საქართველოს ინიციატივა 2014 წლისთვის “ღია მმართველობის პარტნიორობის” ფარგლებში

სიახლეები | პუბლიკაციები | ღია მმართველობა | სტატია 4 ნოემბერი 2013

„ღია მმართველობის პარტნიორობის“ (OGP) წლიურ სამიტზე, ლონდონში, ინიციატივის ოცდაჩვიდმეტმა მონაწილემ წარმოადგინა OGP-ის ფარგლებში გეგმები საკუთარი ქვეყნის გამჭვირვალობის, ანგარიშვალდებულებისა და ღიაობის შემდგომი განვითარებისთვის. ახალი ინიციატივები რამდენიმე სხვადასხვა სფეროს ეხება: ახალი საჯარო ინფორმაციის კანონმდებლობა, მთავრობის ანგარიშვალდებულება, ფინანსური გამჭვირვალობა, ბუნებრივი რესურსების მართვა და სამოქალაქო საზოგადოების გაძლიერება.

 

საქართველო იყო ერთ-ერთი იმ ქვეყნებიდან, რომლებმაც წარმოადგინეს გეგმები შემდგომი წლებისთვის. 2013 წლის 8 ოქტომბერს გაერთიანებული სამეფოს კაბინეტის სამდივნოს მინისტრმა, ფრენსის მოდმა, საქართველოს იუსტიციის მინისტრს, თეა წულუკიანს გაუგზავნა წერილი, რომელშიც ითხოვდა იმ განცხადების მოკლე შინაარსს, რომელსაც იუსტიციის მინისტრი გააკეთებდა სამიტის დასასრულს. პასუხში ძირითადი ყურადღება დაეთმო საჯარო ინფორმაციის კანონმდებლობისა და ინფორმაციის ელექტრონულად გამოთხოვის შემდგომ განვითარებას, რაც იყო 2012-2013 წლების საქართველოს სამოქმედო გეგმის მნიშვნელოვანი ნაწილი, მაგრამ, სამწუხაროდ, მათი იმპლემენტაცია სრულად ვერ მოესწრო.

 

2013 წლის 1 სექტემბერს ძალაში შევიდა საჯარო დაწესებულებების მიერ ინფორმაციის პროაქტიულად გამოქვეყნების კანონმდებლობა. საქართველოს მთავრობას სურს დამატებით განავითაროს ეს სფერო, და ამ მიზნით გეგმავს data.gov.ge პორტალის სრულ იმპლემენტაციას. ამ პორტალზე მოქალაქეებს ექნებათ პირდაპირი წვდომა სხვადასხვა დაწესებულებების მიერ პროაქტიულად გამოქვეყნებული საჯარო ინფორმაციის მონაცემთა ბაზასთან, იქვე შეეძლებათ ელექტრონული ფორმით გამოითხოვონ საჯარო ინფორმაცია. თეა წულუკიანის თქმით, პორტალი თავს მოუყრის საჯარო ინფორმაციას კონტენტის, და არა დაწესებულებების მიხედვით.

 

ვებ-გვერდი 2014 წელს ამოქმედდება. მასზე განთავსებული იქნება საჯარო ინფორმაციის ელექტრონულად გამოთხოვის ინტეგრირებული სისტემა. ასევე, ჩატარდება საზოგადოებრივი ცნობიერების ამაღლების კამპანია, რომლის მიზანი იქნება მოქალაქეებისთვის პორტალის შესახებ ინფორმაციის მიწოდება.

სხვა მასალები ამ თემაზე
სიახლეები

ვებგვერდის პრეზენტაცია - www.historyproject.ge

01.12.2021

ბენეფიციარ მესაკუთრეთა მონიტორნიგის გზამკვლევი

26.11.2021

აღმოსავლეთ ევროპის პარტნიორობის ქვეყნების პოლიტიკური გაერთიანებების წარმომადგენლები IDFI-ის ესტუმრნენ და მის საქმიანობას გაეცვნენ

26.11.2021

კიბერსივრცეში პერსონალური მონაცემების დაცულობის უზრუნველყოფა: გამოწვევები და საჭიროებები საქართველოსთვის

25.11.2021
განცხადებები

კოალიცია უზენაესი სასამართლოს მოსამართლეების დანიშვნას კრიტიკულად აფასებს

02.12.2021

არასამთავრობო ორგანიზაციები საკონსტიტუციო ცვლილებებთან დაკავშირებით ირაკლი კობახიძის განცხადებას უარყოფითად აფასებენ

01.12.2021

კოალიცია პარლამენტში უზენაესი სასამართლოს მოსამართლეობის კანდიდატებთან გასაუბრებების დაწყებას ეხმაურება

24.11.2021

კოალიცია მოუწოდებს პარლამენტს ჯეროვნად და დროულად აღასრულოს საკონსტიტუციო სასამართლოს გადაწყვეტილება

22.11.2021
ბლოგპოსტები

ონლაინ ინფორმაციის მანიპულირების ეფექტები: ვინ უნდა შეიმუშავოს და განახორციელოს საჭირო მექანიზმები

20.10.2021

სამთავრობო OGP-ის რეგრესი საქართველოში

06.10.2021

სიკვდილი, როგორც საარჩევნო კამპანიის ძირითადი ნარატივი საქართველოში

29.09.2021

პირადი ცხოვრების ხელშეუხებლობის უფლების დარღვევა - სისტემური გამოწვევა საქართველოსთვის

16.09.2021