IDFI-ის შეხვედრა უკრაინის დელეგატებთან

სიახლეები 9 ნოემბერი 2015

5 ნოემბერს, ინფორმაციის თავისუფლების განვითარების ინსტიტუტი (IDFI) უკრაინულ დელეგაციას, "ახალგაზრდა რეფორმატორთა კლუბს" შეხვდა. აღნიშნული ღონისძიების ორგანიზატორი, საქართველოს სტრატეგიული კვლევების ინსტიტუტი გახლდათ, რომელიც " ახალგაზრდა რეფორმატორთა კლუბის" პარტნიორი ორგანიზაციაა და რომელიც მეორედ მასპინძლობდა მათ ვიზიტს საქართველოში.


შეხვედრის ფარგლებში IDFI-ის წარმომადგენლები - ანალიტიკოსი თამარ იაკობიძე და იურისტი ნინო მერებაშვილი დელეგაციის წევრებს ორგანიზაციის საქმიანობის შესახებ ესაუბრნენ.

განხილულ იქნა IDFI-ს საქმიანობის სხვადასხვა მიმართულებები, როგორებიცაა  სამოქალაქო კონტროლი,  ადვოკატირება, გამჭვირვალე არქივები და სხვა.

 

დელეგატები დაინტერესდნენ ორგანიზაციის დაარსებიდან დღემდე მიღწეული წარმატებებით, კერძოდ კი საჯარო ინფორმაციის გამოთხოვნის პრაქტიკით. IDFI-ის წარმომადგენლებმა სტუმრებს პროექტი „საჯარო ინფორმაციის მონაცემთა ბაზა - www.opendata.ge “ გააცნეს და ამ პროექტზე მუშაობისას მიღებული გამოცდილება გაუზიარეს, მოიყვანეს კონკრეტული მაგალითები, როგორიცაა ლაზიკის მშენებლობის ხარჯების შესახებ ინფორმაციის ხელმისაწვდომობა, მიმდინარე და წარსული სასამართლო დავები ინფორმაციის თავისუფლების შესახებ. IDFI-ის წარმომადგენლებმა პრაქტიკული მაგალითებით აუხსნეს დელეგატებს, თუ რა საშუალებებით ცდილობენ მოქალაქეების დახმარებას ინფორმაციის თავისუფლებასთან დაკავშირებულ საკითხებში.  

 

ამას გარდა, შეხვედრისას საუბარი შეეხო IDFI-ის სხვა მნიშვნელოვან საქმიანობას, როგორიცაა გამჭვირვალე არქივები, სტალინური სიები და რეპრესიები. ინსტიტუტის წარმომადგენლებმა სტუმრებს გააცნეს გიორგი კლდიაშვილის დაკავების საქმეც. 

 

საუბარი აგრეთვე შეეხო „ღია მმართველობის პარტნიორობაში“ (OGP) საქართველოს და IDFI'ს წარმატებულ საქმიანობას და საერთაშორისო აღიარებას, რისი მაგალითიცაა მექსიკაში OGP-ის ჩემპიონთა ჯილდო.

 

სტუმრები დაინტერესდნენ ორგანიზაციის დაფინანსებით, იმით, თუ ვინაა სამიზნე აუდიტორია, რომელი კოალიციის წევრი ორგანიზაციაა ინფორმაციის თავისუფლების განვითარების ინსტიტუტი, ვინ არიან პარტნიორი ორგანიზაციები და რა ორგანიზაციები მუშაობენ ინფორმაციის თავისუფლების საკითხებზე საქართველოში. 

 

აღსანიშნავია, რომ დელეგატებმა სურვილი გამოთქვეს გაიზიარონ IDFI-ისა და ზოგადად საქართველოს გამოცდილება და უკრაინაში აქტიურად დაიწყონ სამოქალაქო საქმიანობა. 

 

საქართველოში დელეგატები უკრაინიდან 4-7 ნოემბრამდე იმყოფებოდნენ და მოინახულეს იუსტიციის სახლი და რუსთავში მდებარე საქართველოს შსს მომსახურების სააგენტო. მატი ვიზიტის მიზანს საქართველოში განხორციელებული და მიმდინარე რეფორმების გაცნობა წარმოადგენდა. 

 

IDFI-იმ უკრაინელ დელეგატებს სიმბოლური საჩუქრები გადასცა და წარმატება უსურვა. 

სხვა მასალები ამ თემაზე
სიახლეები

მსჯელობა დამოუკიდებლობაზე - პოლიციის ანგარიშვალდებულების საკითხის წამოწევა საჩივრების დამოუკიდებელი გამოძიების გზით

24.11.2020

1944 წლის ოფიციალური დოკუმენტები საქართველოში მცხოვრები უმცირესობების გადასახლების თაობაზე

20.11.2020

Covid-19 და კონსტიტუციური კონტროლი: საქართველოს საკონსტიტუციო სასამართლოს საქმიანობის ეფექტურობის შეფასება

20.11.2020

IDFI-ის რეკომენდაციები სახელმწიფო სერვისების პოლიტიკის დოკუმენტებთან დაკავშირებით

17.11.2020
განცხადებები

კომენდანტის საათის მანიფესტაციებზე გავრცელება, უკიდურისად გაამწვავებს პოლიტიკურ კრიზისს

09.11.2020

გამოვხატავთ მზადყოფნას მედიას მატერიალური და მორალური ზიანის ანაზღაურების მიზნით გავუწიოთ უფასო იურიდიული დახმარება

09.11.2020

არასამთავრობო ორგანიზაციები 2020-ის წლის საპარლამენტო არჩევნებს აფასებენ

05.11.2020

ვითხოვთ სათანადო რეაგირებას არჩევნების დღეს ჟურნალისტთა უფლებების დარღვევის ფაქტებზე

31.10.2020
ბლოგპოსტები

დამოუკიდებელი ანტიკორუფციული სააგენტო - მაღალი დონის კორუფციასთან ბრძოლის ეფექტური საშუალება

06.11.2020

1930-იანი წლების რეპრესიების მეხსიერება - რას და რატომ ვიხსენებთ?

13.10.2020

გასაბჭოება - საბჭოური კოლექტიური მეხსიერების პირველი საფეხური

13.10.2020

კიბერშეტევა ჯანდაცვის სამინისტროზე და რუსული კვალი

03.09.2020