2011 წლის 29 ივნისს პროექტ - "საქართველოს საჯარო დაწესებულებების საინფორმაციო (ინტერნეტ) რესურსების მონიტორინგის" ფარგლებში IDFI-ს ექსპერტთა ჯგუფის მიერ დაგეგმილი იყო  საჯარო სამართლის იურიდიული პირი - ქ. თბილისის შოთა რუსთაველის სახელობის სახელმწიფო დრამატული თეატრის ოფიციალური ვებ-გვერდის (www.rustavelitheatre.ge) ინფორმაციული გამჭვირვალობის მონიტორინგის განხორციელება. აღმოჩნდა, რომ ხსენებული ვებ-გვერდის ინფორმაციული შიგთავსი არ ექვემდებარება ინფორმაციული გამჭირვალობის ხარისხის შეფასებას, რადგანაც ის წარმოადგენს მხოლოდ და მხოლოდ საპრეზენტაციო ტიპის ვებ-გვერდს. აქვე გვინდა აღვნიშნოთ, რომ IDFI-იმ პროექტ „საჯარო ინფორმაციის მონაცემთა ბაზა - www.opendata.ge“ ფარგლებში აღნიშნული საჯარო დაწესებულებიდან საკმაოდ დიდი მოცულობის საჯარო ინფორმაცია მიიღო რაც ერთის მხრივ ხაზს უსვამს რუსთაველის თეატრის, როგორც საჯარო უფლებამოსილების განმახორციელებელი ადმინისტრაციული ორგანოში არსებული მნიშვნელოვანი ინფორმაციის არსებობას, ასევე ამ ინფორმაციის ოფიციალურ ვებ-გვერდზე განთავსების მნიშვნელობასაც.

ამავე დროს, IDFI-ს შეფასებითი პარამეტრების მიხედვით ქ. თბილისის შოთა რუსთაველის სახელობის სახელმწიფო დრამატული თეატრის ოფიციალურივებ-გვერდის

ტექნიკური გამართულობისა და ელ. ხელმისაწვდომობის ხარისხმა შეადგინა: 26.80%

კვლევის სტატისტიკური მონაცემები, გამოვლენილი პრობლემები და შესაბამისი რეკომენდაციები შეგიძლიათ იხილოთ თანდართულ ფაილში:

შოთა რუსთაველის სახელობის სახელმწიფო დრამატული თეატრის ვებ-გვერდის მონიტორინგი 2011

კვლევასთან დაკავშირებული ნებისმიერი წინადადებით ან შეკითხვით შეგიძლიათ მოგვმართოთ ელ.ფოსტაზე- info@idfi.ge