2024 წლის 26, 27 და 28 ივნისს, ინფორმაციის თავისუფლების განვითარების ინსტიტუტმა (IDFI) სამოქალაქო საზოგადოების, მედიისა და აქტიური მოქალაქეებისთვის გამართა სამი ონლაინ ტრენინგი „ციფრული უფლებები და ციფრული უსაფრთხოება“.

IDFI-ის წარმომადგენელთან, თეონა ტურაშვილთან ერთად, ტრენინგს უძღვებოდა კიბერუსაფრთხოების სპეციალისტი და ასოცირებულ პროფესორი, ანდრო გოცირიძე.

ტრენინგის მანძილზე მონაწილეებმა მიიღეს რჩევებს, როგორ დაიცვან საკუთარი ონლაინ ანგარიშებისა (ელ-ფოსტა, სოციალური ქსელები) და მოწყობილობების (მობილური ტელეფონი, ლეპტოპი და ა.შ.) უსაფრთხოება, რა პრევენციული ზომები უნდა მიიღონ, რომ არ გახდნენ სხვადასხვა ონლაინ თაღლითობისა და თავდასხმის ობიექტები, როგორ დაიცვან პირადი მონაცემები, კომუნიკაციის რა საშუალებები გამოიყენონ უსაფრთხოებისთვის. გარდა ამისა, ტრენინგის მონაწილეები გაეცნენ ციფრული უფლებების დაცვის კუთხით საქართველოში არსებულ გამოწვევებსა და საკანონმდებლო დაცვის მექანიზმებს.

ტრენინგი ჩატარდა ინტერაქციულ ფორმატში. ტრენინგის მონაწილეები გაეცნენ დღეს არსებულ ციფრულ საფრთხეებს, ასევე, ჰქონდათ შესაძლებლობა დაესვათ მათთვის აქტუალური კითხვები და მიეღოთ რჩევები ექსპერტისგან. ინფორმაციული ქვიზის მეშვეობით ადგილზევე შეამოწმეს საკუთარი ციფრული უნარები და გაეცნენ IDFI-ის მიერ შექმნილ საგანმანათლებლო რესურსებს, რითაც მომავალშიც შეძლებენ კიდევ უფრო აიმაღლონ ციფრული წიგნიერება.