სახალხო უნივერსიტეტთა გერმანული ასოციაცია, dvv international, 2012 წლიდან ახორციელებს პროექტს სახელწოდებით „დისკუსიები სამუშაო დღის შემდეგ“, რომლის მიზანია საზოგადოების სამოქალაქო თვითშეგნების ამაღლება და აქტიური სამოქალაქო პოზიციის ჩამოყალიბება. 2013 წლიდან პროექტის პარტნიორია ინფორმაციის თავისუფლების განვითარების ინსტიტუტი (IDFI) და კავკასიის საერთაშორისო უნივერსიტეტი. პროექტის ფარგლებში ყოველი თვის 15 რიცხვში ტარდება საჯარო დისკუსიები სხვადასხვა აქტუალურ საკითხებზე.

ერთ-ერთი ასეთი დისკუსია, რომელიც გაიმართება dvv international-ის ოფისში (იხილეთ თანდართული რუკა) მიმდინარე წლის 15 აპრილს 18:30 საათზე, ეძღვნება საქართველოს საყოველთაო დაზღვევის ახალ პოლიტიკას.

დისკუსიაში მომხსენებლის რანგში მონაწილეობას მიიღებენ საქართველოს შრომის, ჯანმრთელობის და სოციალური დაცვის სამინისტროს ჯანდაცვის დეპარტამენტის უფროსი, ქალბატონი რუსუდან რუხაძე და ამავე სამინისტროს ყოფილი მინისტრი, ბატონი ანდრია ურუშაძე.

დისკუსიაში მონაწილეობას მიიღებს აგრეთვე ბატონი ამირან გამყრელიძე, დაავადებათა კონტროლისა და საზოგადოებრივი ჯანდაცვის ეროვნული ცენტრის დირექტორი. ღონიძიებაზე მოწვეულია სადაზღვევო კომპანიებისა და სამედიცინო დაწესებულებების წარმომადგენლები და სადაზღვევო პაკეტის ბენეფიციარები.

თქვენი თანამონაწილეობა დისკუსიაში საშუალებას მოგცემთ, პირადად მიიღოთ პასუხები თქვენთვის საინტერესო კითხვებზე. მოხარული ვიქნებით, თუ გამონახავთ დროს და მონაწილეობას მიიღებთ აღნიშნულ ღონისძიებაში.

 საკონტაქტო ინფორმაცია: 2 251 752 599 910 023 info@dvv-international.ge katsitadze@dvv-intenational.ge