IDFI უარყოფითად აფასებს Covid რეგულაციების დარღვევებზე დაანონსებულ ამნისტიას

განცხადებები | კანონის უზენაესობა, ადამიანის უფლებები და მედიის თავისუფლება | აქტუალური თემები 24 ივნისი 2021

24 ივნისს საქართველოს პრემიერ-მინისტრმა განცხადა, რომ Covid რეგულაციების დარღვევისთვის გამოწერილ ჯარიმებზე ამნისტია გამოცხადდება. პრემიერ-მინისტრის განცხადების თანახმად ჩამოწერილი იქნება ყველა ჯარიმა და შეწყდება ყველა მიმდინარე სისხლის სამართლებრივი დევნა.

 

საქართველო კვლავ ებრძვის პანდემიას, ამ პროცესში შეზღუდვების კონსტიტუციის მოთხოვნების შესაბამისად დადგენა და მათი აღსრულება, პანდემიასთან ბრძოლის მთავარი საშუალებაა. ამნისტიის გამოცხადებით სახელმწიფო თავადვე აკნინებს მის მიერ გამოყენებული ან/და მომავალში გამოყენებადი შეზღუდვების ლეგიტიმურობას.

 

ვაქცინაციის მიმდინარე ტემპის გათვალისწინებით, სავარაუდოა, რომ საქართველო კვლავ დადგება შეზღუდვების დაწესების საჭიროების წინაშე. ამნისტიის გამოცხადება  მნიშვნელოვნად წაახალისებს Covid რეგულაციების დარღვევის ფაქტებს მომავალში, რაც თავის მხრივ, სახელმწიფოსგან რეპრესიული მექანიზმების გაძლიერებას გამოიწვევს. აღნიშნულს, გარდაუვლად მოჰყვება ადამიანის ძირითადი უფლებების დარღვევის ფაქტები.

 

პანდემია არ დასრულებულა, ვაქცინაციის თვალსაზრისით არაერთი პრობლემა ვლინდება, ხოლო ორი დღის წინ საქართველოს პარლამენტმა მხარი დაუჭირა აღმასრულებელი ხელისუფლებისთვის Covid რეგულაციების დასაწესებლად საჭირო უფლებამოსილების გაგრძელებას. ამ პირობებში, ამნისტიის გამოცხადება ბადებს ეჭვს, რომ ეს გადაწყვეტილება მხოლოდ ადგილობრივი თვითმმართველობის მოახლოებული არჩევნებით  ან სხვაგვარი პოლიტიკური მიზნებით არის განპირობებული.

 

IDFI-ის არაერთხელ აღუნიშნავს, რომ Covid რეგულაციების შემოღებისა და აღსრულების თვალსაზრისით მრავალი პრობლემა არსებობს, რომლებიც არღვევს ადამიანის ძირითად უფლებებს. მაგალითად, ღია სივრცეში პირბადის ტარების წესის დარღვევისთვის ათი ათასობით უკანონო ჯარიმაა გამოწერილი.  თუმცა ამნისტია წარსულისკენ მიმართული აქტია და იგი სისტემური პრობლემების პრევენციას ვერ მოახდენს. მეტიც, მაღალია ალბათობა, რომ სამომავლოდ იგი კიდევ უფრო შეუწყობს ხელს არსებული პრობლემების გამწვავებას. თუ სახელმწიფოს სურს, პანდემიისას ადამიანის ძირითადი უფლებების დარღვევის პრევენცია და დაშვებული შეცდომების აღმოფხვრა, მან ამისთვის პრევენციული და შემდგომი რეაგირების ეფექტური მექანიზმები უნდა შეიმუშაოს.

სხვა მასალები ამ თემაზე
სიახლეები

გადაცემა "რეალური სივრცის" დახურვა "ქართული ოცნების" რეპრესიული პოლიტიკის ნაწილია

06.05.2025

სასამართლო აქტების ხელმისაწვდომობა მაღალი საზოგადოებრივი ინტერესის მქონე საქმეებზე

05.05.2025

ვიზალიბერალიზაციის გავლენა საქართველოს მოსახლეობის კეთილდღეობაზე

05.05.2025

მედიის თავისუფლების ინდექსში საქართველოს რეიტინგი კიდევ 11 პოზიციით გაუარესდა, ქვეყანა 114-ე ადგილზეა.

02.05.2025
განცხადებები

გადაცემა "რეალური სივრცის" დახურვა "ქართული ოცნების" რეპრესიული პოლიტიკის ნაწილია

06.05.2025

ვიზალიბერალიზაციის გაუქმება არა ქართველი ხალხის, არამედ ივანიშვილის და რუსეთის ინტერესია

18.04.2025

ჟურნალისტების უკანონოდ გათავისუფლება საზოგადოებრივი მაუწყებლიდან

11.04.2025

არალეგიტიმური მთავრობა ქართველი ხალხის დევნის აქტს იღებს

08.04.2025
ბლოგპოსტები

ვიზალიბერალიზაციის გავლენა საქართველოს მოსახლეობის კეთილდღეობაზე

05.05.2025

ვაცლავ ჰაველის "ძალა უძალოთა" - სიმართლე, როგორც წინააღმდეგობის ფორმა

02.04.2025

ქართველი ემიგრანტების საარჩევნო უფლების რეალიზების კუთხით არსებული გამოწვევები და მათი ელექტორალური ქცევა

25.12.2024

რუსეთის სპეცსამსახურების აქტიური ღონისძიება - ალექსანდრე მალკევიჩი საქართველოში

29.11.2024