თანამედროვე რუსული დეზინფორმაცია - IDFI-მ მარნეულის ამერიკულ კუთხეში საინფორმაციო შეხვედრების ციკლი დაასრულა

სიახლეები | მეხსიერების და დეზინფორმაციის კვლევები | სტატია 19 მაისი 2022

2022 წლის 18 მაისს, მარნეულში, ინფორმაციის თავისუფლების განვითარების ინსტიტუტმა (IDFI) მარნეულის ამერიკული კუთხის ორგანიზებით საინფორმაციო ხასიათის მეორე შეხვედრა გამართა თემაზე - „საბჭოთა პროპაგანდა და ინფორმაციული ომი, როგორც მისი მემკვიდრეობა“.

 

აღნიშნულ შეხვედრას აზერბაიჯანულენოვანი სკოლის მოსწავლეები დაესწრნენ. საუბარი შეეხო საბჭოთა პროპაგანდასა და ინფორმაციულ ომს, საბჭოთა კავშირის განდიდებასა და თანამედროვე რუსულ დეზინფორმაციულ კამპანიას, მოქალაქისა და მედიის პასუხისმგებლობას ფაქტების გადამოწმებასთან დაკავშირებით. ასევე განხილული იყო რუსეთის დამოკიდებულება საბჭოთა კავშირის ყოფილ რესპუბლიკებთან, მათ ენასა და სახელწოდებებთან მიმართებით.

 

ინფორმაციის თავისუფლების განვითარების ინსტიტუტის (IDFI) მეხსიერებისა და დეზინფორმაციის კვლევების მიმართულების ხელმძღვანელი ანტონ ვაჭარაძე მოსწავლეებს ესაუბრა  საბჭოთა და თანამედროვე რუსულ პროპაგანდაზე, რომელიც  ცდილობს ღრმად გაიდგას ფესვები, განსაკუთრებით ეს თვალსაჩინოა რუსეთ-უკრაინის ომთან მიმართებით. მან ხაზი გაუსვა, რომ აღნიშნული პროპაგანდისა და დეზინფორმაციული ნარატივის გავრცელება საქართველოშიც აქტიურად მიმდინარეობს. ასევე ხშირია ეთნიკური საკითხებით მანიპულირება, თუმცა ანტონ ვაჭარაძემ აღნიშნა, რომ დღევანდელი რუსული პროპაგანდა განკუთვნილია შიდა აუდიტორიისთვის და თითქმის აღარ გადის საერთაშორისო ბაზარზე, რუსი ექსპერტები კი უკვე პროკრემლისტურ არხებზეც კი ღიად საუბრობენ უკრაინის ერთიანობაზე, იმაზე რომ მათი ვარაუდები, მაგალითად,  ხარკოვისა და აღმოსავლეთ (რუსულენოვანი) უკრაინის კოლაბორაციონიზმის შესახებ არ გამართლდა.

 

შეხვედრის ბოლოს, მოსწავლეებს დაურიგდათ კითხვარი, რომლის მიზანიც იყო ნამდვილი ამბის  გარჩევა დეზინფორმაციული ნარატივისგან. მოსწავლეებმა გამოხატეს თავიანთი მოსაზრებები და გაიმართა დისკუსია რუსული პროპაგანდის მანკიერ მხარეებზე მსოფლიოში მიმდინარე მოვლენებთან მიმართებით.

 

საინფორმაციო შეხვედრები გაიმართა შვედეთის საერთაშორისო განვითარების თანამშრომლობის სააგენტოს, Sida-ს ფინანსური მხარდაჭერით.

სხვა მასალები ამ თემაზე
სიახლეები

IDFI-ს პროგრამების დირექტორმა ლევან ავალიშვილმა ინფორმაციის თავისუფლების შესახებ ღია ლექცია ჩაატარა

24.11.2022

სამუშაო შეხვედრა ღია მონაცემების ხელმისაწვდომობის გასაუმჯობესებლად საქართველოს საჭიროებებისა და საერთაშორისო კარგი პრაქტიკის შესახებ

22.11.2022

საქართველოს გამოწვევები ღია მონაცემების მართვის კუთხით და საერთაშორისო კარგი პრაქტიკა

22.11.2022

IDFI-ს წარმომადგენლებმა შიდა ქართლში მუშაობის შედეგები წარადგინეს

21.11.2022
განცხადებები

საქართველო ერთადერთი ქვეყანაა, რომელიც ჯერ არ შეუერთდა ანტიკორუფციული გარემოს შესახებ OECD-ის შეფასების პროცესს

21.11.2022

IDFI შემოსავლების სამსახურის განცხადებას პასუხობს

11.11.2022

მედიის ადვოკატირების კოალიცია მიმართავს პრეზიდენტს შეიწყალოს ნიკა გვარამია

03.11.2022

ნიკა გვარამიას შეწყალების ყველა კონსტიტუციური წინაპირობა არსებობს

03.11.2022
ბლოგპოსტები

რუსული დეზინფორმაციის ტაქტიკა 2008 წლის ხუთდღიანი ომის კონტექსტში

03.11.2022

ქაოტური მშენებლობები ბათუმში ახალ მასშტაბებს იძენს

18.10.2022

საჯარო ინფორმაციის ხელმისაწვდომობა და უფლება სამართლიან სასამართლოზე

11.07.2022

ქართული პრესისა და ბეჭდვითი მედიის ცენზურის ისტორია

03.05.2022