საქართველოს ღია პარლამენტის სამოქმედო გეგმა დამტკიცდა ინტერ-ფრაქციული ჯგუფის მიერ

სიახლეები | პუბლიკაციები | ღია მმართველობის პარტნიორობა | სტატია 13 ივლისი 2015

10 ივლისს ინტერფრაქციული ჯგუფის მეხუთე შეხვედრაზე „საქართველოს ღია პარლამენტის სამოქმედო გეგმა“ დამტკიცდა.


სამოქმედო გეგმა ითვალისწინებს 18 ვალდებულებას საპარლამენტო ღიაობის თვალსაზრისით, რომელიც საქართველოს პარლამენტმა 2015-2016 წლების განმავლობაში უნდა შეასრულოს.


ინტერფრაქციული ჯგუფის წევრმა, გუგული მაღრაძემ აღნიშნა, რომ ჯგუფის წევრმა საერთაშორისო და არასამთავრობო ორგანიზაციებმა დიდი წვლილი შეიტანეს სამოქმედო გეგმის შემუშავებაში, სადაც გათვალისწინებულია არაერთი პუნქტი, რომელმაც პარლამენტის მუშაობის გამჭვირვალობის და მოქალაქეთა ჩართულობის ხარისხი უნდა გააუმჯობესოს.


„ინფორმაციის თავისუფლების განვითარების ინსტიტუტის“ (IDFI) გამგეობის თავმჯდომარემ, ლევან ავალიშვილმა შეხვედრაზე მოკლედ მიმოიხილა ინტერფრაქციული ჯგუფის და ღია პარლამენტის სამუშაო ჯგუფის მუშაობის პროცესი და ისაუბრა იმ რეკომენდაციებზე, რომელიც არასამთავრობო სექტორმა შესთავაზა პარლამენტს. 


ინტერფრაქციული ჯგუფის მიერ „საქართველოს ღია პარლამენტის სამოქმედო გეგმის“ მიღების შემდეგ, სამოქმედო გეგმა გაეგზავნება საქართველოს პარლამენტის ბიუროს შემდგომი დამტკიცების მიზნით.


„საქართველოს ღია პარლამენტის სამოქმედო გეგმა“ მომზადდა „ღია მმართველობის პარტნიორობის“ (OGP) ფარგლებში. აღსანიშნავია, რომ „ღია მმართველობის პარტნიორობის“ (OGP) მხოლოდ რამდენიმე წევრ სახელმწიფოს აქვს საპარლამენტო ღიაობის სამოქმედო გეგმა მიღებული. ამ სამოქმედო გეგმის დამტკიცებით საქართველო საპარლამენტო ღიაობის მიმართულებით „ღია მმართველობის პარტნიორობის“ (OGP) ერთ-ერთი ლიდერი სახელმწიფო გახდება.


ინტერფრაქციული ჯგუფი შეიქმნა საქართველოს პარლამენტის თავმჯდომარის 2015 წლის 12 თებერვლის ბრძანებით. ინტერფრაქციული ჯგუფი შედგება საქართველოს პარლამენტის 11 წევრისგან: გუგული მაღრაძე, თამარ კორძაია, მალხაზ ვახტანგაშვილი, გიორგი კახიანი, გიგა ბუკია, ნინო გოგუაძე, ხათუნა გოგორიშვილი, ვახტანგ ლემონჯავა, დავით ჭავჭანიძე, გოჩა ენუქიძე და კახაბერ ოქრიაშვილი.


საქართველოს პარლამენტის ინტერ-ფრაქციული ჯგუფის და ღია პარლამენტის სამუშაო ჯგუფის საქმიანობას მხარს უჭერს ევროკავშირის მიერ დაფინანსებული პროგრამა „საქართველოში საპარლამენტო დემოკრატიის სისტემის გაძლიერება“, რომელსაც ახორციელებს გაეროს განვითარების პროგრამა (UNDP) ინფორმაციის თავისუფლების განვითარების ინსტიტუტის (IDFI) პროექტის „ღია მმართველობის პარტნიორობის ინიციატივაში საქართველოს პარლამენტის ჩართულობის მხარდაჭერა“ მეშვეობით.

სხვა მასალები ამ თემაზე
სიახლეები

სახელმძღვანელო გამჭვირვალობისა და მოქალაქეთა ჩართულობის შესახებ

18.01.2021

ინტერვიუ ირინა ფლიგესთან

13.01.2021

აჭარის უმაღლესმა საბჭომ ღია მმართველობის 2020-2021 წლების სამოქმედო გეგმის განხორციელება დაიწყო

29.12.2020

ანტიკრიზისული გეგმის მიმოხილვა

29.12.2020
განცხადებები

არასამთავრობო ორგანიზაციათა ერთობლივი განცხადება ოპოზიციური პარტიების წინააღმდეგ დაანონსებული სანქციების შესახებ

17.12.2020

კოალიცია ეხმიანება ნიკა გვარამიას განცხადებას მუქარის შესახებ

15.12.2020

კოალიცია „მედიის ადვოკატირებისათვის“ მიიჩნევს, რომ კომუნიკაციების კომისიამ არ უნდა შეითავსოს თვითრეგულირების ორგანოს ფუნქცია

09.12.2020

დადგენილების პროექტი, რომელიც საბჭოში უზენაესი სასამართლოს მოსამართლეების შერჩევის პროცესს მოაწესრიგებს, პრობლემურია

07.12.2020
ბლოგპოსტები

ღია მმართველობის პარტნიორობის გაზრდილი მნიშვნელობა - პერსპექტივა დაკვირვების საფუძველზე (OGP 2030)

26.11.2020

დამოუკიდებელი ანტიკორუფციული სააგენტო - მაღალი დონის კორუფციასთან ბრძოლის ეფექტური საშუალება

06.11.2020

1930-იანი წლების რეპრესიების მეხსიერება - რას და რატომ ვიხსენებთ?

13.10.2020

გასაბჭოება - საბჭოური კოლექტიური მეხსიერების პირველი საფეხური

13.10.2020