საქართველოს ენერგეტიკის სამინისტრომ IDFI-ს საჩივარი სრულად დააკმაყოფილა

სიახლეები | IDFI-ს სასამართლო პრაქტიკა 31 მარტი 2014


მიმდინარე წლის 25 მარტს საქართველოს ენერგეტიკის სამინისტრომ სრულად დააკმაყოფილა ა(ა)იპ ,,ინფორმაციის თავისუფლების განვითარების ინსტიტუტის“ ადმინისტრაციული საჩივარი საჯარო ინფორმაციის სრულყოფილად გაცემის თაობაზე.

IDFI-მ 2014 წლის 11 თებერვალს ადმინისტრაციული საჩივრით მიმართა ენერგეტიკის სამინისტროს. საჩივრის საფუძველს საჯარო ინფორმაციის არასრულყოფილი სახით მიღება წარმოადგენდა. კერძოდ, IDFI-იმ მიიჩნია, რომ   სამინისტრომ  ინსტიტუტს არასრულყოფილი სახით მიაწოდა მოთხოვნილი ინფორმაცია  სამინისტროს თანამდებობის პირებზე დარიცხული პრემიების, ხელფასებისა და დანამატების, „როუმინგულ“ მომსახურებაზე გაწეული ხარჯებისა და ქვეყნის გარეთ ოფიციალურ და სამუშაო ვიზიტებზე დახარჯული თანხების შესახებ. ინფორმაცია არ იქნა მოწოდებული სახელებისა და გვარების, აგრეთვე თვეების მიხედვით ინსტიტუტის მოთხოვნის შესაბამისად.   სამინისტრომ ასევე არ მოგვაწოდა გადაუდებელი აუცილებლობით განხორციელებული შესყიდვების სია და შესყიდვის განხორციელების აუცილებლობის შესახებ ზემდგომ ან სახელმწიფო კონტროლის განმახორციელებელ ორგანოსთან  შესაბამისი მიწერილობა. აღნიშნულ მოთხოვნაზე ენერგეტიკის სამინისტროდან მხოლოდ შესყიდვების გეგმა მივიღეთ, რომელიც არ შეიცავს მოთხოვნილ ინფორმაციას.  ინსტიტუტმა ვერ მიიღო ასევე ინფორმაცია ენერგეტიკის სამინისტროს ბალანსზე არსებული სატრანსპორტო საშუალებების ტექნიკურ მომსახურებაზე დახარჯულ თანხებთან დაკავშირებით. სამინისტროს მიერ არ იქნა მოწოდებული არც მაკონტროლებელი ორგანოების მიერ შემოწმების შედეგად გამოვლენილი დარღვევების აღმოსაფხვრელად გატარებულ ღონისძიებეთა ნუსხა.

28 თებერვალს გამართული ზეპირი მოსმენის საფუძველზე, ენერგეტიკის მინისტრის, კახა კალაძის ბრძანებით  სამინისტროს ადმინისტრაციულ დეპარტამენტს მოთხოვნილი ინფორმაციის  სრულყოფილი სახით გაცემა დაევალა.

IDFI-ი მიესალმება  ენერგეტიკის სამინისტროს მხრიდან  კანონმდებლობით გათვალისწინებული გასაჩივრების პროცედურების დაცვას  და  ანგარიშვალდებულობის ეფექტურ გააზრებას. იმედს გამოვთქვამთ, რომ ენერგეტიკის სამინისტრო გაითვალისწინებს აღნიშნულ პრეცედენტს და მომავალში მსგავსი ინფორმაციის ხელმისაწვდომი იქნება ყველა მსურველისთვის, მათ შორის პროაქტიულ რეჟიმში.  ჩვენ ასევე იმედს გამოვთქვამთ, რომ სხვა სამინისტროების ზემდგომი თანამდებობის პირებიც (IDFI -მ საჯარო ინფორმაციის სრულყოფილი სახით მიღების მოთხოვნით ადმინისტრაციული საჩივრით აგრეთვე მიმართა ფინანსთა და ეკონომიკისა და მდგრადი განვითარების სამინისტროებს), გაითვალისწინებენ ენერგეტიკის სამინისტროს მიდგომას, IDFI-ის მიერ მოთხოვნილი ინფორმაციის სრულყოფილად გაცემასთან დაკავშირებით.

სხვა მასალები ამ თემაზე
სიახლეები

საქართველოს ლობისტური საქმიანობა ამერიკის შეერთებულ შტატებში

03.06.2020

IDFI-მ უნივერსალური პერიოდული მიმოხილვისთვის ანგარიში წარადგინა

03.06.2020

ტრენინგი თემაზე "FATF-ის მე-8 რეკომენდაცია არაკომერციული იურიდიული პირებისთვის"

01.06.2020

5G ტექნოლოგია, რუსული დეზინფორმაცია და კორონავირუსი

27.05.2020
განცხადებები

პარლამენტმა მხარი არ უნდა დაუჭიროს კანონპროექტს ინფორმაციული უსაფრთხოების შესახებ

29.05.2020

IDFI-ი მოუწოდებს საქართველოს პარლამენტს არ დაუშვას კანონპროექტის დაჩქარებული წესით მიღება

20.05.2020

IDFI-ის განცხადებით ხელისუფლებამ უნდა გააკეთოს მკაფიო განმარტება მოსალოდნელი შეზღუდვების სამართლებრივი საფუძვლების შესახებ

15.05.2020

პარლამენტმა სასამართლოს აქტების ხელმისაწვდომობის უზრუნველსაყოფად განსახორციელებელი საკანონმდებლო ცვლილების მიღება გადადო

02.05.2020
ბლოგპოსტები

ივანე ჯავახიშვილი და საქართველოს დამოუკიდებლობა

26.05.2020

მეორე მსოფლიო ომში გამარჯვების დღის მითვისება რუსული პროპაგანდის მიერ

08.05.2020

საქართველოს მოსახლეობის დამოკიდებულება პროკურატურის მიმართ

04.05.2020

ქართული პრესისა და ბეჭდვითი მედიის ცენზურის მიმოხილვა

03.05.2020