ინფორმაციის თავისუფლების განვითარების ინსტიტუტი (IDFI) მოხარულია მოგიწვიოთ საერთაშორისო ჰიბრიდულ კონფერენციაზე - კარგი მმართველობის ფორუმი 2022 (GG Forum 2022)

თარიღი: 13 დეკემბერი, 2022

დრო: 13:00-18:30 (UTC/GMT+4)

ადგილი: Zoom, ლაივსტრიმი IDFI-ის Facebook გვერდზე

ფორუმის თემაა დეცენტრალიზაციის მხარდაჭერა/დაჩქარება: კარგი პრაქტიკები და ინოვაციური მიდგომები. კონფერენციის მიზანია მიმოვიხილოთ დეცენტრალიზაციის რეფორმის გლობალური ტენდეციები, კარგი პრაქტიკები და საჭიროებები აღმოსავლეთ ევროპის ქვეყნებისთვის, ასევე, ის ინოვაციური მეთოდები, რომლებიც დაგვეხმარება არსებული გამოწვევების გასამკლავებლად ადგილობრივ დონეზე დემოკრატიული პრინციპებისა და დეცენტრალიზაციის რეფორმების განსახორციელებლად.

ამ მიზნით, ღონისძიება გეგმავს ადგილობრივი და საერთაშორისო ექსპერტებისა და დაინტერესებული პირების ჩართულობით გამართოს დისკუსიები ისეთ საკითხებზე, როგორიცაა: დეცენტრალიზაციის რეფორმა, მუნიციპალიტეტების გამჭვირვალობა და ანგარიშვალდებულება, ადგილობრივ დონეზე გადაწყვეტილების მიღების პროცესში სამოქალაქო ჩართულობა, მუნიციპალიტეტების გაციფრულება და ადგილობრივი სერვისების მიწოდება.

კონფერენცია მოიცავს შემდეგ პანელებს:

1. დეცენტრალიზაციის რეფორმები: წარმატების ფორმულა, გამოწვევები და შესაძლებლობები

2. გამჭვირვალე და ანგარიშვალდებული ადგილობრივი მმართველობა: მთავარი პრინციპები, წარმატებული მაგალითები და ნასწავლი გაკვეთილები

3. გაციფრულება მუნიციპალიტეტებში: საერთაშორისო ტენდენციები, კარგი პრაქტიკები და გამოწვევები

4. ადგილობრივ დონეზე სერვისის მიწოდების მოდელები

კონფერენცია ორგანიზებულია ინფორმაციის თავისუფლების განვითარების ინსტიტუტის (IDFI) მიერ, ღია მმართველობის პარტნიორობასთან (OGP) თანამშრომლობით, და გლობალური საქველმოქმედო ორგანიზაციის, Luminate-ისა და USAID-ის ადგილობრივი მმართველობის პროგრამის მხარდაჭერით.

სამუშაო ენა: ინგლისური (უზრუნველყოფილი იქნება ინგლისურ-ქართული სინქრონული თარგმანი)

მიბმული დოკუმენტის სახით იხილეთ ღონისძიების დეტალები და პროგრამა.

გთხოვთ, რეგისტრაცია გაიაროთშემდეგი ბმულით:bit.ly/3H10lyt 

რეგისტრაციის გავლის შემდეგ მიიღებთ კონფერენციის ბმულს.