ეკონომიკურ საბჭოს სხდომაზე ელ-მმართველობასა და ციფრულ მაუწყებლობაზე გადასვლასთან დაკავშირებული საკითხები განიხილეს

სიახლეები 15 აგვისტო 2014

12 აგვისტოს მთავრობის ადმინისტრაციაში ეკონომიკური საბჭოს სხდომა გაიმართა, რომლის ფარლებშიც საბჭოს წევრებმა ელექტრონული მმართველობის განვითარების მიზნით განხორციელებულ და დაგეგმილ პროექტებზე იმსჯელეს.


ეკონომიკურ საბჭოზე ციფრული მაუწყებლობის განვითარების მიმართულებით განხორციელებული სამუშაოებიც განიხილეს. მიმდინარე პროცესთან დაკავშირებით საბჭოს შუალედური ანგარიში ეკონომიკისა და მდგრადი განვითარების მინისტრის პირველმა მოადგილემ, დიმიტრი ქუმსიშვილმა წარუდგინა.


მოგეხსენებათ, საქართველოს მთავრობამ ციფრულ მიწისზედა სატელევიზიო მაუწყებლობაზე გადასვლის სამოქმედო გეგმა და რეკომენდაციები 2014 წლის 7 თებერვალს დაამტკიცა. წარმოდგენილი სტრატეგიის საბოლოო ვერსიაზე შეჯერებისა და დამტკიცების პროცესში აქტიურად იყო ჩართული ინფორმაციის თავისუფლების განვითარების ინსტიტუტი (IDFI). საქართველოს ეკონომიკისა და მდგრადი განვითარების სამინისტრომ გაითვალისწინა IDFI-ს ხედვები, რის შედეგადაც 7 თებერვალს თვისობრივად და შინაარსობრივად ახალი სტრატეგია დაამტკიცა.


უნდა აღინიშნოს, რომ ციფრულ საეთერო მაუწყებლობაზე გადასვლის სტრატეგიის მომზადების დასკვნითი ეტაპი (2012-2013 წწ) გამჭვივრვალედ მიმდინარეობდა, სახელმწიფო სტრუქტურების მხრიდან უზრუნველყოფილი იყო პროცესის სრული ღიაობა.


ცნობილია, რომ საქართველო ციფრულ მაუწყებლობაზე 2015 წლის 17 ივნისამდე უნდა გადავიდეს. განხორციელებული სამუშაოების შესახებ ეკონომიკის სამინისტროს შუალედური ანგარიში არ გამოუქვეყნებია; როგორც ეკონომიკისა და მდგრადი განვითარების სამინისტროს კავშირგაბმულობის, საინფორმაციო ტექნოლოგიებისა და ინოვაციების დეპარტამენტის უფროსის მოადგილე, ჯემალ ვაშაკიძე აცხადებს, მიმდინარე სამუშაო პროცესებთან დაკავშირებული ვრცელი ანგარიშის გამოქვეყნება სექტემბრისთვის იგეგმება.

 

 

სხვა მასალები ამ თემაზე
სიახლეები

„ინფორმაციული უსაფრთხოების შესახებ“ კანონპროექტის რისკები და გამოწვევები - IDFI-ს შეფასება

10.11.2019

სასამართლო რეფორმის შედეგების შეფასება - დისციპლინური პასუხისმგებლობის სისტემა

08.11.2019

საგანგებო სიტუაციების მართვის სამსახურის ბიუროკრატიული აპარატის და ხარჯების ანალიზი

06.11.2019

ქალაქ თბილისის მერიის და საკრებულოს ხარჯები: 2017-2018 წლები - ვიზუალიზაცია

04.11.2019
განცხადებები

არასამთავრობო ორგანიზაციათა საგანგებო განცხადება

14.11.2019

კვლავ არსებობს კითხვები გენერალური პროკურორის დიპლომთან დაკავშირებით

17.10.2019

განცხადება სახელმწიფო ავტოპარკის ოპტიმიზაციის აუცილებლობის შესახებ

18.09.2019

იურიდიული კომიტეტის მიერ სამუშაო ჯგუფის დაკომპლექტების შეფასება

17.09.2019
ბლოგპოსტები

გამოკითხვის ექსპერიმენტი

31.10.2019

პროკურატურის დამოუკიდებლობასთან დაკავშირებით მოსახლეობის აზრი გაყოფილია

30.10.2019

უზენაესი სასამართლოს მოსამართლეების შერჩევა: რა იცის და რა დამოკიდებულება აქვს ხალხს საქართველოში ამ პროცესის შესახებ

21.10.2019

ღია მმართველობის პარტნიორობა - გასაღები მდგრადი განვითარების მიზნების შენელებული პროგრესის საპასუხოდ

20.09.2019