ვესტმინსტერის დემოკრატიის ფონდის (WFD) ორგანიზებით 9 და 10 დეკემბერს გაიმართა ონლაინ კონფერენცია, რომელსაც ვირტუალური სასწავლო ტურის ფორმატი ჰქონდა. ვირტუალური სასწავლო ტური მიზნად ისახავდა საპარლამენტო ღიაობის შესახებ გამოცდილების გაზიარებას; სიერა-ლეონეს რესპუბლიკის პარლამენტის ღია მმართველობის პარტნიორობის საპარლამენტო სამუშაო ჯგუფისთვის OGP-ში ჩართულობასთან დაკავშირებით ცნობიერებას გაზრდას და სამოქალაქო საზოგადოების საპარლამენტო ღიაობის პროცესში ჩართულობის მნიშვნელობის ხაზგასმას.

ვირტუალური სასწავლო ტურის ფარგლებში მოხსენებით გამოვიდნენ: ჯო პაუელი - ღია მმართველობის პარტნიორობის სამდივნოს აღმასრულებელი დირექტორის მოადგილე; საქართველოს პარლამენტის ვიცე-სპიკერი, ღია მმართველობის მუდმივმოქმედი საპარლამენტო საბჭოს თავმჯდომარე - კახა კუჭავა; ასევე, ღია მმართველობის მუდმივმოქმედი საპარლამენტო საბჭოს ყოფილი თავმჯდომარე - ირინა ფრუიძე; სიერა-ლეონეს პარლამენტისა და სახელმწიფო ორგანოების წარმომადგენლები, და არასამთავრობო და სახელმწიფო ორგანოების წარმომადგენლები სხვადასხვა ქვეყნებიდან.

ვირტუალური სასწავლო ტურის ფარგლებში, 10 დეკემბერს, კონფერენციის მონაწილეებთან საქართველოს საპარლამენტო ღიაობის გამოცდილებისა და სამოქალაქო საზოგადოების მიერ საპარლამენტო ღიაობის პროცესის ხელშეწყობის შესახებ, მოხსენება გააკეთა, ინფორმაციის თავისუფლების განვითარების ინსტიტუტის (IDFI)ღია მმართველობის მიმართულების ხელმძღვანელმა, დავით მაისურაძემ. თავის გამოსვლაში დავით მაისურაძემ ხაზი გაუსვა საკანონმდებლო ორგანოს OGP-ში ჩართულობის და საპარლამენტო ღიაობის ინსტიტუციონალიზაციის მნიშვნელობას.  

გთხოვთ, იხილოთ, საპარლამენტო ღიაობის ინსტიტუციონალიზაციის შესახებ სესიის ელექტრონული მისამართი: https://fb.watch/2jgrhsiiYu/.

IDFI არის ღია მმართველობის პარტნიორობის მიმართულებით ერთ-ერთი ლიდერი ორგანიზაცია მსოფლიოში. IDFI, ევროკავშირისა (EU) და გაეროს განვითარების პროგრამის (UNDP) ფართო ინიციატივის „საპარლამენტო დემოკრატიის კონსოლიდაცია საქართველოში“ ფარგლებში, ახორციელებს პროექტს ღია მმართველობის პრინციპების ხელშეწყობა საქართველოს პარლამენტსა და აჭარის ავტონომიური რესპუბლიკის უმაღლეს საბჭოში