შეხვედრა სტუდენტებთან საპარლამენტო ღიაობის საკითხზე

სიახლეები | პუბლიკაციები | ღია მმართველობა | სტატია 12 ივნისი 2015

12 ივნისს, თელავის იაკობ გოგებაშვილის სახელობის სახელმწიფო უნივერსიტეტში გაიმართა შეხვედრა, საპარლამენტო საქმიანობის გამჭირვალობის, ღიაობის და მოქალაქეთა ჩართულობის შესახებ, რომელიც ხორციელდება პროექტ „ღია მმართველობის პარტნიორობის“ (OGP) ინიციატივაში საქართველოს პარლამენტის ჩართულობის მხარდაჭერის ფარგლებში.


აღნიშნულ პროექტს ახორციელებს ინფორმაციის თავისუფლების განვითარების ინსტიტუტი (IDFI) საქართველოს პარლამენტთან პარტნიორობით ევროკავშირისა (EU) და გაეროს განვითარების პროგრამის (UNDP) ერთობლივი პროექტის საპარლამენტო დემოკრატიის სისტემის გაძლიერება საქართველოში “ ფარგლებში.


შეხვედრას უძღვებოდნენ ინფორმაციის თავისუფლების განვითარების ინსტიტუტის (IDFI) კვლევითი მიმართულების ხელმძღვანელი - გიორგი ხიშტოვანი და პროექტის კოორდინატორი - დავით მაისურაძე. საუბრის თემას წარმოადგენდა საქართველოში ღია მმართველობის პარტნიორობისა და საპარლამენტო ღიაობის პრინციპების დამკვიდრების მნიშვნელობა.


ინფორმაციის თავისუფლების განვითარების ინსტიტუტის (IDFI) წარმომადგენელი გიორგი ხიშტოვანი ესაუბრა სტუდენტებს და უნივერსიტეტის თანამშრომლებს „ღია მმართველობის პარტნიორობის“ ( OGP) შესახებ, რომელიც წარმოადგენს მრავალმხრივ ინიციატივას და მიზნად ისახავს უზრუნველყოს მთავრობის მხრიდან კონკრეტული ვალდებულებების შესრულების გამჭვირვალობა, მოქალაქეების გაძლიერება და კორუფციასთან ბრძოლა.


2011 წლიდან საქართველო არის „ ღია მმართველობის პარტნიორობის “ (OGP) წევრი. 2014 წელს კი გახდა OGP-ის მმართველი კომიტეტის წევრი. 2012 წელს საქართველოს მთავრობის მიერ, მიღებულ იქნა პირველი სამოქმედო გეგმა, რომლის შესრულებაც დაიწყო 2012-2013 წლებში.


გიორგი ხიშტოვანმა ისაუბრა იმ ვალდებულებების შესახებ, რაც აქვს აღებული საქართველოს პარლამენტს, კერძოდ კი 2014-2015 წლის მეორე სამოქმედო გეგმა, რომელიც თავის მხრივ მოიცავს 27 ვალდებულებას. ამ ინიციატივაში აქტიურად არიან ჩართულნი არასამთავრობო ორგანიზაციები და მათ შორის ინფორმაციის თავისუფლების განვითარების ინსტიტუტი (IDFI). IDFI-ის დირექტორი გიორგი კლდიაშვილი არის „ღია მმართველობა საქართველოს ფორუმის“ თანათავმჯდომარე საქართველოს იუსტიციის სამინისტროს ანალიტიკური დეპარტამენტის უფროსთან ერთად.


დავით მაისურაძემ ისაუბრა საქართველოს ღია პარლამენტის სამუშაო ჯგუფის შესახებ, რომლის წევრები არიან საერთაშორისო და არასამთავრობო ორგანიზაციები.


შეხვედრა ინტერაქტიული ხასიათის იყო, სტუდენტების მხრიდან დასმული იყო, საინტერესო კითხვები OGP-თან დაკავშირებით.


IDFI დასახელებული პროექტის ფარგლებში მომავალშიც გეგმავს ჩაატაროს საჯარო დისკუსიები და შეხვედრები საპარლამენტო ღიაობის საკითხებზე.

სხვა მასალები ამ თემაზე
სიახლეები

სამუშაო შეხვედრა სახელმწიფო ბიუჯეტის გენდერული ინდექსის შესამუშავებლად

06.02.2023

საქართველოს პირველი რესპუბლიკის დღეები საფრანგეთში

30.01.2023

საფრანგეთში აკაკი ჩხენკელის მემორიალური ალბომის პრეზენტაცია გაიმართა

26.01.2023

აკაკი ჩხენკელის მემორიალური ალბომის პრეზენტაცია

23.01.2023
განცხადებები

განცხადება მიხეილ სააკაშვილის სასამართლო პროცესთან დაკავშირებით

06.02.2023

მედიის ადვოკატირების კოალიცია სამართალდამცავ ორგანოებს მოუწოდებს, დროულად გამოიძიონ “ტელეკომპანია პირველის” ჟურნალისტის სახლში უკანონო შეღწევის ფაქტები

03.02.2023

მედიის ადვოკატირების კოალიცია მედიის წინააღმდეგ წარმოებულ დისკრედიტაციის კამპანიას ეხმიანება

31.01.2023

კოალიცია პარლამენტის მიერ იუსტიციის უმაღლესი საბჭოს წევრების შერჩევის პროცესს აფასებს

27.01.2023
ბლოგპოსტები

ანტიდასავლური პროპაგანდის საბჭოთა საწყისები

20.12.2022

რუსული დეზინფორმაციის ტაქტიკა 2008 წლის ხუთდღიანი ომის კონტექსტში

03.11.2022

ქაოტური მშენებლობები ბათუმში ახალ მასშტაბებს იძენს

18.10.2022

საჯარო ინფორმაციის ხელმისაწვდომობა და უფლება სამართლიან სასამართლოზე

11.07.2022