერის გარეშე

20.03.2020

არაგადამდები (ქრონიკული) დაავადებების სამკურნალო მედიკამენტებით უზრუნველყოფის სახელმწიფო პროგრამის მიმოხილვა

20.03.2020