არასამთავრობო ორგანიზაციები ეხმიანებიან მედიაში გავრცელებულ ინფორმაციას ხელისუფლებისა და სასამართლოს სისტემის წარმომადგენლების არაფორმალურ კავშირებზე

განცხადებები 11 ივლისი 2017

არასამთავრობო ორგანიზაციები ვეხმაურებით 10 ივლისს მედიაში გავრცელებულ ინფორმაციას, სადაც პარლამენტის იურიდიული კომიტეტის თავმჯდომარის მოადგილე ვანო ზარდიაშვილს, თბილისის სააპელაციო სასამართლოს თავმჯდომარე მიხეილ ჩინჩალაძესა და იუსტიციის უმაღლესი საბჭოს ახალ მდივან გიორგი მიქაუტაძის შორის არაფორმალურ გარემოში შეხვედრაა ასახული. მედიაში ასევე გავრცელდა ფოტო, სადაც საბჭოს ახალი მდივანი, „ქართული ოცნების“ სხვა ლიდერებთან და მთავარი პროკურორის მოადგილესთან ერთადაა გადაღებული.



არასამთავრობო ორგანიზაციებმა არაერთხელ დააფიქსირეს, რომ დღეის მდგომარეობით სასამართლოს სისტემის უმთავრეს პრობლემას კლანური მმართველობა წარმოადგენს, რომელიც ხელისუფლების მხრიდან არის მხარდაჭერილი. ჩვენი ინფორმაციით, სასამართლოს გავლენიან ჯგუფებთან საკონტაქტო პირს მმართველი ძალიდან სწორედ ვანო ზარდიაშვილი წარმოადგენს. ვანო ზარდიაშვილს ახლო ნათესაური და მეგობრული კავშირები აქვს სასამართლო სისტემის ყველაზე გავლენიან პირებთან მიხეილ ჩინჩალაძესა და იუსტიციის უმაღლეს საბჭოში ლევან მურუსიძის შემცვლელ გიორგი მიქაუტაძესთან. ასევე, ვანო ზარდიაშვილის მეუღლე იუსტიციის უმაღლეს საბჭოში გამოსაცდელი ვადით გამწესებული მოსამართლეების საქმიანობის შეფასების მართვის დეპარტამენტს ხელმძღვანელობს.



ხელისუფლების წარმომადგენლების მსგავსი არაფორმალური ურთიერთობა სასამართლო სისტემის გავლენიან პირებთან, კიდევ ერთხელ ადასტურებს საფუძვლიან ეჭვებს სასამართლოს გავლენიანი ჯგუფისა და ხელისუფლების შეთანხმებული მოქმედებების შესახებ. ხელისუფლების სხვადასხვა შტოებს შორის ამგვარი არაჯანსაღი დამოკიდებულებით, ეჭქვეშ დგება ხელისუფლების დანაწილების და სხვადასხვა შტოების მიერ ურთიერთკონტროლის კონსტიტუციური პრინციპების არსებობა, რაც სერიოზულ ზიანს აყენებს დამოუკიდებელი და ხარისხიანი მართლმსაჯულების განვითარების პერსპექტივებს ქვეყანაში. გარდა ამისა, საზოგადოებაში უკიდურესად ამცირებს სასამართლო ხელისუფლების მიმართ ნდობას, განსაკუთრებით იმ გახმაურებულ საქმეებში, რომლებშიც ხელისუფლების ინტერესები იკვეთება. განცხადებაზე ხელმომწერი ორგანიზაციები კიდევ ერთხელ ხაზგასმით მოვუწოდებთ ხელისუფლებასა და შესაბამის ორგანოებს სათანადო ყურადღება მიექცეს მსგავს არაფორმალურ ურთიერთობებს. იმ შემთხვევაში თუ მსგავსი პრაქტიკა გაგრძელდება და ხელისუფლება სასამართლოს სისტემის გაჯანსაღების რეალურ პოლიტიკურ ნებას არ გამოავლენს, ყოველგვარი შემდგომი რეფორმა ისევე დაკარგავს აზრს, როგორც ხელშესახები შედეგი ვერ გამოიღო აქამდე სამ „ტალღად” განხორციელებულმა საკანონმდებლო რეფორმებმა.

 

საერთაშორისო გამჭვირვალობა-საქართველო

 

საქართველოს დემოკრატიული ინიციატივა

 

ინფორმაციისა და თავისუფლების განვითარების ინსტიტუტი (IDFI)

 

საქართველოს რეფორმების ასოციაცია

 

კვლევითი ჟურნალისტიკისა და ადვოკატირების ცენტრი

სხვა მასალები ამ თემაზე
სიახლეები

თბილისის საქალაქო სასამართლომ ა(ა)იპ მედიააკადემია საჯარო დაწესებულებად ცნო და საჯარო ინფორმაციის გაცემა დაავალა

08.04.2021

პანდემიის გავლენა დანაშაულის სტატისტიკაზე

07.04.2021

მუნიციპალურ ა(ა)იპ-ებსა და შპს-ებში დასაქმებული თანამშრომლები და შრომის ანაზღაურების ხარჯები

06.04.2021

აჭარის უმაღლესი საბჭოს ღია მმართველობის საბჭოსა და საკონსულტაციო ჯგუფის წევრებმა სამუშაო შეხვედრა გამართეს

02.04.2021
განცხადებები

IDFI-ისა და სოციალური სამართლიანობის ცენტრის განცხადება სახელმწიფო ინსპექტორის სამსახურის ანგარიშთან დაკავშირებით

07.04.2021

კოალიცია „მედიის ადვოკატირებისათვის“ წევრი ორგანიზაციები დაუშვებად მივიჩნევთ ინტერნეტის ხელმისაწვდომობის შეზღუდვას ნამოხვანში

04.04.2021

კოალიცია უზენაესი სასამართლოს დაკომპლექტების წესში დაანონსებულ ცვლილებებს ეხმიანება

29.03.2021

IDFI-ის განცხადება პირადი ცხოვრების ამსახველი ჩანაწერების თაობაზე

23.03.2021
ბლოგპოსტები

მოსაზრებები სამუსლიმანო საქართველოს სახელმწიფოებრივ კუთვნილებასთან დაკავშირებით

10.03.2021

1921 წლის ოკუპაცია და „პერესტროიკის“ ხანის ქართული გაზეთები

10.03.2021

საბჭოთა ოკუპაციის ნარატივი რუსეთ-საქართველოს თანამედროვე ურთიერთობების ფონზე: პოლიტიკა, მეხსიერება, იდენტობა

10.03.2021

გუდმუნდურ ანდრი ასტრადსონი ისლანდიის წინააღმდეგ: მოსამართლეთა დანიშვნის შესახებ კანონმდებლობის დარღვევამ სამართლიანი სასამართლოს უფლების შელახვა გამოიწვია

10.02.2021