საერთაშორისო კონფერენცია „საქართველოს ციფრული ტრანსფორმაცია: წინმსწრები ნაბიჯები ევროინტეგრაციის გზაზე“

სიახლეები | ინტერნეტი და ინოვაციები | ღია მმართველობა | სტატია 29 აპრილი 2022

28 აპრილს, ინფორმაციის თავისუფლების განვითარების ინსტიტუტმა საერთაშორისო კონფერენცია „საქართველოს ციფრული ტრანსფორმაცია: წინმსწრები ნაბიჯები ევროინტეგრაციის გზაზე“ გამართა.

 

კონფერენციისას განიხილეს ახალი ტექნოლოგიების გამოყენებით საჯარო სექტორის მოდერნიზაციისა და ტრანსფორმაციის მიმართულებით კარგი პრაქტიკები, მთავარი ტენდენციები, ასევე, გამოწვევები და შესაძლებლობები საქართველოსთვის.

 

საერთაშორისო და ადგილობრივმა ექსპერტებმა ისაუბრეს ისეთ საკითხებზე, როგორიცაა: საჯარო სერვისების გაციფრულება და გამოყენება; ციფრული ტრანსფორმაციისთვის ხელსაყრელი პირობების/გარემოს შექმნა; საერთაშორისო ტენდენციები ციფრული მმართველობისა და ტრანსფორმაციის მიმართულებით, ასევე, საქართველოს შესაძლებლობები და გამოწვევები საჯარო სექტორის მოდერნიზაციის კუთხით.

 

კონფერენციის მონაწილეებს მისასალმებელი სიტყვით მიმართა ინფორმაციის თავისუფლების განვითარების ინსტიტუტის აღმასრულებელმა დირექტორმა, გიორგი კლდიაშვილმა.

 

“სახელმწიფო სექტორის მოდერნიზაცია და საჯარო სერვისების მიწოდების გაუმჯობესება ყოველთვის მნიშვნელოვან როლს ასრულებდა ევროპული ინტეგრაციისა და ევროპულ სტანდარტებთან დაახლოების კუთხით. კორონავირუსის პანდემიამ ასევე აჩვენა ამ კუთხით რეფორმის საჭიროება. საჯარო სექტორის ეფექტურობისა და მოქნილობის გასაზრდელად მნიშვნელოვანია ციფრული ტრანსფორმაციის შემდგომი გაძლიერება. ამ პროცესში აუცილებელია სხვა ქვეყნების გამოცდილების და კარგი პრაქტიკის გათვალისწინება.” – აღნიშნა გიორგი კლდიაშვილმა

 

კონფერენციის ბოლო ნაწილში, ქართველი ექსპერტების ჩართულობით გაიმართა დისკუსია, სადაც მომხსენებლებმა ევროინტეგრაციის პროცესის დაჩქარებისა და მიმდინარე/დაგეგმილი რეფორმების ჭრილში, საქართველოს ელ-მმართველობისა და ციფრული ტრანსფორმაციის  მთავარი საჭიროებები, გამოწვევები და შესაძლებლობები განიხილეს.

 

„ბოლო ათწლეულის განმავლობაში საქართველომ ახალი ტექნოლოგიების გამოყენებით მნიშვნელოვანი რეფორმები განახორციელა კარგი მმართველობისა და საჯარო სერვისების გაუმჯობესების კუთხით. ამჟამად, საჭიროა კიდევ უფრო ამბიციური რეფორმები, რაც დააჩქარებს საჯარო სექტორის მოდერნიზაციას, განსაკუთრებით რეგიონებში და კიდევ უფრო გაუმჯობესდება ონლაინ სერვისების მიწოდება“ - განაცხადა IDFI-ის ადგილობრივი მმართველობის, ინტერნეტისა და ინოვაციების მიმართულებების ხელმძღვანელმა, თეონა ტურაშვილმა.

 

კონფერენცია ორგანიზებული იყო ინფორმაციის თავისუფლების განვითარების ინსტიტუტის (IDFI) მიერ, ღია მმართველობის პარტნიორობასთან (OGP) თანამშრომლობითა და გლობალური საქველმოქმედო ორგანიზაციის, Luminate-ის მხარდაჭერით.

 

ღონისძიების ჩანაწერს შეგიძლიათ გაეცნოთ აქ: პირველი და მეორე პანელი, მესამე პანელი.

 

კონფერენციის პროგრამას გაეცანით აქ.

სხვა მასალები ამ თემაზე
სიახლეები

საერთაშორისო კონფერენცია - “მეხსიერების ხიდზე”

22.03.2023

კორუფციასთან ბრძოლის სასერტიფიკატო პროგრამის გაზაფხულის სემესტრი დაიწყო

14.03.2023

საჯარო ინფორმაციის ხელმისაწვდომობა საქართველოში 2022

10.03.2023

IDFI- მ საბჭოთა ოკუპაციისადმი მიძღვნილი კვირეულის ფარგლებში საჯარო ლექცია და ფილმის ჩვენება გამართა

01.03.2023
განცხადებები

მედიის ადვოკატირების კოალიცია სპეციალურ საგამოძიებო სამსახურს ჟურნალისტურ საქმიანობაში უკანონოდ ხელშეშლისა და სხვა დარღვევებთან დაკავშირებით მიმართავს

13.03.2023

სამოქალაქო საზოგადოების ორგანიზაციების განცხადება ღია მმართველობის მუდმივმოქმედი საპარლამენტო საბჭოს საკონსულტაციო ჯგუფის წევრობის შეჩერების შესახებ

10.03.2023

საზოგადოებრივი ორგანიზაციების ერთობლივი განცხადება

09.03.2023

რუსული კანონი არ არის საქართველოს არჩევანი

21.02.2023
ბლოგპოსტები

ანტიდასავლური პროპაგანდის საბჭოთა საწყისები

20.12.2022

რუსული დეზინფორმაციის ტაქტიკა 2008 წლის ხუთდღიანი ომის კონტექსტში

03.11.2022

ქაოტური მშენებლობები ბათუმში ახალ მასშტაბებს იძენს

18.10.2022

საჯარო ინფორმაციის ხელმისაწვდომობა და უფლება სამართლიან სასამართლოზე

11.07.2022