ინფორმაციის თავისუფლების განვითარების ინსტიტუტმა (IDFI) ღია მმართველობის პროგრამით გათვალისწინებული სამოქმედო გეგმის შესახებ კვლევა ჩაატარა. მთავარ მიზანს წარმოადგენდა არა უშუალოდ სამოქმედო გეგმის შეფასება, არამედ გეგმით ნაკარნახევი შესრულებული და შეუსრულებელი ვალდებულებების განხილვა და შეფასება.

სამოქმედო გეგმა 29 ვალდებულებას მოიცავდა, რომელთა შესრულებაზეც 16 სახელმწიფო უწყება იყო პასუხისმგებელი.

IDFI-ს შეფასებით, თუ გავითვალისწინებთ გეგმის ვალდებულებასა და მათი შესრულების ინდიკატორს, მეორე სამოქმედო გეგმის 29 პუნქტიდან 20 განხორციელდა, ხოლო 9 არ დაკმაყოფილებულა.

აღნიშნული საკითხით დაინტერესდა ტელეკომპანია კავკასია და სხვადასხვა დროს გასულ საინფორმაციო გამოშვებაში მოკლედ მიმოიხილა IDFI-ს მიერ გამოქვეყნებული კვლევის ძირითადი ასპექტები. განსაკუთრებულად საინტერესოა კვლევის შეჯამება და შემუშავებული რეკომენდაციები, რომელთა დახმარებითაც შესაძლებელია მომავალი სამოქმედო გეგმის შედარებით სრულყოფილად განხორციელება. 

ღია მმართველობის სამოქმედო გეგმით გათვალისწინებულ ვალდებულებებს ეხმაურება სხვადასხვა საინფორმაციო პორტალი. www.gurianews.com უცვლელად აქვეყნებს ინფორმაციის თავისუფლების განვითარების ინსტიტუტის მიერ გამოქვეყნებულ ანგარიშს.

აღნიშნული კვლევის შესახებ ინფორმაციას აქვეყნებს ელექტრონული პორტალი www.news.ge იგი განსაკუთრებით დიდ ყურადღებას უთმობს მიზეზებს, რომელთა გამოც სამოქმედო გეგმა ზუსტად ვერ შესრულდა.

IDFI-ს მიერ გამოქვეყნებული ანგარიშით ბეჭდური მედიაც დაინტერესდა. გაზეთი ალია კვლევის მცირე მიმოხილვას აქვეყნებს, სადაც განხილულია ანგარიშში ასახული მნიშვნელოვანი საკითხები.