8-9 მაისს ირლანდიაში, დუბლინში გაიმართება ღია მმართველობის პარტნიორობის რეგიონული შეხვედრა. შეხვედრაზე დასწრება შეუძლიათ ღია მმართველობის პარტნიორობის წევრი ან წევრობის კანდიდატი ევროპული ქვეყნების მთავრობების, არასამთავრობო, საერთაშორისო, რეგიონული და მულტილატერალური ორგანიზაციების, ბიზნეს-გაერთიანებებისა და აკადემიური წრეების წარმომადგენლებს. ღონისძიება ასევე ღიაა მედიისთვის.

ღონისძიება მნიშვნელოვან პერიოდს ემთხვევა – ევროპის 20-მდე სახელმწიფო სამოქმედო გეგმის შემუშავების პროცესშია. დუბლინის შეხვედრა ბრწყივნალე შესაძლებლობაა მინისტრებისთვის, სხვა თანამდებობის პირებისა და სამოქალაქო საზოგადოებისთვის, ერთმანეთს გაუზიარონ იდეები იმისთვის, რომ ღია მმართველობის პარტნიორობის სამოქმედო გეგმა გახდეს უფრო ამბიციური, რელევანტური და ქმედებაზე ორიენტირებული.

მონაწილეებმა თავად უნდა უზრუნველყონ მგზავრობისა და ცხოვრების ხარჯები. შეხვედრის დღეებში ლანჩი უზრუნველყოფილი იქნება.

ღონისძიებას უმასპინძლებს საზოგადოებრივ-სახელმწიფო ხარჯებისა და რეფორმების დეპარტამენტი (Department of Public Expenditure and Reform). შეხვედრა ორდღიანია და შედგება პლენარული სხდომისგან და მცირე სამუშაო ჯგუფებში მუშაობისგან. დღის წესრიგი მოგვიანებით გახდება ხელმისაწვდომი.

გთხოვთ დარეგისტრირდეთ ამ ბმულზე. თუკი დასწრების მუსრველთა რაოდენობა დაშვებულს გადააჭარბებს, მოხდება გამჭვირვალე შერჩევის პროცესი. გთხოვთ, გაითვალისწინოთ, რომ ზოგიერთ დელეგატს შესაძლოა დასჭირდეს ვიზა. სავიზო აპლიკაცია დუბლინში გამომგზავრებამდე 6-8 კვირით ადრე უნდა ჩაბარდეს.

მთავრობის წამომადგენლები უნდა დარეგისტრირდნენ ცალკე, შემდეგ ელ-ფოსტაზე:ogpdublin2014@per.gov.ie.სხვა დანარჩენი მსურველი კი ამ ბმულზე.