IDFI-მ ინტერნეტ რეგულაციების შესახებ საჯარო დისკუსია გამართა

სიახლეები | ინტერნეტი და ინოვაციები | პუბლიკაციები | სტატია 16 ივნისი 2017

ავტორი: სოფიო გიორგაძე

 

2017 წლის 15 ივნისს, IDFI-ის ორგანიზებით გაიმართა სამუშაო შეხვედრა ონლაინ კონტენტის დაბლოკვის, გაფილტვრისა და მოხსნის რეგულაციების შესახებ. შეხვედრას ესწრებოდნენ სახელმწიფო და კერძო სექტორის, მედიისა და არასამთავრობო ორგანიზაციების წარმომადგენლები. 

 

მომხსენებლებს შორის იყვნენ: 

 

გიორგი ბერაია - IDFI-ის კანონის უზენაესობის მიმართულების ხელმძღვანელი. (თემა: უკანონო ონლაინ კონტენტის გაფილტვრის, დაბლოკვისა და მოხსნის რეგულაციები საქართველოში);


გიორგი ნონიაშვილი - სამართლიანი არჩევნებისა და დემოკრატიის საერთაშორისო საზოგადოება (ISFED). (თემა: ინტერნეტ კონტენტის რეგულირება საქართველოში - მზარდი გამოწვევები);


ეკატერინე ხუციშვილი - საქართველოს სახალხო დამცველის აპარატი, სისხლის სამართლის მართლმსაჯულების დეპარტამენტის უფროსი. (თემა: ონლაინ კონტენტის სისხლის საპროცესო რეგულირება); 


უჩა სეთური - საქართველოს მცირე და საშუალო სატელეკომუნიკაციო ოპერატორების ასოციაციის აღმასრულებელი დირექტორი. (თემა: მცირე და საშუალო ოპერატორების წინაშე არსებული მთავარი გამოწვევები); 


IDFI-ის წარმომადგენელმა გიორგი ბერაიამ ინტერნეტ რეგულირების სფეროში არსებული მთავარი გამოწვევები განიხილა. მან ყურადღება გაამახვილა დაუშვებელი პროდუქციის ცნებასა და საავტორო უფლებებთან დაკავშირებულ საკითხებზე და ამ კუთხით კომუნიკაციების მარეგულირებელი ეროვნული კომისიის უფლებამოსილებები და პრაქტიკა გამოყო.


გიორგი ნონიაშვილის თქმით, დღესდღეობით ქვეყანაში არ არსებობს ეფექტური მექანიზმი, რომელიც ინტერნეტში უკანონო ონლაინ კონტენტის რეგულირების პრობლემას გადაჭრის და მნიშვნელოვანია, ამ მხრივ, ისეთი წამყვანი ქვეყნების გამოცდილების გათვალისწინება, როგორიცაა: ესტონეთი, ისლანდია, კანადა, აშშ და სხვა. 


დისკუსიის მონაწილეებმა წარადგინეს რეკომენდაციები ისეთ საკითხებთან დაკავშირებით, როგორიცაა: პორნოგრაფიული, ძალადობის შემცველი და შეურაცხმყოფელი პროდუქციის რეგულირება, ასევე, კერძო სექტორის უფლებამოსილება დაუშვებელ პროდუქციასთან მიმართებაში.


კომპანია მაგთიკომის იურისტმა ირაკლი შარაბიძემ აღნიშნა, რომ არასწორია ინტერნეტ მიმწოდებელს დაეკისროს პასუხისმგებლობა დაუშვებელ პროდუქციასთან დაკავშირებით. მისი თქმით, ოპერატორი ვერ გახდება ცენზორი. 

 

შეხვედრის დასკვნით ეტაპზე, საქართველოს მცირე და საშუალო სატელეკომუნიკაციო ოპერატორების ასოციაციის აღმასრულებელმა დირექტორმა უჩა სეთურმა თვითრეგულირების კოდექსის მნიშვნელობაზე ისაუბრა. მისი თქმით, თვითრეგულირების კოდექსი სწორედ იმ პატარა ოპერატორებისთვისაა განკუთვნილი, რომლებსაც არ ჰყავთ საკუთარი იურისტები და არ გააჩნიათ ფართო ადმინისტრაციული რესურსი.


შეხვედრა ჩატარდა IDFI-ის პროექტ „საქართველოში ინტერნეტის თავისუფლების სამართლებრივი გარანტიების გაუმჯობესებას“ ფარგლებში. IDFI მომავალში აღნიშნულ საკითხზე კვლევისა და რეკომენდაციების გამოქვეყნებას გეგმავს.

 

სხვა მასალები ამ თემაზე
სიახლეები

საფრანგეთში აკაკი ჩხენკელის მემორიალური ალბომის პრეზენტაცია გაიმართა

26.01.2023

აკაკი ჩხენკელის მემორიალური ალბომის პრეზენტაცია

23.01.2023

მოსამართლეები და სასამართლო სისტემაში დასაქმებული მათი ოჯახის წევრები

23.01.2023

საჯარო ინფორმაციის პროაქტიული გამოქვეყნების პრაქტიკა საჯარო დაწესებულებებში - 2022

16.01.2023
განცხადებები

კოალიცია პარლამენტის მიერ იუსტიციის უმაღლესი საბჭოს წევრების შერჩევის პროცესს აფასებს

27.01.2023

სახალხო დამცველის აურჩევლობა აზიანებს ქვეყნის ევროინტეგრაციის პროცესს

23.12.2022

IDFI მიხეილ სააკაშვილის საქმესთან დაკავშირებით განვითარებულ მოვლენებს აფასებს

19.12.2022

სამოქალაქო საზოგადოების ორგანიზაციები ევროკომისიას რეკომენდაციების შესრულებაზე ზედამხედველობის გაზრდას სთხოვენ

14.12.2022
ბლოგპოსტები

ანტიდასავლური პროპაგანდის საბჭოთა საწყისები

20.12.2022

რუსული დეზინფორმაციის ტაქტიკა 2008 წლის ხუთდღიანი ომის კონტექსტში

03.11.2022

ქაოტური მშენებლობები ბათუმში ახალ მასშტაბებს იძენს

18.10.2022

საჯარო ინფორმაციის ხელმისაწვდომობა და უფლება სამართლიან სასამართლოზე

11.07.2022