2013 წლის 15 აპრილს სახალხო უნივერსიტეტთა გერმანული ასოციაციის, dvv international -ის პროექტის ფარგლებში - „დისკუსიები სამუშაო დღის შემდეგ“, გაიმართა დისკუსია „საყოველთაო ჯანდაცვის პროგრამა: მოლოდინები და რეალობა.“

პროექტის მიზანია საზოგადოების სამოქალაქო თვითშეგნების ამაღლება და აქტიური სამოქალაქო პოზიციის ჩამოყალიბება. 2013 წლიდან პროექტის პარტნიორია ინფორმაციის თავისუფლების განვითარების ინსტიტუტი (IDFI).


ჯანდაცვის პროგრამის შესახებ გამართულ დისკუსიაში მონაწილეობა მიიღეს საქართველოს შრომის, ჯანმრთელობის და სოციალური დაცვის სამინისტროს დაავადებათა კონტროლისა და საზოგადოებრივი ჯანდაცვის ეროვნული ცენტრის დირექტორმა, ბატონმა ამირან გამყრელიძემ და საქართველოს შრომის, ჯანმრთელობის და სოციალური დაცვის ყოფილმა მინისტრმა, ბატონმა ანდრია ურუშაძემ.

შეხვედრის  მოდერატორი იყო დავით ჯიშკარიანი - ინფორმაციის თავისუფლების განვითარების ინსტიტუტიდან (IDFI).  

შეხვედრაზე განხილულ იქნა მიმდინარე სადაზღვევო პოლიტიკა, მისი რისკები და შედეგები,  სადაზღვევო სექტორში არსებული პრობლემები.

დისკუსიას დაესწრნენ  სადაზღვევო კომპანიებისა და სამედიცინო დაწესებულებების წარმომადგენლები, სადაზღვევო პაკეტის ბენეფიციარები, ექიმები, სტუდენტები, არასამთვრობო ორგანიზაციის წარმომადგენლები და სხვა დაინტერესებული საზოგადოება.