დღეს, 7 მაისს, დაახლოებით 16:00 საათზე, თბილისში, შვედეთის საელჩოს მიმდებარე ტერიტორიაზე, მედიასთან კომუნიკაციის დროს, უცნობი პირი IDFI-ს აღმასრულებელ დირექტორს, გიორგი კლდიაშვილს, დაესხა თავს. თავდამსხმელმა, რომელიც გადაადგილდებოდა ავტომობილით, გიორგი კლდიაშვილს მიაყენა სიტყვიერი შეურაცხყოფა, ხოლო ავტომობილის გაჩერების შემდეგ დაიწყო ფიზიკური დაპირისპირებაც. IDFI-ს წარმომადგენლების მიერ ტერიტორიის დატოვებიდან მალევე, იგივე პირი თავს დაესხა იქვე მყოფ მედიას - ფორმულას გადამღებ ჯგუფს, ოპერატორსა და მძღოლს.
ნიშანდობლივია, რომ ინციდენტი მოხდა შვედეთის საელჩოს მიმდებარე ტეროტორიაზე, იმ დროს როდესაც საქართველოში იმყოფება შვედეთის საერთაშორისო განვითარების თანამშრომლობისა და საგარეო ვაჭრობის მინისტრი, იოჰან ფორსელი, რომელმაც გამართა მაღალი დონის შეხვედრები საქართველოს ევროკავშირში ინტეგრაციის პროცესის მხარდასაჭერად.
მივიჩნევთ, რომ IDFI-ს აღმასრულებელ დირექტორსა და მედიის წარმომადგენლებზე თავდასხმა არის მმართველი პარტიის მიერ, რუსული კანონის მხარდასაჭერად წარმოებული სიძულვილის კამპანიის პირდაპირი შედეგი.
რუსული კანონი უპირობოდ უნდა იქნას გაწვეული
16.05.2024რუსულ კანონი უპირობოდ უნდა იქნას გაწვეული
12.05.2024