საერთაშორისო ფორუმი საქართველოს დემოკრატიული და ეკონომიკური განვითარების პერსპექტივები

სიახლეები | ეკონომიკა და სოციალური პოლიტიკა | პუბლიკაციები | სტატია 29 იანვარი 2016

1-2 თებერვალს, სასტუმრო ქორთიარდ მარიოტში „ინფორმაციის თავისუფლების განვითარების ინსტიტუტი“ (IDFI) ბრემენის უნივერსიტეტთან პარტნიორობით და გერმანიის საგარეო საქმეთა სამინისტროს ფინანსური მხარდაჭერით გამართავს საერთაშორისო ფორუმს „საქართველოს დემოკრატიული და ეკონომიკური განვითარების პერსპექტივები“. ფორუმი წარმოადგენს პროექტის „სტრატეგიული გეგმა საქართველო 2020 - სამოქალაქო საზოგადოების ჩართულობის გაძლიერება“ დასკვნით ღონისძიებას.


ფორუმს გახსნის საქართველოს პრემიერ-მინისტრი გიორგი კვირიკაშვილი. მისასალმებელ სიტყვებს ასევე წარმოთქვამენ იანოშ ჰერმანი - ევროკავშირის ელჩი საქართველოში, ბეტინა კადენბახი - გერმანიის ელჩი საქართველოში და გიორგი კლდიაშვილი - IDFI-ს დირექტორი.

ღონისძიების თითოეული დღე დაყოფილია ორ ნაწილად და მოიცავს ისეთ განსახილველ საკითხებს, როგორიცაა:

  • საქართველოს ევროპული და ევროატლანტიკური მისწრაფებები 
  • საქართველოსა და ევროკავშირის პარტნიორობის ძირითადი მიმართულებები 
  • საქართველოს ეკონომიკური განვითარება 
  • საქართველოს დემოკრატიული განვითარება


მოწვეული მომხსენებლები იმსჯელებენ ნატოსა და ევროკავშირში საქართველოს ინტეგრაციის პროცესზე, ამ კუთხით არსებულ გამოწვევებზე, ღრმა და ყოვლისმომცველ თავისუფალ სავაჭრო სივრცეზე, ევროპის ენერგო თანამეგობრობაში საქართველოს გაწევრიანების პერსპექტივებზე, ვიზა ლიბერალიზაციის საკითხებზე, საქართველოს ეკონომიკური და დემოკრატიული განვითარების პროცესზე, კარგ მმართველობასა და სხვა მნიშვნელოვან საკითხებზე.

 

სპეციალურად ფორუმისთვის საქართველოს ეწვევიან:

  • მაიკლ ემერსონი - ევროპული პოლიტიკის სწავლებათა ცენტრის უფროსი მკვლევარი
  • ფედერიკო ტარანტინი - საგარეო ენერგეტიკის პოლიტიკის ოფიცერი, ევროკომისია
  • იოხენ ციმერმანი - ბრემენის უნივერსიტეტის პროფესორი 
  • ანდრეი ილარიონოვი - Cato Institute, უფროსი მკვლევარი
  • ლინკოლნ მიტჩელი - ექსპერტი საქართველოს საკითხებში
  • მაიკლ ჩეჩირე - საგარეო პოლიტიკის კვლევითი ინსტიტუტის ასოცირებული მკვლევარი

 

 

 

სხვა მასალები ამ თემაზე
სიახლეები

IDFI-ის საერთაშორისო კონფერენცია ციფრულ ტრანსფორმაციაზე: მთავარი გზავნილები და შედეგები

16.05.2022

მონაცემების გლობალური ბარომეტრის კვლევის შედეგები - საქართველოსა და აღმოსავლეთ ევროპის და ცენტრალური აზიის რეგიონის ქვეყნების შედეგების მიმოხილვა

13.05.2022

ტრენინგი საჯარო მომსახურების გაწევის სტანდარტის შესახებ

13.05.2022

თანამედროვე რუსული დეზინფორმაცია - IDFI-მ მარნეულის ამერიკულ კუთხეში საინფორმაციო შეხვედრა გამართა

11.05.2022
განცხადებები

ევროკავშირის კითხვარის პასუხების გასაჯაროების შესახებ

02.05.2022

არასამთავრობო ორგანიზაციების ერთობლივი განცხადება ბიძინა ივანიშვილისა და რუსი ბიზნესმენის ვლადიმერ ევტუშენკოვის გავრცელებული სავარაუდო აუდიოჩანაწერის შესახებ.

27.04.2022

ფარული მიყურადების მარეგულირებელი კანონმდებლობა კიდევ უფრო უარესდება

21.04.2022

სამოქალაქო საზოგადოებრივი ორგანიზაციები ევროკავშირის კითხვარისა და პასუხების გასაჯაროვებას ითხოვენ

12.04.2022
ბლოგპოსტები

ქართული პრესისა და ბეჭდვითი მედიის ცენზურის ისტორია

03.05.2022

9 მაისის აღნიშვნა რუსეთში

02.05.2022

ციფრული უფლებები ღია მმართველობის პარტნიორობის ფარგლებში

15.04.2022

რუსული დეზინფორმაციის ტენდენციები საქართველოში უკრაინის ომის პარალელურად

04.04.2022