IDFI-ს პრესკონფერენცია ჩაშლილი სახელმწიფო კონკურსის შესახებ

სიახლეები | ინტერნეტი და ინოვაციები | პუბლიკაციები | სტატია 31 ივლისი 2015

პარასკევს, 31 ივლისს IDFI-მ გამართა პრესკონფერენცია ჩაშლილი სახელმწიფო კონკურსის შესახებ.

 

IDFI-ს მიერ ახლახან მომზადებულ კვლევაში საუბარია იმ მიზეზებზე, რის გამოც ეკონომიკის სამინისტრომ და ტექნოლოგიებისა და ინოვაციების სააგენტომ ვერ შეძლო დაახლოებით 100 მილიონიანი ბიუჯეტის მქონე პროექტის „ფართოზოლოვანი ინტერნეტი ყველა მოქალაქეს“ ფარგლებში ჩასატარებელი კონკურსის წარმატებით დაგეგმვა და განხორციელება.

 

სწორედ აღნიშნული პროექტის განხორციელებით 2020 წლისათვის შესაძლებელი უნდა ყოფილიყო საქართველოს დაფარვა მაღალსიჩქარიანი ფართოზოლოვანი ინტერნეტ ქსელით.


IDFI-ს ექსპერტმა უჩა სეთურმა და დირექტორმა გიორგი კლდიაშვილმა ისაუბრეს კონკურსის ჩაშლის მიზეზებზე, პროცესის ხარვეზებზე და საკუთარ რეკომენდაციებზე.


ორგანიზაციის წარმომადგენლების მიერ აღინიშნა, რომ კონკურსის პირობები არ იყო მორგებული ქართულ ბაზარს, რამდენადაც წინასწარ არ მოხდა არსებული ბაზრისა და მოთხოვნების შესწავლა. მეორე მნიშვნელოვან ხარვეზს პროცესის დახურულობა და გაუმჭვირვალობა წარმოადგენდა. 


გიორგი კლდიაშვილის თქმით, სახელმწიფოს მონაწილეობა პროექტის განხორციელებაში ძალიან მცირე და ბუნდოვანი იყო, რაც გახდა იმის საფუძველი, რომ კომპანიები არ დაინტერესდნენ აღნიშნული კონკურსით.


უჩა სეთურმა განაცხადა, რომ მთავრობის მტკიცება იმის შესახებ, რომ სამ წელიწადზე გაწერილი პროექტი ამ დროის მანძილზე განხორციელდება, არარეალურია, რამდენადაც ეს ხანგრძლივი და შრომატევადი პროცესია. მისი თქმით, ჯერ აუცილებლად უნდა მოხდეს პროცესების შესწავლა და სახელმწიფო მრავალმხრივი სტრატეგიის შემუშავება. 


ორგანიზაციამ პროცესის წარმატებით განხორციელებისთვის კიდევ რამდენიმე რეკომენდაცია შეიმუშავა.

 

  

სხვა მასალები ამ თემაზე
სიახლეები

კეთილსინდისიერება საჯარო სამსახურში

23.06.2022

შიდა ქართლის რეგიონში, ოკუპირებული ტერიტორიების ახლოს მცხოვრები მეწარმეების ხელშეწყობა ბრენდინგის გზით

23.06.2022

პანელური განხილვები: საჯარო ინფორმაციის ხელმისაწვდომობის საკანონმდებლო ჩარჩოსა და პრაქტიკის გაუმჯობესება საქართველოში

16.06.2022

რეგიონული ღონისძიება: უკრაინაში რუსეთის შეჭრის გავლენა აღმოსავლეთ პარტნიორობის ქვეყნებში მოქმედ არასამთავრობო ორგანიზაციებზე

11.06.2022
განცხადებები

მიმართვა საქართველოს პრეზიდენტს სალომე ზურაბიშვილს

16.06.2022

სამოქალაქო ორგანიზაციების განცხადება 5-6 ივლისის მოვლენებში სუს-ის შესაძლო ჩართულობაზე

14.06.2022

ევროინტეგრაციის პროცესთან დაკავშირებით ქართული ოცნების ხელისუფლების დამოკიდებულება არაკონსტიტუციურია

13.06.2022

მოვუწოდებთ ხელისუფლებას გადადგას კონკრეტული ნაბიჯები კანდიდატის სტატუსის მოსაპოვებლად

10.06.2022
ბლოგპოსტები

ქართული პრესისა და ბეჭდვითი მედიის ცენზურის ისტორია

03.05.2022

9 მაისის აღნიშვნა რუსეთში

02.05.2022

ციფრული უფლებები ღია მმართველობის პარტნიორობის ფარგლებში

15.04.2022

რუსული დეზინფორმაციის ტენდენციები საქართველოში უკრაინის ომის პარალელურად

04.04.2022