IDFI-ის პარტნიორი ორგანიზაცია რუსეთში კვლავ ზეწოლის ქვეშაა

განცხადებები | მეხსიერების და დეზინფორმაციის კვლევები 1 მაისი 2021

30 აპრილს რუსეთში დააკავეს ადვოკატი, ივან პავლოვი, რომელიც IDFI-ის პარტნიორი უფლებადამცველი ორგანიზაციის „გუნდი 29“ (Команда 29ხელმძღვანელია. პავლოვი, ასევე, არის კრემლის ოპონენტის, ალექსეი ნავალნის კორუფციასთან ბრძოლის ფონდის ადვოკატი. მას ბრალად ედება გაჭიანურებულ გამოძიებებთან დაკავშირებული საიდუმლო ინფორმაციის გამხელა. „გუნდი 29-ის წარმომადგენლების თქმით, რუსეთის უსაფრთხოების სამსახურის თანამშრომლები შეიჭრნენ ერთ-ერთ სასტუმროში პავლოვის ნომერში, დაარბიეს ორგანიზაციის სანქტ-პეტერბურგის ოფისი და, ასევე - ტექნიკური მენეჯერის სახლი.

 

ივან პავლოვი რუსეთში ერთ-ერთი ყველაზე წარმატებული ადკვოკატია, რომელიც ხშირად იცავს ისეთი პირების უფლებებს, რომლებსაც სასამართლო დავები აქვთ რუსეთის უსაფრთხოების სამსახურთან. აღსანიშნავია, რომ „გუნდი 29“ იცავს ყოფილი ჟურნალისტის, ივან საფრონოვის უფლებებს, რომელსაც NATO-ს სასარგებლოდ რუსეთის სახელმწიფოს ღალატი ედება ბრალად. ივან პავლოვის წინააღმდეგ გამოძიება სწორედ საფრონოვის საქმესთან დაკავშირებით დაიწყო, ვინაიდან მას ადანაშაულებდნენ საფრონოვის საქმის დეტალების მედიისთვის გამჟღავნებაში. თუმცა, ივან პავლოვის დაკავება და საპოლიციო რეიდები „გუნდი 29“-ის ოფისებში დაიწყო ოთხი დღეში მას შემდეგ, რაც ორგანიზაციამ განაცხადა, რომ დაიცავდა ნავალნის ორგანიზაციების უფლებებს, რომლებსაც რუსეთის პროკურატურა ადანაშაულებს ექტსრემიზმში და მოითხოვს მათი საქმიანობის აკრძალვას რუსეთის ტერიტორიაზე. 

 

აღსანიშნავია, რომ ეს პირველი შემთხვევა არაა, როდესაც „გუნდი 29“ რუსეთის ხელისუფლების მხრიდან ზეწოლის ქვეშ ექცევა. ორგანიზაცია აღნიშნული სახელით ჩამოყალიბდა მას შემდეგ, რაც მისი წევრების მიერ 2004 წელს დაარსებულ „ინფორმაციის თავისუფლების განვითარების ფონდს“ რუსეთის პროკურატურამ „უცხო ქვეყნის აგენტობაში“ დასდო ბრალი 2014 წელს და ჩამოართვა საქმიანობის გაგრძელების უფლება. შედეგად, ყოფილი ფონდის იურისტები და ჟურნალისტები გაერთიანდნენ და შექმნეს „გუნდი 29" (რუსეთის კონსტიტუციის 29-ე მუხლი ინფორმაციის თავისუფლებისა და ხელმისაწვდომობის საკითხებს არეგულირებს), რომლის მეშვეობითაც დღემდე განაგრძობენ მუშაობას ინფორმაციის თავისუფლების დაცვისა და რუსეთში დემოკრატული პრინციპების გამყარების კუთხით.

 

ინფორმაციის თავისუფლების განვითარების ფონდი“ IDFI-ის ერთ-ერთი პირველი პარტნიორი ორგანიზაცია იყოხოლო „გუნდ 29-სთან“ დღემდე აქტიურად თანამშრომლობს ორგანიზაცია.

IDFI კიდევ ერთხელ გამოხატავს მხარდაჭერას კოლეგებისა და პარტნიორების მიმართ და მოუწოდებს საერთაშორისო უფლებადამცველ საზოგადოებას გამოიყენონ ყველა მათ ხელთ არსებული რესურსი ივან პავლოვის უსაფრთხოების და თავისუფლების უზრუნველყოფისთვის.

სხვა მასალები ამ თემაზე
სიახლეები

ამბროლაურისა და ლანჩხუთის მუნიციპალიტეტებმა გამჭვირვალობის და კეთილსინდისიერების ამაღლების სტრატეგიები და სამოქმედო გეგმები მიიღეს

26.01.2022

ადამიანის უფლებათა ევროპული სასამართლოს და ევროკავშირის მართლმსაჯულების სასამართლოს მიერ მიღებული გადაწყვეტილებების კრებული

26.01.2022

საქართველოში გარდაცვლილთა სტატისტიკა

26.01.2022

კორუფციასთან ბრძოლის სასერტიფიკატო პროგრამის მონაწილეთა სასწავლო ვიზიტი მოლდოვაში

24.01.2022
განცხადებები

პრეზიდენტისადმი მოწოდება „საერთო სასამართლოების შესახებ“ ორგანულ კანონში მიღებულ საკანონმდებლო ცვლილებაზე ვეტოს დადების თაობაზე

13.01.2022

სახელმწიფო ინსპექტორის აპარატის გაუქმების საკანონმდებლო ცვლილებაზე ვეტოს დადების შესახებ

05.01.2022

2021 წლის 28 დეკემბერს რუსეთის ფედერაციის უზენაესმა სასამართლომ საზოგადოება საერთაშორისო მემორიალის ლიკვიდაციის გადაწყვეტილება მიიღო

29.12.2021

კოალიცია „საერთო სასამართლოების შესახებ“ ორგანულ კანონში ცვლილებების დაჩქარებული წესით განხილვას ეხმაურება

28.12.2021
ბლოგპოსტები

ციფრული სერვისები, როგორც სახელმწიფოს, ბიზნესსა და მოქალაქეებს შორის ინტერაქციის პირდაპირი საშუალება MY.GOV.GE-ს მაგალითზე

23.01.2022

პოლიტიკური დაფინანსების ანგარიშვალდებულებისა და გამჭვირვალობის გამოწვევები საქართველოში

22.01.2022

სამოხელეო პოლიტიკისა და საჯარო სამსახურის გამოწვევები საქართველოს საჯარო მმართველობის სისტემაში

22.01.2022

იმერეთის რეგიონში სპორტის მუნიციპალური პოლიტიკის და მერიებს დაქვემდებარებული სპორტული ორგანიზაციების საქმიანობის ანალიზი

17.01.2022