27 ივლისს „ინფორმაციის თავისუფლების განვითარების ინსტიტუტსა“ და საერთაშორისო საზოგადოება „მემორიალს“ შორის ურთიერთთანამშრომლობის მემორანდუმი გაფორმდა.

მემორანდუმის ფარგლებში იგეგმება სხვადასხვა სამეცნიერო, კვლვევითი, აკადემიური და საგანმანათლებლო საქმიანობის წარმართვა, ერთობლივი პროექტების განხორციელება და სამეცნიერო კვლევების გამოქვეყნება.
გაიმართება კონსულტაციები სამეცნიერო კვლევების საკითხებზე, საარქივო სფეროს განვითრებაზე, მოხდება ინფორმაციის გაცვლა და დაგროვილი გამოცდილების გაზიარება.

ორი ორგანიზაციის უკვე რამდენიმე წლიანი პარტნიორობა ხელს შეუწყობს  საერთაშორისო და რეგიონალური სამეცნიერო-კვლევითი ორგანიზაციების ურთიერთთანამშრომლობის გაღრმავებას, საბჭოთა კავშირის ისტორიის და ტოტალიტარული რეჟიმების შესახებ საარქივო, სამეცნიერო კვლევების განხორციელებას.

პირველი ერთობლივი კვლევითი პროექტი, რომელშიც ჩართულია საერთაშორისო საზოგადოება „მემორიალი“, ეს არის „სტალინის სიები საქართველოზე“. პროექტს ახორციელებს „ინფორმაციის თავისუფლების განვითარების ინსტიტუტი“ ჰაინრიჰ ბიოლის ფონდის სამხრეთ კავკასიის ბიუროს და  საქართველოში შვეიცარიის საელჩოს ფინანსური მხარდაჭრით. პროექტის ფარგლებში დაგეგმილია 1937-1938 წლების რეპრესიების დროს უშუალოდ სტალინის და პოლიტბიუროს სხვა წევრების ხელმოწერით გასამართლებული 3600 ადამინის შესახებ ინფორმაციის მოგროვება და წიგნის სახით გამოცემა. წიგნში იქნება ასევე კვლევა 1937-1938 წლების დიდი ტერორის შესახებ.

/public/upload/IDFI/memoriali.pdf