თანამედროვე რუსული დეზინფორმაცია - IDFI-მ მარნეულის ამერიკულ კუთხეში საინფორმაციო შეხვედრა გამართა

სიახლეები | მეხსიერების და დეზინფორმაციის კვლევები | სტატია 11 მაისი 2022

 

2022 წლის 11 მაისს, მარნეულში, ინფორმაციის თავისუფლების განვითარების ინსტიტუტმა (IDFI) მარნეულის ამერიკული კუთხის ორგანიზებით საინფორმაციო ხასიათის შეხვედრა გამართა თემაზე - „საბჭოთა პროპაგანდა და ინფორმაციული ომი, როგორც მისი მემკვიდრეობა“.

 

აღნიშნულ შეხვედრას სკოლის მოსწავლეები და ორგანიზაციის წარმომადგენლები დაესწრნენ. საუბარი შეეხო რუსული პროპაგანდის ძირითად მარკერებსა და მიზნებს, საბჭოთა კავშირის განდიდებასა და მის როლს თანამედროვეობაში, ქართველებისადმი დამოკიდებულებას საბჭოთა კავშირსა და თანამედროვე რუსეთში. შეხვედრაზე ასევე განხილული იყო რუსული მასობრივი დეზინფორმაციისა და პროპაგანდისტული ტენდენციების  მაგალითები, მათი გავრცელების მასშტაბი რუსეთ-უკრაინის ომთან მიმართებით.

 

ინფორმაციის თავისუფლების განვითარების ინსტიტუტის (IDFI) მეხსიერებისა და დეზინფორმაციის კვლევების მიმართულების ხელმძღვანელმა ანტონ ვაჭარაძემ მოსწავლეებს გააცნო თანამედროვე გამოწვევები რუსული პროპაგანდისა და ინფორმაციული ომის ფონზე. მან ხაზი გაუსვა, რომ გაყალბებული ისტორიული ნარატივების გამოყენება აქტიურად მიმდინარეობს საქართველოში არსებული მავნე აქტორების მიერაც. გავრცელების ფორმები და მეთოდები კი ძალიან ჰგავს რუსული პროპაგანდის „იდეოლოგიურ ღრუბელს“, რომელიც მიმართულია ისტორიის რეინტერპრეტაციისა და კრემლის რიტორიკის კვალდაკვალ. ანტონ ვაჭარაძემ ასევე ისაუბრა მოქალაქეებისა და მედიის პასუხისმგებლობაზე ფაქტების გადამოწმებასთან მიმართებით.

 

შეხვედრა წარიმართა კითხვა-პასუხის რეჟიმში. მოსწავლეებმა გამოხატეს თავიანთი მოსაზრებები და მათთვის საინტერესო კითხვები ღიად დააფიქსირეს. დისკუსია გაიმართა ფართო საინფორმაციო ჭრილში.

 

მარნეულის ამერიკულმა კუთხემ მზაობა გამოხატა ინფორმაციის თავისუფლების განვითარების ინსტიტუტთან (IDFI) სამომავლო თანამშრომლობაზე.

 

 

-------

 

მოცემული მასალის მომზადება დაფინანსებულია შვედეთის საერთაშორისო განვითარების თანამშრომლობის სააგენტოს, Sida-ს მიერ. შინაარსზე პასუხისმგებლობა სრულად ეკისრება მის შემქმნელს. Sida შესაძლოა არ იზიარებდეს გამოთქმულ ხედვებსა და ინტერპრეტაციებს. 

 

 

სხვა მასალები ამ თემაზე
სიახლეები

IDFI-ის საერთაშორისო კონფერენცია ციფრულ ტრანსფორმაციაზე: მთავარი გზავნილები და შედეგები

16.05.2022

მონაცემების გლობალური ბარომეტრის კვლევის შედეგები - საქართველოსა და აღმოსავლეთ ევროპის და ცენტრალური აზიის რეგიონის ქვეყნების შედეგების მიმოხილვა

13.05.2022

ტრენინგი საჯარო მომსახურების გაწევის სტანდარტის შესახებ

13.05.2022
განცხადებები

ევროკავშირის კითხვარის პასუხების გასაჯაროების შესახებ

02.05.2022

არასამთავრობო ორგანიზაციების ერთობლივი განცხადება ბიძინა ივანიშვილისა და რუსი ბიზნესმენის ვლადიმერ ევტუშენკოვის გავრცელებული სავარაუდო აუდიოჩანაწერის შესახებ.

27.04.2022

ფარული მიყურადების მარეგულირებელი კანონმდებლობა კიდევ უფრო უარესდება

21.04.2022

სამოქალაქო საზოგადოებრივი ორგანიზაციები ევროკავშირის კითხვარისა და პასუხების გასაჯაროვებას ითხოვენ

12.04.2022
ბლოგპოსტები

ქართული პრესისა და ბეჭდვითი მედიის ცენზურის ისტორია

03.05.2022

9 მაისის აღნიშვნა რუსეთში

02.05.2022

ციფრული უფლებები ღია მმართველობის პარტნიორობის ფარგლებში

15.04.2022

რუსული დეზინფორმაციის ტენდენციები საქართველოში უკრაინის ომის პარალელურად

04.04.2022