2021 წლის 25 ნოემბერს რუსეთის უზენაესი სასამართლო განიხილავს საზოგადოება "მემორიალის" ლიკვიდაციის მოთხოვნის სარჩელს, რომელიც რუსეთის ფედერაციის გენერალურმა პროკურატურამ წარადგინა.
1989 წელს დაარსებული საზოგადოება “მემორიალი”, დღემდე აქტიურად იკვლევს ტოტალიტარიზმს და მისი მიზანია საზოგადოებრივი ცნობიერების ამაღლება არა მხოლოდ რუსეთში, არამედ მსოფლიოში. ამ მიზნით, საზოგადოება “მემორიალის” მკვლევრები სწავლობენ საბჭოთა კავშირის სისტემასა და რეპრესირებულთა ისტორიებს, ახორციელებენ საგანმანათლებლო საქმიანობას, ქმნიან ხსოვნის ადგილებს.
ინფორმაციის თავისუფლების განვითარების ინსტიტუტი და “მემორიალი” წლებია თანამშრომლობენ - განსაკუთრებით, საბჭოთა პოლიტიკური რეპრესიების მსხვერპლთა მასობრივი სამარხების შესწავლის კუთხით, რაშიც “მემორიალს” უდიდესი გამოცდილება გააჩნია.
საზოგადოება “მემორიალის” წინააღმდეგ მიმართული შეტევა აშკარა შურისძიების აქტია ადამიანის უფლებათა დაცვის წამყვანი ორგანიზაციის მიმართ და მიზნად ისახავს იმ მძლავრი ხმის ჩახშობას, რომელიც 30 წელზე მეტია, დოკუმენტურ წყაროებზე დაყრდნობითა და უმაღლესი ხარისხის კვლევის მეშვეობით ამხელს საბჭოთა კავშირის დანაშაულებრივ სისტემას.
სიახლეების გამოწერა
